میڈیکل اور ڈینٹل کالجوں میں داخلوں کیلئے ملک بھر میں ٹیسٹ آج ہوں گے
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
پاکستان بھر میں میڈیکل اور ڈینٹل کالجوں میں داخلوں کے لیے آج ایم ڈی کیٹ (MDCAT) کے امتحانات منعقد ہو رہے ہیں، جن میں ایک لاکھ 40 ہزار سے زائد طلبہ و طالبات حصہ لے رہے ہیں۔ یہ امتحان ملک کے 32 شہروں سمیت سعودی عرب کے ایک سینٹر میں بھی لیا جا رہا ہے، جہاں پاکستانی طلبا شرکت کر رہے ہیں۔
سوشل میڈیا پر ایم ڈی کیٹ کے مبینہ پرچے لیک ہونے کی خبروں کے بعد صورتحال پر تشویش پائی جا رہی تھی، تاہم سندھ ٹیسٹنگ سروس کے سی ای او پروفیسر آصف احمد شیخ نے وضاحت دیتے ہوئے کہا کہ سوشل میڈیا پر گردش کرنے والے تمام پرچے جعلی اور غلط ہیں۔ ان کا کہنا تھا کہ امتحانی نظام مکمل طور پر محفوظ ہے، اور کسی بھی قسم کی غیر معمولی سرگرمی کی اطلاع درست نہیں۔
انہوں نے مزید کہا کہ جن امیدواروں کا جووینائل کارڈ نہیں بن سکا، وہ مایوس نہ ہوں بلکہ اپنی میٹرک یا انٹرمیڈیٹ کی اصل مارک شیٹ ساتھ لائیں تاکہ وہ ٹیسٹ میں شرکت کر سکیں۔
کراچی میں ڈاؤ یونیورسٹی اور این ای ڈی یونیورسٹی میں امتحانی مراکز قائم کیے گئے ہیں۔ امتحان کے باعث یونیورسٹی روڈ پر ٹریفک کی روانی متاثر ہوئی، تاہم ٹریفک پولیس نے خصوصی اقدامات کرتے ہوئے اضافی اہلکار تعینات کر دیے تاکہ طلبہ کو کسی قسم کی پریشانی کا سامنا نہ ہو۔
ذرائع کے مطابق ایم ڈی کیٹ کے نتائج کی بنیاد پر 22 ہزار کامیاب طلبہ کو ایم بی بی ایس اور بی ڈی ایس پروگرامز میں داخلے دیے جائیں گے۔
ذریعہ: Jasarat News
پڑھیں:
روسی فوجی طیارہ ٹیسٹ فلائٹ کے دوران گرکر تباہ
data-id="863a0a8" data-element_type="widget" data-widget_type="theme-post-content.default">
ماسکو: روس کا ایک فوجی ٹرانسپورٹ طیارہ منگل کو ٹیسٹ فلائٹ کے دوران ماسکو سے 254 کلومیٹر دور شمال مشرق میں ایوانوو ریجن میں گر کر تباہ ہو گیا۔
روسی سرکاری خبر رساں ادارے تاس نے بتایا کہ حادثے کے وقت طیارے میں 7 افراد سوار تھے اور ان کی حالت کے بارے میں تاحال کوئی معلومات نہیں مل سکیں۔
وزارتِ دفاع نے بیان میں کہا کہ ’آئیوانوو ریجن میں مرمت کے بعد کی گئی ٹیسٹ فلائٹ کے دوران اے این-22 ملٹری ٹرانسپورٹ طیارہ گر کر تباہ ہوگیا‘۔ بیان کے مطابق طیارہ غیر آباد علاقے میں گرا۔
آئیوانوو کا علاقہ ماسکو کے مشرق میں تقریباً 200 کلومیٹر کے فاصلے پر واقع ہے۔ وزارتِ دفاع نے مزید بتایا کہ سرچ اینڈ ریسکیو ٹیمیں موقع پر بھیج دی گئی ہیں جبکہ حادثے کی تحقیقات بھی شروع کر دی گئی ہیں۔
ذرائع کے مطابق روس کے یوکرین کے خلاف جاری حملے یا کیف کے کسی ممکنہ کردار کے حوالے سے اس حادثے کا کوئی تعلق ظاہر نہیں کیا گیا۔
سال 2025 کی آخری ملک گیر انسدادِ پولیو مہم کا افتتاح