لندن، شاپ لفٹنگ میں ملوث گینگز کے خلاف کریک ڈاؤن، 32 افراد گرفتار
اشاعت کی تاریخ: 22nd, October 2025 GMT
لندن میں میٹ پولیس نے شاپ لفٹنگ میں ملوث منظم گینگز کے خلاف کریک ڈاؤن کرتے ہوئے ہزاروں پاؤنڈ کی مسروقہ اشیا برآمد کرلیں۔
اسکاٹ لینڈ یارڈ نے شاہ لفٹنگ کے خلاف آپریشن کو تاریخ کی سب سے بڑی کارروائی قرار دیتے ہوئے کہا ہے کہ میٹ پولیس کے افسران نے 120 ایسی دکانوں پر چھاپے مارے جن کے بارے میں شبہ تھا کہ وہ بڑے ریٹیلرز سے چرائی گئی مسروقہ اشیا خرید کر انھیں سستے داموں فروخت کر رہے ہیں۔
آپریشن کے دوران 32 افراد کو گرفتار کیا گیا اور 9 دکانوں کو بند کرنے کا حکم جاری کیا گیا، گرفتار افراد پر چوری، منشیات کے جرائم کے علاوہ امیگریشن قوانین کی خلاف ورزی کے الزامات عائد کئے گئے ہیں۔
پولیس نے بتایا کہ مسروقہ برآمد شدہ ہزاروں پاؤنڈ کے سامان میں برانڈڈ فوڈز، لیگو سیٹس اور میک اپ کی اشیا کے علاوہ الیکٹریکل آلات شامل تھے۔
شاپ لفٹنگ گینگز کے خلاف دو روزہ آپریشن کی قیادت کرنے والے سپرنٹنڈنٹ لیوک بالڈک نے کہا کہ ہم نے مسروقہ سامان برآمد کیا، گرفتاریاں کیں اور دکانیں بند کرنے کے جاری کئے، اب ہمیں غیرقانونی سرگرمیوں میں ملوث دکانوں کو مستقل بند کرنے کے لیے عدالتوں کے تعاون کی ضرورت ہوگی۔
انہوں نے بتایا کہ جن دکانوں کو ہدف بنایا گیا ان میں وولچ کا ایک موبائل فون کی دکان بھی شامل تھی جس کی دیوار کے خفیہ پینل سے بیسمنٹ میں موجود جگہ سے موبائل فون اور بجلی کے آلات کی بڑی تعداد برآمد ہوئی۔
ان کے مطابق ایک اور خفیہ جگہ پر گیمنگ کنسولز بھی موجود تھے جن کی مالیت تقریباً 50 ہزار پاؤنڈ لگائی گئی ہے، دکان سے وابستہ سات افراد کو گرفتار کیا گیا ہے اور دو ہزار فون برآمد کئے گئے جن کے بارے میں خیال ہے کہ یہ چوری کئے گئے ہیں۔
اس حوالے سے میئر لندن صادق خان نے کہا کہ یہ آپریشن واضح پیغام دیتا ہے کہ اگر آپ شاپ لفٹنگ میں ملوث ہیں یا مسروقہ سامان خریدتے ہیں تو آپ کو قانون کے کٹہرے میں کھڑا ہونا پڑے گا۔
انہوں نے کہا کہ لندن کے عوام کو جرائم کے حوالے سے سب سے زیادہ تشویش ہے اور وہ لندن کو سب کے لیے محفوظ بنانے کے لیے میٹ پولیس کے ساتھ ملک کر کام جاری رکھیں گے۔
.
ذریعہ
ذریعہ: Daily Mumtaz
پڑھیں:
کالعدم بی ایل اے سے منسلک ملک دشمن شاعرہ کی تلاش جاری، بھارتی سرپرستی اور اور ریاست مخالف پروپیگنڈے کے شواہد برآمد
بھارتی سرپرستی میں کالعدم بلوچ لبریشن آرمی (بی ایل اے) سے منسلک ملک دشمن خاتون شاعرہ حبیبہ پیرجان کی تلاش کے لیے کارروائیاں جاری ہیں۔ حبیبہ پیرجان نوجوانوں کو نہ صرف ملک دشمنی پر ورغلاتی ہیں، بلکہ اپنی نفرت انگیز پروپیگنڈا شاعری کے ذریعے ریاست مخالف بیانیے کو فروغ دیکر معصوم ذہنوں کو دہشتگردی پر اکساتی ہیں۔
مزید پڑھیں: بی ایل اے بلوچوں کے حقوق کی قاتل، حکام نے کوئٹہ تفتان شاہراہ پر کنٹرول کا دعویٰ مسترد کردیا
ذرائع کا کہنا ہے کہ حبیبہ پیرجان، زوجہ حنیف اور ضلع کیچ کے علاقے دشت کی رہائشی ہیں، جنہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا، تاہم وہ علاقے کا محاصرہ مکمل ہونے سے قبل فرار ہونے میں کامیاب ہوگئیں۔
سیکیورٹی ذرائع کے مطابق کارروائی کے دوران ان کی رہائش گاہ کی تلاشی لی گئی جہاں سے ڈائریاں، ہلاک شدہ بی ایل اے عسکریت پسندوں سے متعلق تحریری ریکارڈ اور دیگر مواد برآمد ہوا جبکہ بھارتی فنڈنگ کے کچھ اہم ثبوت بھی سامنے آئے ہیں۔
ذرائع کا دعویٰ ہے کہ برآمد شدہ مواد اور انٹیلیجنس معلومات سے یہ اشارے ملے ہیں کہ حبیبہ پیرجان کے کالعدم بی ایل اے کے متعدد اہم کمانڈروں، خصوصاً رستم پیرجان، سے قریبی روابط رہے ہیں۔
اطلاعات کے مطابق انہوں نے دشت کے جنگلات میں رستم پیرجان سے کم از کم 2 مرتبہ ملاقات کی، جن میں سے ایک ملاقات رواں برس 14 فروری کو ہوئی تھی۔
سیکیورٹی اداروں کے مطابق دستیاب ریکارڈ سے یہ بھی معلوم ہوا ہے کہ مبینہ طور پر وہ اسلحہ اور دیگر سامان کی ترسیل میں سہولت کاری، بعض بلوچ یکجہتی کمیٹی (بی وائی سی) شخصیات سے رابطوں اور سوشل میڈیا پر بی ایل اے سے منسلک پلیٹ فارمز کے ذریعے بھارتی سرپرستی میں ریاست مخالف زہریلے اور شر انگیز مواد کی تشہیر میں کردار ادا کرتی رہی ہیں۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
ذرائع کا کہنا ہے کہ حبیبہ پیرجان اپنی شاعری کے ذریعے نوجوانوں کو ورغلانے اور ریاست مخالف بیانیے کو فروغ دینے پر مامور ہیں، جبکہ اس حوالے سے ملنے والے مزید شواہد کا جائزہ لیا جا رہا ہے۔
سیکیورٹی اداروں نے کہا ہے کہ ملک دشمن مطلوب خاتون کی گرفتاری کے لیے مختلف علاقوں میں کارروائیاں جاری ہیں اور تفتیش کو آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سرپرستی بی ایل اے خاتون شاعرہ حبیبہ پیرجان رستم پیرجان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ