جن کی دشمنیاں ہیں وہ صلح کرلیں یا دبئی شفٹ ہو جائیں، ایڈیشنل آئی جی سی سی ڈی
اشاعت کی تاریخ: 25th, October 2025 GMT
مشترکہ پریس کانفرنس میں آئی جی پنجاب ڈاکٹر عثمان انور نے کہا کہ سی سی ڈی کا کام ہی جرائم کا خاتمہ ہے، اور سی سی ڈی نے بہت کم عرصے میں بہت میعاری کام کیا ہے۔ انہوں نے کہا کہ صوبے سے جرائم پیشہ عناصر کو نکال کر دم لیں گے، اب پنجاب میں جرائم پیشہ عناصر کیلئے کوئی جگہ نہیں۔ اسلام ٹائمز۔ ایڈیشنل آئی جی سی سی ڈی سہیل ظفر چٹھہ نے کہا کہ جن کی دشمنیاں ہیں وہ صلح کرلیں یا دبئی چلے جائیں۔ لاہور میں ایڈیشنل آئی جی سی سی ڈی سہیل ظفر چٹھہ کے ہمراہ پریس کانفرنس کرتے ہوئے آئی جی پنجاب ڈاکٹر عثمان انور نے کہا کہ آج پنجاب کے 27 اضلاع میں سیف سٹی پروگرام شروع کیا جا رہا ہے۔
پنجاب میں جرائم کی شرح میں واضح کمی ہوئی ہے، پنجاب میں 70 فیصد جرائم کم ہو گئے ہیں، سی سی ڈی کو شاباش دیتا ہوں۔ ایڈیشنل آئی جی سی سی ڈی سہیل ظفر چٹھہ نے کہا کہ ڈیڈ لائن کے اندر غیر قانونی اسلحہ رکھنے والے خود اسلحہ جمع کروا دیں ورنہ کارروائی ہوگی، ڈیڈ لائن گزر جانے کے بعد کسی کو معافی نہیں دی جائے گی۔
ایڈیشنل آئی جی سی سی ڈی سہیل ظفر چٹھہ نے کہا کہ جن کی دشمنیاں ہیں وہ صلح کر لیں یا دبئی چلے جائیں۔ انہوں نے مزید کہا کہ جن کا کرائم ریکارڈ نہیں وہ لائسنس یافتہ اسلحہ رکھ سکتے ہیں، کسی کو بھی اسلحے کی نمائش کی اجازت نہیں دی جائے گی۔ آئی جی پنجاب ڈاکٹر عثمان انور نے کہا کہ سی سی ڈی کا کام ہی جرائم کا خاتمہ ہے، اور سی سی ڈی نے بہت کم عرصے میں بہت میعاری کام کیا ہے۔ انہوں نے کہا کہ صوبے سے جرائم پیشہ عناصر کو نکال کر دم لیں گے، اب پنجاب میں جرائم پیشہ عناصر کیلئے کوئی جگہ نہیں۔
ذریعہ
ذریعہ: Islam Times
کلیدی لفظ: جرائم پیشہ عناصر نے کہا کہ ہیں وہ
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
پاکستان نے ورلڈ کپ 2028 کیلیے براہ راست کوالیفائی کر لیا