الیکشن کمیشن نے پنجاب حکومت کو بلدیاتی حلقہ بندیوں، ڈی مارکیشن رولز کیلئے 4 ہفتے دیدے
اشاعت کی تاریخ: 21st, October 2025 GMT
الیکشن کمیشن آف پاکستان (ای سی پی) نے پنجاب حکومت کو بلدیاتی الیکشن کے لیے حلقہ بندیوں اور ڈی مارکیشن رولز کے لیے 4 ہفتے دینے کا فیصلہ کیا ہے۔
ای سی پی کا پنجاب لوکل گورنمنٹ ترمیمی 2025ء کی منظوری کے بعد اسلام آباد میں اجلاس ہوا۔
اعلامیے کے مطابق ای سی پی نے لوکل گورنمنٹ ایکٹ 2025ء کے تحت پنجاب میں بلدیاتی انتخابات کرانے کا فیصلہ کیا ہے۔
اجلاس میں سابق قانون کے تحت دیا گیا حلقہ بندیوں کا شیڈول واپس لینے اور پنجاب حکومت کو حلقہ بندی اور ڈی مارکیشن رولز کےلیے 4 ہفتے دینے کے فیصلے کیے گئے۔
ای سی پی اعلامیے میں واضح طور پر کہا گیا کہ اس مدت میں مزید اضافہ نہیں کیا جائے گا، پنجاب حکومت نے 4 ہفتے میں کام مکمل نہ کیا تو معاملہ سماعت کے لیے مقرر ہوگا۔
اسپیشل سیکریٹری نے کہا کہ نئے قانون کے بعد سابق قانون پر حلقہ بندیاں الیکشن ایکٹ سیکشن219کے منافی ہوگی، پنجاب لوکل گورنمنٹ ایکٹ 2025 کی منظوری کے بعد گورنر نے توثیق کردی ہے۔
.ذریعہ: Jang News
کلیدی لفظ: پنجاب حکومت
پڑھیں:
اراکین پارلیمنٹ و صوبائی اسمبلی کے اثاثوں کے گوشوارے جمع کرانے کی آخری تاریخ مقرر
الیکشن کمیشن آف پاکستان نے اراکین پارلیمنٹ اور صوبائی اسمبلیوں کو یاددہانی کرائی ہے کہ مالی سال 2024-25 کے اثاثوں اور واجبات کے گوشوارے جمع کروانے کی آخری تاریخ 31 دسمبر 2025 ہے۔
یہ بھی پڑھیں: ضمنی انتخابات، الیکشن کمیشن نے میڈیا کے لیے ضابطہ اخلاق جاری کردیا
الیکشن ایکٹ 2017 کی دفعہ 137 کے تحت تمام ارکان سینیٹ، قومی و صوبائی اسمبلی کے لیے لازم ہے کہ وہ اپنے، شریک حیات اور زیر کفالت بچوں کے اثاثوں اور واجبات کی تفصیلات مجوزہ فارم-B پر مقررہ تاریخ تک الیکشن کمیشن میں جمع کروائیں۔
سالانہ گوشوارے جمع کرانے کی پابندیہر رکن پارلیمنٹ کو ہر سال 30 جون تک کے اثاثوں اور واجبات کا گوشوارہ 31 دسمبر سے پہلے یا 31 دسمبر تک الیکشن کمیشن کو جمع کرانا ہوگا۔
عدم جمع کروائی کی صورت میں نام کی اشاعتسیکشن 137(2) کے مطابق کمیشن ہر سال یکم جنوری کو ایک پریس ریلیز جاری کرے گا جس میں ان اراکین کے نام شائع کیے جائیں گے جنہوں نے مقررہ تاریخ تک گوشوارے جمع نہیں کروائے۔
رکنیت کی معطلیکمیشن کے حکم کے تحت یکم جنوری سے 15 جنوری تک گوشوارے جمع نہ کروانے والوں کی رکنیت معطل کر دی جائے گی اور وہ گوشوارے جمع ہونے تک پارلیمنٹ یا اسمبلی کی کسی کارروائی میں حصہ نہیں لے سکیں گے۔
مزید پڑھیے: الیکشن کمیشن کا اسلام آباد میں بلدیاتی انتخابات کرانے کا اعلان
غلط گوشوارے دینے کی صورت میں کارروائیاگر کوئی رکن غلط معلومات فراہم کرنے کا مرتکب پایا گیا تو کمیشن سیکشن 137 کے تحت گوشوارے جمع ہونے کی تاریخ سے 120 دن کے اندر اس کے خلاف کارروائی کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اراکین اسمبلی کے گوشوارے اراکین پارلیمنٹ کے اثاثوں کے گوشوارے الیکشن کمیشن
لاہور؛ خاتون کو ہراساں کرنے والا رکشہ ڈرائیور گرفتار