سائنسدانوں کا 60 سالوں سے زمین کے ساتھ محوِ سفر نیا ‘چاند’ دریافت کرنے کا دعویٰ، ناسا کی تصدیق
اشاعت کی تاریخ: 22nd, October 2025 GMT
ہوائی یونیورسٹی کے ماہرینِ فلکیات کی جانب سے دریافت ہونے والا خلائی پتھر دراصل ایک چھوٹا سیارچہ 2025 PN7 ہے، جسے ناسا نے اس ہفتے باضابطہ طور پر زمین کا ‘کوازی مون قرار دیا ہے یعنی ایسا خلائی جسم جو زمین کے گرد نہیں بلکہ سورج کے گرد گھومتا ہے مگر زمین کی رفتار کے ساتھ تقریباً ہم آہنگ رہتا ہے۔
یہ ایک حقیقی چاند نہیں ہے، مگر یہ سورج کے گرد زمین کی ہی طرح ایک ایسی مدار میں گردش کرتا ہے جس سے ایسا محسوس ہوتا ہے جیسے یہ ہماری زمین کے ساتھ سایہ کی طرح سفر کر رہا ہو۔
یہ بھی پڑھیے: ’۔۔۔ ہم ہیں تیار چلو‘، ناسا نے چاند پر گاؤں اور مریخ پر قدم جمانے کا وقت بتادیا
ماہرین کے مطابق یہ سیارچہ تقریباً 18 سے 36 میٹر چوڑا ہے، یعنی کسی چھوٹی عمارت کے برابر اونچائی رکھتا ہے۔ اگرچہ خلائی پیمانے پر یہ بہت چھوٹا ہے، لیکن پھر بھی زمین کے قریبی خلا میں اس کی موجودگی اہم سمجھی جا رہی ہے۔
یہ چاند کی طرح زمین کی کششِ ثقل سے بندھا نہیں ہے، بلکہ سورج اور دیگر سیاروں کی کششِ ثقل کے درمیان توازن قائم رکھتے ہوئے زمین کے قریب اپنی مخصوص راہ پر گردش کرتا ہے۔ ماہرینِ فلکیات کے مطابق 2025 PN7تقریباً پچھلے 60 سالوں سے زمین کے ساتھ ہم سفر ہے اور اگر اس کی موجودہ مدار برقرار رہی تو یہ 2083 تک زمین کے ساتھ رہے گا، اس کے بعد یہ دوبارہ خلا میں دور نکل جائے گا۔
یہ سیارچہ زمین کے قریب ترین وقت میں 40 لاکھ کلومیٹرکے فاصلے تک آتا ہے جو چاند کے فاصلے سے تقریباً 10 گنا زیادہ ہے جبکہ اپنے سب سے دُور مقام پر یہ 1 کروڑ 70 لاکھ کلومیٹر تک جا سکتا ہے۔
یہ بھی پڑھیے: مستقبل میں چاند پر گھر تعمیر کرنے کے لیے مکڑی نما روبوٹ تیار
یہ مشاہدہ ماہرین کے لیے خاصا پیچیدہ ثابت ہوا۔ ابتدائی طور پر اسے ایک معمولی چمکدار نقطہ سمجھا گیا جو ستاروں کے درمیان حرکت کر رہا تھا، لیکن بعد ازاں طویل نگرانی کے بعد پتہ چلا کہ یہ زمین کے گرد سورج کے مدار میں اسی رفتار سے گردش کر رہا ہے۔
اگرچہ 2025 PN7 کبھی حقیقی چاند کی طرح چمک نہیں سکتا، مگر یہ خاموش خلائی ساتھی زمین کے ساتھ مدار در مدار سفر کرتے ہوئے ہماری خلائی سمجھ بوجھ میں ایک نئی کہانی رقم کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چاند خلا ناسا.ذریعہ: WE News
کلیدی لفظ: چاند خلا زمین کے ساتھ کے گرد کر رہا
پڑھیں:
دھرمیندر نے کروڑوں کی آبائی زمین کس کے نام کی؟
بھارتی فلم انڈسٹری کے عظیم فنکار دھرمیندر، جنہوں نے اپنی زندگی میں شہرت، کامیابی اور بے شمار چاہنے والے پائے، مگر دل ہمیشہ اپنی مٹی میں ہی رکھا۔ کروڑوں کی جائیداد اور ممبئی کی چمک دمک کے باوجود ان کا سکون دیہی پنجاب ہی میں تھا، جہاں کھیتوں کی خوشبو اور گاؤں کے لوگ آج بھی انہیں اپنے ہی جیسا سمجھتے ہیں۔
رپورٹس کے مطابق دھرمیندر کو اپنے والد کی ملازمت کی تبدیلی کے باعث بچپن میں گاؤں چھوڑنا پڑا، اور بعد میں فلمی مصروفیات نے انہیں ممبئی سے باندھے رکھا۔ اس کے باوجود، وہ ہر موقع ملتے ہی لدھیانہ کے قریب ڈانگون گاؤں چلے جاتے، جہاں ان کا آبائی گھر اور خاندان موجود تھا۔ فلمی سفر کے دوران بھی یہ گاؤں ان کی یادوں اور رشتوں کا مرکز رہا۔
تقریباً دس سال قبل دھرمیندر نے وہ فیصلہ کیا جس کا ذکر اب سامنے آیا ہے۔ انہوں نے اپنی آبائی زمین، جس کی مالیت بھارتی میڈیا کے مطابق تقریباً 5 کروڑ روپے بتائی جاتی ہے، اپنے چچا زاد بھائی کے نام کر دی تھی۔ یہ وہی رشتے دار تھا جو دھرمیندر کی غیر موجودگی میں برسوں سے اس زمین کو سنبھالتا آرہا تھا۔
حال ہی میں دھرمیندر کے بھتیجے بوٹا سنگھ دیول نے بتایا کہ اداکار نے 2016 میں ڈانگون کے دورے کے دوران 19 کنال اور 3 مرلے پر مشتمل یہ زمین ان کے والد منجیت سنگھ اور چچا شنگارا سنگھ کے نام کی تھی۔ بوٹا سنگھ کے مطابق دھرمیندر شہرت سے گھرا ہونے کے باوجود ہمیشہ اپنے گاؤں اور خاندان سے رابطے میں رہتے تھے۔ وہ آخری بار 2019 میں گاؤں آئے تھے، جب ان کے بیٹے سنی دیول گورداسپور سے الیکشن لڑ رہے تھے۔
اگرچہ دھرمیندر اپنی زندگی میں دوبارہ پنجاب منتقل نہ ہوسکے، لیکن انہوں نے ممبئی کے قریب کھنڈالہ میں ایک وسیع فارم ہاؤس بنایا، جس سے وہ بے حد محبت کرتے تھے۔ کورونا کے دنوں میں وہیں سے مداحوں کے لیے ویڈیوز بناتے، باغبانی کرتے، جانوروں کی دیکھ بھال کرتے اور اپنے گاؤں کی یادیں تازہ کرتے رہتے تھے۔ ان ویڈیوز نے مداحوں کو بتایا کہ فلموں کا ہیرو دل سے اب بھی دیہاتی تھا۔
دھرمیندر نے حقیقی معنوں میں دکھا دیا کہ جڑیں اگر گاؤں کی مٹی میں پیوست ہوں تو شہرت کی آندھیاں بھی انہیں ہلا نہیں سکتیں۔ اپنی آبائی زمین اپنے ہی خاندان کے سپرد کرنا، اسی محبت اور سادگی کی علامت ہے۔
بنوں میں گاڑی پر حملہ، اسسٹنٹ کمشنر شمالی وزیرستان شہید