ایم ڈی کیٹ 2025: امیدواروں کی سہولت اور امتحانی نظام کی شفافیت اولین ترجیح، پی ایم ڈی سی
اشاعت کی تاریخ: 24th, October 2025 GMT
پاکستان میڈیکل اینڈ ڈینٹل کونسل (PMDC) کا اہم اجلاس صدر پروفیسر ڈاکٹر رضوان تاج کی زیرِ صدارت ہوا، جس میں ایم ڈی کیٹ 2025 کے شفاف اور منظم انعقاد کے لیے انتظامات کا تفصیلی جائزہ لیا گیا۔ اجلاس میں رجسٹرار، امتحانی شعبہ کے سربراہان، اور مختلف میڈیکل یونیورسٹیوں کے وائس چانسلرز نے شرکت کی۔
اجلاس میں تمام یونیورسٹیوں کو ہدایت کی گئی کہ ایم ڈی کیٹ 2025 کے انتظامات جلد مکمل کیے جائیں۔ امتحانی مراکز میں امیدواروں کے لیے مناسب سہولیات، موسمی انتظامات، اور والدین کے لیے علیحدہ انتظار گاہیں قائم کی جائیں گی۔
مزید پڑھیں: پاکستان کی تاریخ میں پہلی دفعہ نصاب یکجا کرکے ایم ڈی کیٹ پیپر بنایا ہے، وزیر صحت مصطفیٰ کمال
امتحانی شفافیت کو یقینی بنانے کے لیے غیر مجاز برقی آلات کے استعمال کی روک تھام کے لیے جَیمرز نصب کیے جائیں گے، جبکہ سوالیہ پرچے صرف گواہوں کی موجودگی میں کھولے جائیں گے۔ یونیورسٹیوں کو امیدواروں کو کاربن کاپی کے ساتھ ببل شیٹس فراہم کرنے کی بھی ہدایت کی گئی۔
کونسل نے فیصلہ کیا کہ امتحان ختم ہوتے ہی آفیشل آنسر کی ویب سائٹ پر جاری کی جائے گی، جبکہ نتائج ایک ہفتے کے اندر شائع کیے جائیں گے۔ نتائج کے 3 دن کے اندر دوبارہ جانچ کی سہولت بھی فراہم کی جائے گی۔
مزید پڑھیں: ایم ڈی کیٹ 2025 کب اور کہاں ہوگا؟ ٹیسٹ لینے والی جامعات اور فیسوں کی تفصیل جاری
مزید یہ کہ نتائج کے 10 دن کے اندر یونیورسٹیوں کو جامع تجزیاتی رپورٹ جمع کروانے کی تاکید کی گئی۔ تمام پرچے اور نتائج 12 ماہ تک محفوظ رکھے جائیں گے۔ داخلوں کی ذمہ داری صوبائی حکام اور متعلقہ یونیورسٹیوں پر عائد ہوگی، اور تمام داخلے 28 فروری 2026 تک مکمل کرنے کی ہدایت دی گئی۔
اجلاس میں اس بات پر زور دیا گیا کہ ایم ڈی کیٹ 2025 کے تمام مراحل شفافیت، دیانت داری اور رازداری کے ساتھ مکمل کیے جائیں گے، اور پاکستان میڈیکل اینڈ ڈینٹل کونسل داخلوں کے عمل میں براہِ راست مداخلت نہیں کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
MDCAT PMDC اکستان میڈیکل اینڈ ڈینٹل کونسل ایم ڈی کیٹ ایم ڈی کیٹ 2025.ذریعہ: WE News
کلیدی لفظ: ایم ڈی کیٹ ایم ڈی کیٹ 2025 ایم ڈی کیٹ 2025 کیے جائیں جائیں گے کے لیے
پڑھیں:
بس اور ٹرین پر سفر کے دوران خودکار طور پر اینڈرائیڈ فون سیٹنگز بدل دے گا، گوگل نے اہم سہولت دے دی
گوگل جلد ہی عوامی ٹرانسپورٹ میں سفر کرنے والے صارفین کے لیے اینڈرائیڈ میں ایک نئی سہولت متعارف کرانے والا ہے۔ اس فیچر کی مدد سے فون خود بخود سیٹنگز ایڈجسٹ کرے گا جب یہ شناخت کرے گا کہ صارف بس یا ٹرین میں سفر کررہا ہے۔
یہ بھی پڑھیں: واٹس ایپ نے اینڈرائیڈ صارفین کے لیے نئے اسٹوریج فیچر کی تیاری شروع کردی
اینڈرائیڈ پہلے ہی ڈرائیونگ موڈ کے ذریعے ڈرائیونگ کے دوران آنے والی کالز اور نوٹیفیکیشنز کو خاموش کر دیتا ہے تاکہ ڈرائیور کو خلل نہ ہو۔ تاہم موجودہ فیچرز میں یہ بس یا ٹرین میں سفر کا پتہ نہیں لگا سکتا، جس کی وجہ سے صارفین کو سفر کے دوران خود سے والیوم کم کرنا، ڈو ناٹ ڈسٹرب وغیرہ آن کرنا کرنا پڑتا ہے۔
رپورٹس کے مطابق گوگل ایک نیا موڈ متعارف کرانے والا ہے جسے ٹرانزٹنگ موڈ کہا جا رہا ہے۔ یہ موڈ اینڈرائیڈ 15 QPR2 میں لانچ کیے گئے موجودہ موڈز کی طرح کام کرے گا اور اس میں ایک خصوصی ٹرگر ہوگا: ’وائل ٹرانزٹنگ‘۔ اس موڈ کی مدد سے صارف کے فون کو خودکار طور پر ایڈجسٹ کر کے عوامی ٹرانسپورٹ میں بہتر تجربہ فراہم کیا جائے گا۔
یہ بھی پڑھیں: امریکا: عدالت نے گوگل کے کروم اور اینڈرائیڈ کے بیچنے پر پابندی عائد کر دی
گوگل پلے سروسز ڈرائیونگ موڈ کی شناخت کے ساتھ ساتھ یہ بھی طے کرے گی کہ صارف کب بس یا ٹرین میں ہے۔ اگرچہ کمپنی نے ابھی تک تفصیلات نہیں بتائیں کہ سیٹنگز میں کیا تبدیلیاں شامل ہوں گی، مگر امکان ہے کہ صارف نوٹیفیکیشنز، اسکرین سیٹنگز، ڈارک موڈ اور دیگر فیچرز کو خودکار طور پر اپنی مرضی کے مطابق ترتیب دے سکے گا۔
مزید اطلاعات کے مطابق یہ موڈ گوگل کے آنے والے موشن کیوز فیچر سے بھی منسلک ہو سکتا ہے، جس کا مقصد سفر کے دوران حرکت سے پیدا ہونے والی بیماری کو کم کرنا ہے۔ ٹرانزٹنگ موڈ ممکنہ طور پر اینڈرائیڈ 16 QPR3 میں مارچ میں لانچ ہو سکتا ہے، تاہم سرکاری ریلیز کی تاریخ ابھی گوگل کی جانب سے تصدیق نہیں ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
google we news اینڈرائیڈ پبلک ٹرانسپورٹ ٹرانزٹنگ موڈ ٹرین ٹیکنالوجی ڈرائیونگ موڈ سیٹنگز کال گوگل
قدیم چین میں مرد و خواتین کو قربان کیے جانے کا انکشاف!