ہمایوں سعید کی فلم ’لو گُرو‘ ہولی وڈ فلم کی نقل ہے، حیدر سلطان کا الزام
اشاعت کی تاریخ: 22nd, October 2025 GMT
پاکستانی فلم انڈسٹری کے سینئر اداکار اور لیجنڈری فلم اسٹار سلطان راہی کے صاحبزادے حیدر سلطان نے انکشاف کیا ہے کہ معروف اداکار ہمایوں سعید اور ماہرہ خان کی نئی فلم ”لوگرو“ بھارتی فلم کی نقل تھی۔
حیدر سلطان نے حال ہی میں یو ٹیوب چینل آر این این میں شرکت کی جہاں انہوں نے مختلف معاملات پر کھل کر گفتگو کی۔
گفتگو کے دوران انہوں نے ہمایوں سعید کو کڑی تنقید کا نشانہ بناتے ہوئے کہا کہ فلم ”لوگرو“ کو عوامی ردِعمل اس لیے ملا کیونکہ فلم کی کاسٹنگ غلط کی گئی۔
بقول ان کہ، ’اگر میں ہمایوں سعید کو کالج کے لڑکے کے کردار میں کاسٹ کروں تو لوگ اسے قبول نہیں کریں گے۔ انہیں اب ایسے کرداروں میں ہی دیکھا جا سکتا ہے جو ان کی عمر اور شخصیت کے مطابق ہوں۔ ایک شخص اگر چاہتا ہے کہ وہ ہمیشہ ہیرو کے کردار میں آئے تو ایسا ممکن نہیں ۔ فلم کی کامیابی کا بڑا حصہ درست کاسٹنگ پر منحصر ہوتا ہے۔‘
انہوں نے اس ضمن میں بولی وڈ اسٹار سلمان خان اور شاہ رخ خان کی مثال دیتے ہوئے کہا کہ وہ ابھی بھی ہیرو کے کردار کرتے ہیں لیکن وہ کردار اپنی عمر کو مدنظر رکھ کرچنتے ہیں، اسی لیے عوام انہیں قبول کر لیتی ہے۔
حیدر سلطان نے یہ بھی دعویٰ کیا کہ فلم ”لوگرو“ ایک ہولی وڈ فلم سے کاپی کی گئی کہانی پر مبنی ہے۔ ان کے مطابق، ’یہی فلم پہلے بھارت میں بھی بنائی گئی تھی جس میں سلمان خان نے مرکزی کردار ادا کیا تھا اور اب پاکستان میں وہی کہانی ہمایوں سعید کے ساتھ دہرائی گئی۔‘
انہوں نے بتایا کہ وہ ماضی میں بھی ہمایوں سعید کو فلموں کے حوالے سے مشورے دے چکے ہیں، اس کے ساتھ ہی وہ کئی فلم سازوں کو بھی کہتے رہے ہیں کہ وہ نئے موضوعات پر قلم اٹھائیں لیکن انہوں نے میری باتوں پر دھیان نہیں دیا دراصل انہیں لکیر کے فقیر بنے رہنے کا شوق ہے۔ اداکار ”محفوظ کھیلنے“ کو ترجیح دیتے ہیں اور بار بار ایک ہی طرز کی فلمیں بنانے پر زور دیتے ہیں۔
واضح رہے کہ حیدر سلطان نے لیجنڈری اداکار کے بیٹے ہونے کے باوجود اپنے کیریئر کا آغاز پی ٹی وی ڈراموں سے کیا تھا، جن میں ارمان، آگ، ہم ایک ہیں سمیت کئی مقبول سیریلز شامل ہیں۔ لیکن ٹی وی ڈراموں کے برعکس ان کی پنجابی فلموں کو زیادہ پذیرائی نہ مل سکی۔ ان کی چند معروف فلموں میں سوداگر، کنڈی نہ کھڑکا اور بشیرا گجر شامل ہیں۔
ذریعہ
ذریعہ: Daily Mumtaz
کلیدی لفظ: ہمایوں سعید انہوں نے فلم کی
پڑھیں:
پاکستان میں دہشت گردی کے پیچھے بھارت کا کردار واضح ہے، وزیراعظم
اسلام آباد:وزیراعظم شہباز شریف نے کہا ہے کہ پاکستان میں دہشت گردی کے پیچھے بھارت کا ہاتھ ہے جو دہشت گردوں کو وسائل مہیا کررہا ہے۔
بلوچستان نیشنل ورکشاپ کے شرکاء سے خطاب کرتے ہوئے وزیراعظم شہباز شریف نے کہا کہ دہشت گردی کی کارروائیوں میں بھارت کا کردار واضح ہے جو دہشت گردوں کو وسائل فراہم کررہا ہے، افغان عبوری حکومت دہشت گردی کو روکنے میں بالکل ناکام ہے، افغانستان اپنی سرزمین کو پاکستان کے خلاف استعمال کرنے سے روکے،ہم نے افغانستان کو سمجھانے کی کوشش کی کہ وہ دہشت گرد گروہوں کو کنٹرول کرے۔
انہوں نے کہا کہ دہشت گردی کی جنگ میں صرف عوام قربانیاں نہیں دے رہے بلکہ اس میں ہماری لا اینڈ انفورسمنٹ ایجنسیز شامل ہیں، اس میں ہماری افواج پاکستان کے کڑیل جوان اور افسران شامل ہیں۔
انہوں نے کہا کہ دہشت گردی کی جنگ میں اب تک ہمارے 90 ہزار پاکستانی شہید ہوچکے ہیں اس جنگ کے پیچھے بھارت کا ہاتھ ہے جو انہیں وسائل بھی مہیا کررہا ہے اور اس میں دیگر فیکٹرز بھی ملوث ہیں۔
وزیراعظم کا کہنا تھا کہ بلوچستان پاکستان کا جغرافیائی اعتبار سے سب سے بڑا صوبہ ہے، بہادر بلوچوں اور پختونوں نے پاکستان کے قیام میں بڑا کردار ادا کیا، ترقی کے دوڑ میں جب تک چاروں صوبے مساویانہ طور پر شریک نہیں ہوں گے پاکستان ترقی نہیں کرسکے گا اور میں یہ بات دل کی اتھاہ گہرائیوں سے قبول کرتا ہوں اور یقین دلاتا ہوں کہ بلوچستان کی ترقی میں وفاقی حکومت کوئی کسر نہیں چھوڑے گی۔
کوہاٹ میں ایکسائز اہلکاروں پر حملے کی مذمت
دریں اثنا وزیرِاعظم نے کوہاٹ میں ایکسائز اہلکاروں پر دہشت گرد حملے کی شدید الفاظ میں مذمت کی۔ وزیرِ اعظم نے واقعے میں سب انسپکٹر سجاد الاسلام اور کسٹم کانسٹیبل جواد کی شہادت پر گہرے دکھ اور رنج کا اظہار کیا، شہدا کے اہل خانہ کے لیے صبر اور زخمیوں کی جلد صحت یابی کی دعا کی۔
وزیرِ اعظم نے متعلقہ اہلکاروں کو ذمہ داران کا تعین کرکے انہیں قرار واقعہ سزا دلوانے کی ہدایت کی اور کہا کہ دہشت گردوں کے عفریت کے ملک سے مکمل خاتمے تک اس کے خلاف جنگ جاری رکھیں گے، شرپسند عناصر کو کسی صورت ملک کا امن تباہ کرنے نہیں دیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع