عمران خان کا ایکس اکاؤنٹ بند کرنے کی درخواست سماعت کے لیے مقرر
اشاعت کی تاریخ: 25th, October 2025 GMT
اسلام آباد ہائی کورٹ نے بانی پی ٹی آئی عمران خان کے ایکس (سابقہ ٹوئٹر) اکاؤنٹ کو بند کرنے کی درخواست کی سماعت کے لیے 4 نومبر کی تاریخ مقرر کر دی ہے۔ عدالت نے اس حوالے سے کیس کی کاز لسٹ بھی جاری کر دی ہے، جس میں سماعت جج ارباب محمد طاہر کریں گے۔
اسلام آباد ہائی کورٹ نے اس درخواست کے حوالے سے عمران خان کو نوٹس جاری کر کے ان سے جواب طلب کیا ہے۔ اس کے علاوہ نیشنل سائبر کرائم ایجنسی، سپرنٹنڈنٹ جیل اور دیگر فریقین کو بھی عدالت نے جواب دینے کی ہدایت کی ہے۔
درخواست گزار شہری غلام مرتضیٰ نے بیرسٹر ظفر اللہ کے ذریعے یہ درخواست دائر کی ہے، جس میں عمران خان کی جانب سے کی جانے والی غیر قانونی اور بدنیتی پر مبنی ٹوئٹس کو ہٹانے اور اکاؤنٹ کو بلاک کرنے کی درخواست کی گئی ہے۔ درخواست میں یہ بھی کہا گیا ہے کہ عمران خان کے دوران قید ایکس اکاؤنٹ سے انتشاری مواد ہٹایا جائے اور اس کے پھیلاؤ کو روکا جائے۔
ذریعہ: Daily Mumtaz
کلیدی لفظ: اکاو نٹ
پڑھیں:
عرفان صدیقی کے بیٹے عمران خاور صدیقی ایڈوائزر وزیراعلیٰ پنجاب مقرر
اسلام آباد:وزیراعلیٰ پنجاب مریم نوازشریف نے عرفان صدیقی مرحوم کے بڑے صاحبزادے عمران خاور صدیقی کوایڈوائزر مقرر کر دیا، ایس اینڈ جی اے ڈی پنجاب نے نوٹیفکیشن جاری کردیا۔
ذرائع کے مطابق مسلم لیگ ن کے قائد نوازشریف عرفان صدیقی کی خالی سینیٹ کی نشست ان کے بیٹے کو دینا چاہتے تھے.
تاہم عمران صدیقی پنجاب بورڈ آف انویسٹمنٹ کے سربراہ ہیں اور اس حیثیت سے سرکاری خزانے سے تنخواہ لے رہے تھے جس کے باعث وہ سینیٹ کا الیکشن لڑنے کے اہل نہیں۔
چیف آف ڈیفینس فورسز کے تقرر نامہ کی سمری ایوان صدر چلی گئی