سوئی نادرن نے سردیوں کے لیے نیا گیس لوڈشیڈنگ شیڈول جاری کردیا
اشاعت کی تاریخ: 26th, October 2025 GMT
اسلام آباد: سوئی نادرن گیس پائپ لائن لمیٹڈ (ایس این جی پی ایل) نے موسمِ سرما کے دوران گیس کی قلت کے پیشِ نظر نیا لوڈشیڈنگ شیڈول جاری کردیا ہے جس کے تحت گھریلو صارفین کو دن کے مخصوص اوقات میں ہی گیس فراہم کی جائے گی۔
ترجمان ایس این جی پی ایل کے مطابق گیس کی مسلسل قلت اور سردیوں میں بڑھتی ہوئی طلب کو دیکھتے ہوئے نیا شیڈول تیار کیا گیا ہے تاکہ شہری اور دیہی علاقوں میں محدود ذخائر کو منصفانہ طور پر تقسیم کیا جا سکے۔
جاری کردہ شیڈول کے مطابق صارفین کو صبح ساڑھے 5 بجے سے ساڑھے 8 بجے تک، دوپہر ساڑھے 11 بجے سے ڈیڑھ بجے تک، اور شام ساڑھے 5 بجے سے رات ساڑھے 8 بجے تک گیس دستیاب ہوگی، جب کہ رات ساڑھے 8 بجے سے صبح ساڑھے 5 بجے تک گیس کی فراہمی معطل رہے گی۔
کمپنی کے حکام کا کہنا ہے کہ یہ شیڈول لاہور، اسلام آباد اور ایس این جی پی ایل کے دیگر علاقوں میں نافذ العمل ہوگا، مخصوص اوقات کے دوران گیس کا پریشر کم ہونے یا سپلائی معطل رہنے کا امکان بھی موجود ہے۔
ایس این جی پی ایل نے شہریوں سے اپیل کی ہے کہ وہ اپنے کھانے پکانے اور دیگر گھریلو امور کو دیے گئے وقت کے مطابق ایڈجسٹ کریں تاکہ کسی قسم کی مشکلات سے بچا جا سکے۔
کمپنی نے مزید کہا کہ صارفین گیس کا استعمال ذمہ داری کے ساتھ کریں اور گیس چوری یا غیر قانونی کنکشن کی صورت میں فوری طور پر متعلقہ حکام کو اطلاع دیں۔
.
ذریعہ: Al Qamar Online
کلیدی لفظ: پاکستان کھیل ایس این جی پی ایل بجے تک
پڑھیں:
نیپرا کے فیصلے کے بعد کراچی میں بجلی کے نرخ میں کسی طرح کی کمی نہیں آئے گی، کے الیکٹرک
ترجمان نے کہا کہ نیپرا کے نئے فیصلے سے ہماری مالی مشکلات یقیناً بڑھیں گی، فیصلے سے کے الیکٹرک کو شدید مالی مشکلات اور مرمتی کام متاثر ہوگا، مالی مشکلات میں اضافے سے موسم سرما میں بدترین لوڈشیڈنگ کا خدشہ پیدا ہوگیا ہے اور نیپرا کے نئے فیصلے سے جن علاقوں میں لوڈ شیڈنگ نہیں ہوتی وہاں بھی لوڈشیڈنگ شروع ہونے کا اندیشہ ہے۔ اسلام ٹائمز۔ کے الیکٹرک نے صارفین کو واضح کیا ہے کہ نیپرا کے فیصلے کے بعد شہریوں کے بجلی کے نرخ میں کسی طرح کی کمی نہیں آئے گی۔ تفصیلات کے مطابق نیشنل الیکٹرک پاور ریگولیٹری اتھارٹی (نیپرا) کی جانب سے پہلے اضافی ٹیرف دینے اور پھر واپس لینے کے بعد کم ٹیرف نے کے الیکٹرک کے صارفین میں بے چینی پیدا کردی ہے۔ ذرائع کے الیکٹرک نے بتایا کہ نیپرا کے ملٹی ائیر ٹیرف میں کے الیکٹرک کے فی یونٹ 7 روپے 60 پیسے کی کمی کے الیکٹرک پر بجلی بن کر گری ہے، نیپرا موجودہ فیصلے سے ادارے کو 100 روپے کا سالانہ نقصان ہوگا۔
ترجمان نے کہا کہ نیپرا کے نئے فیصلے سے ہماری مالی مشکلات یقیناً بڑھیں گی، فیصلے سے کے الیکٹرک کو شدید مالی مشکلات اور مرمتی کام متاثر ہوگا، مالی مشکلات میں اضافے سے موسم سرما میں بدترین لوڈشیڈنگ کا خدشہ پیدا ہوگیا ہے اور نیپرا کے نئے فیصلے سے جن علاقوں میں لوڈ شیڈنگ نہیں ہوتی وہاں بھی لوڈشیڈنگ شروع ہونے کا اندیشہ ہے۔ ترجمان نے کہا کہ کیش فلو میں کمی سے مقامی مینٹینس کا کام متاثر ہونے کے ساتھ ضروی آلات کی امپورٹ بھی تقریبا بند ہوجائے گی کیونکہ کے الیکٹرک نیٹ میٹرنگ سمیت مینٹیس کے لئے پرزہ جات باہر سے امپورٹ کرتی ہے۔
ترجمان نے کہا کہ کیش فلو میں کمی کے باعث کے الیکٹرک کے ملازمین کی تنخواہوں کی ادائیگی میں بھی مشکلات یقینی ہوں گی۔ نیپرا کے نئے فیصلے میں بلوں کی ریکوری کو تقریبا 100 فیصد کرنے کا مطالبہ کیا ہے تاہم فیصلے پر قانونی ٹیم سے مشاورت کررہے ہیں، موجودہ فیصلے سے ہماری مالی مشکلات یقیننا بڑھیں گی، ہماری کوشش ہوگی کہ مالی مشکلات کے باوجود شہر میں بجلی کی سپلائی کو بہتر طریقے سے جاری رکھیں۔ نیپرا کے فیصلے کا عوام پر براہ راست اثر نہیں پڑے گا تاہم شہریوں کے بجلی کے نرخ میں کسی طرح کی کمی نہیں آئے گی۔
وزیراعظم شہباز شریف کا دیوالی پر پیغام:ہندو برادری کو خوشیوں کی مبارکباد