محفوظ پنجاب مہم، بغیر لائسنس ڈرائیونگ کرنیوالوں کیخلاف کریک ڈاؤن میں تیزی
اشاعت کی تاریخ: 25th, October 2025 GMT
علی ساہی: پنجاب میں ٹریفک قوانین پر عملدرآمد یقینی بنانے اور حادثات کی روک تھام کے لیے 90 روزہ مہم بھرپور انداز میں جاری ہے۔
ترجمان ٹریفک پولیس کے مطابق رواں ماہ کے دوران بغیر لائسنس گاڑی چلانے والوں کے خلاف کارروائیوں میں 15 فیصد اضافہ ریکارڈ کیا گیا ہے۔
اب تک 2 لاکھ 15 ہزار سے زائد شہریوں کو بغیر لائسنس ڈرائیونگ پر چالان کیا جا چکا ہے، جبکہ ان کارروائیوں کے نتیجے میں ڈرائیونگ لائسنس کے اجراء میں بھی خاطر خواہ اضافہ دیکھا گیا ہے۔
اداکار شریاس تالپڑے اور الوک ناتھ کے خلاف کروڑوں روپے کے فراڈ میں ملوث ہونے کا الزام، مقدمہ درج
ڈی آئی جی ٹریفک محمد وقاص نذیر نے کہا کہ بغیر لائسنس ڈرائیونگ ایک سنگین خلاف ورزی ہے اور ایسے افراد کسی رعایت کے مستحق نہیں.
ان کا مزید کہنا تھا کہ لاء انفورسمنٹ اقدامات کے باعث گزشتہ 3 ماہ کے دوران حادثات میں نمایاں کمی ریکارڈ کی گئی ہے۔
ترجمان کے مطابق صوبہ بھر میں بلا تفریق کارروائیاں جاری ہیں تاکہ "محفوظ پنجاب" کے وژن کو عملی جامہ پہنایا جا سکے۔
ذریعہ: City 42
کلیدی لفظ: بغیر لائسنس
پڑھیں:
پنجاب حکومت کا غیر قانونی اسلحہ کے خلاف بھرپور ایکشن
پنجاب میں غیر قانونی اسلحہ کی خرید و فروخت کے خلاف محکمہ داخلہ نے بڑی کارروائی کرتے ہوئے 28 اسلحہ ڈیلرز کے لائسنس منسوخ کر دیے ہیں۔ جعلی ڈیلرز کی دکانوں کو سیل کر کے ان کے خلاف قانونی کارروائی کا آغاز کر دیا گیا ہے۔
یہ بھی پڑھیں:لاہور پولیس کی ہوائی فائرنگ اور غیرقانونی اسلحہ کے خلاف سخت کارروائیاں، سینکڑوں گرفتار
ترجمان کے مطابق محکمہ داخلہ نے واضح کیا ہے کہ صوبے بھر میں غیر قانونی اسلحہ کی خرید و فروخت پر زیرو ٹالرینس پالیسی اپنائی جا رہی ہے۔ اس ضمن میں تمام اسلحہ ڈیلرز کی ویریفکیشن کا عمل جاری ہے۔
پنجاب میں اب تک 511 ڈیلرز نے اپنے لائسنس کی توثیق کے لیے درخواستیں جمع کرائی ہیں، جن میں سے 393 ڈیلرز کے لائسنسز کی مکمل تصدیق کر کے گرین سرٹیفکیٹس جاری کیے جا چکے ہیں۔
یہ بھی پڑھیں:کراچی پولیس کی کارروائی، بھارتی جاسوس اسلحہ سمیت گرفتار
محکمہ داخلہ کے مطابق 90 اسلحہ ڈیلرز کے کاغذات کی اسکروٹنی جاری ہے، جن میں سے 44 کیسز کی سماعت مکمل ہو چکی جبکہ باقی 46 کی سماعت جلد مکمل کی جائے گی۔ تمام کیسز کی جانچ شفاف اور منصفانہ طریقہ کار کے تحت کی جا رہی ہے۔
ترجمان نے بتایا کہ محکمہ داخلہ نے صوبے بھر میں اسلحہ ڈیلرز کی ڈیجیٹل رجسٹریشن کا عمل تیز کر دیا ہے اور غیر قانونی اسلحے کی نشاندہی و بازیابی کے لیے متعلقہ ادارے متحرک ہیں۔
اس کے علاوہ، محکمہ داخلہ کی ہدایت پر تمام اضلاع میں اسلحہ ڈیلرز کی باقاعدہ انسپکشن بھی جاری ہے۔
یہ بھی پڑھیں:احتجاج میں پرتشدد واقعات، ’ٹی ایل پی کو فوری کالعدم قرار دیا جائے‘
محکمہ داخلہ پنجاب نے اسلحہ لائسنسز کی تفصیلات بھی جاری کی ہیں جن کے مطابق صوبے میں 10 لاکھ 12 ہزار 454 افراد کے پاس انفرادی اسلحہ لائسنس موجود ہیں، جبکہ سکیورٹی کمپنیوں کے لیے 37 ہزار 918 اور مختلف اداروں کے نام پر 42 ہزار 272 لائسنس رجسٹرڈ ہیں۔
اس طرح پنجاب میں مجموعی طور پر اسلحہ لائسنسز کی تعداد 10 لاکھ 92 ہزار 644 ہے۔
ترجمان کے مطابق تمام ریکارڈ نادرا کی مدد سے آن لائن کیا جا رہا ہے تاکہ لائسنس کے اجرا اور تجدید کے عمل کو شفاف اور خودکار بنایا جا سکے۔
حکومتِ پنجاب کی ہدایت کے مطابق اپریل 2024 سے انفرادی اسلحہ لائسنس کے اجرا پر پابندی عائد ہے۔ اس لیے صوبے میں کوئی نیا انفرادی لائسنس جاری نہیں کیا جا رہا۔ شہریوں کو ہدایت کی گئی ہے کہ وہ کسی بھی فراڈ سے ہوشیار رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلح ڈیلرز اسلحہ لائسنس حکومت پنجاب غیر قانونی اسلحہ محکمہ داخلہ پنجاب
سندھ کا وفاق سے ملکی سطح پر گندم کی امدادی قیمت مقرر کرنے کا مطالبہ