پنجاب میں ڈرون پولیسنگ کا آغاز، غیر قانونی اسلحہ رکھنے والوں کے لیے 14 سال قید — مریم نواز کا بڑا فیصلہ!
اشاعت کی تاریخ: 25th, October 2025 GMT
پنجاب حکومت نے صوبے میں ڈرون پولیسنگ اور آرمز ریگولیشن کے نئے قوانین متعارف کرانے کا فیصلہ کر لیا۔وزیراعلیٰ پنجاب مریم نواز کی زیرِ صدارت امن وامان سے متعلق اجلاس میں صوبے میں لائسنس یافتہ اسلحے کی ازسرِ نو جانچ اور اسکروٹنی کا بھی فیصلہ کیا گیا۔دوران اجلاس وزیر اعلیٰ پنجاب مریم نواز کو دی گئی بریفنگ میں بتایا گیا کہ غیر قانونی اسلحہ 15 دن کے اندر اندر واپس لیا جائے گا، پنجاب میں وفاقی اسلحہ لائسنس رکھنے والوں کی بھی جانچ کی جائے گی۔مزید برآں صرف پولیس اہلکار اور رجسٹرڈ سکیورٹی گارڈز کو اسلحہ رکھنے کی اجازت ہوگی، لائسنس یافتہ اسلحہ کے مالک اور جاری کرنے والے کی تصدیق کی جائے گی، پنجاب میں وفاقی اسلحہ لائسنس رکھنے والوں کی بھی جانچ کی جائے گی۔اجلاس میں طے پایا کہ نجی سکیورٹی کمپنیوں کو رجسٹر کیا جائے گا اور ان کے لیے قواعد بنائے جائیں گے، نجی سکیورٹی گارڈز کو پنجاب پولیس ہیلپ لائن 15 سے منسلک کیا جائے گا۔اجلاس کو بتایا گیا کہ کرائم سین پر جلد رسائی کے لیے ڈرون پولیسنگ کا پائلٹ پراجیکٹ لانچ کیا جائے گا، ڈرون پولیسنگ پراجیکٹ فوری، منظم اور ڈیجیٹل ردعمل یقینی بنائے گا، پنجاب کے 14 اہم داخلی و خارجی مقامات پر جدید اسلحہ اسکینرز نصب کیے جائیں گے۔وزیر اعلیٰ پنجاب کو بتایا گیا کہ سالانہ اسلحہ لائسنس فیس میں 100 فیصد اضافہ کیا جائے گا جبکہ اسلحہ اسمگلنگ پر 14 سال کی سزا ہو گی۔
.ذریعہ: Nawaiwaqt
کلیدی لفظ: ڈرون پولیسنگ کیا جائے گا
پڑھیں:
پنجاب میں غیر قانونی اسلحہ کی خرید و فروخت کے خلاف کارروائی، 28 ڈیلرز کے لائسنس منسوخ
ویب ڈیسک: پنجاب میں غیر قانونی اسلحہ کی خرید و فروخت کے خلاف محکمہ داخلہ نے بڑی کارروائی کرتے ہوئے 28 اسلحہ ڈیلرز کے لائسنس منسوخ کر دیے ہیں, جعلی ڈیلرز کی دکانوں کو سیل کر کے ان کے خلاف قانونی کارروائی کا آغاز کر دیا گیا ہے۔
ترجمان کے مطابق محکمہ داخلہ نے واضح کیا ہے کہ صوبے بھر میں غیر قانونی اسلحہ کی خرید و فروخت پر زیرو ٹالرینس پالیسی اپنائی جا رہی ہے۔ اس ضمن میں تمام اسلحہ ڈیلرز کی ویریفکیشن کا عمل جاری ہے۔پنجاب میں اب تک 511 ڈیلرز نے اپنے لائسنس کی توثیق کے لیے درخواستیں جمع کرائی ہیں، جن میں سے 393 ڈیلرز کے لائسنسز کی مکمل تصدیق کر کے گرین سرٹیفکیٹس جاری کیے جا چکے ہیں۔
خریداروں کیلئے بڑی خوشخبری، پاکستان میں سستے سولر پینلزتیار
محکمہ داخلہ کے مطابق 90 اسلحہ ڈیلرز کے کاغذات کی اسکروٹنی جاری ہے، جن میں سے 44 کیسز کی سماعت مکمل ہو چکی جبکہ باقی 46 کی سماعت جلد مکمل کی جائے گی۔ تمام کیسز کی جانچ شفاف اور منصفانہ طریقہ کار کے تحت کی جا رہی ہے۔
ترجمان نے بتایا کہ محکمہ داخلہ نے صوبے بھر میں اسلحہ ڈیلرز کی ڈیجیٹل رجسٹریشن کا عمل تیز کر دیا ہے اور غیر قانونی اسلحے کی نشاندہی و بازیابی کے لیے متعلقہ ادارے متحرک ہیں۔
لاہور دنیاکے آلودہ ترین شہروں کی فہرست میں پہلے نمبر پر آگیا
اس کے علاوہ، محکمہ داخلہ کی ہدایت پر تمام اضلاع میں اسلحہ ڈیلرز کی باقاعدہ انسپکشن بھی جاری ہے۔
محکمہ داخلہ پنجاب نے اسلحہ لائسنسز کی تفصیلات بھی جاری کی ہیں جن کے مطابق صوبے میں 10 لاکھ 12 ہزار 454 افراد کے پاس انفرادی اسلحہ لائسنس موجود ہیں، جبکہ سکیورٹی کمپنیوں کے لیے 37 ہزار 918 اور مختلف اداروں کے نام پر 42 ہزار 272 لائسنس رجسٹرڈ ہیں۔اس طرح پنجاب میں مجموعی طور پر اسلحہ لائسنسز کی تعداد 10 لاکھ 92 ہزار 644 ہے۔
برقعہ پوش خواتین قیمتی انگوٹھیوں کا باکس چوری کر کے فرار
اداکارہ فجر شیخ رشتہ ازدواج میں منسلک ہو گئیں