پاک افواج کا نائیک سیف علی جنجوعہ شہید کو خراجِ عقیدت، یومِ شہادت پر قرآن خوانی اور دعاؤں کا اہتمام
اشاعت کی تاریخ: 26th, October 2025 GMT
چیف آف آرمی اسٹاف جنرل سید عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، چیف آف نیول اسٹاف ایڈمرل نوید اشرف اور چیف آف ایئر اسٹاف ایئر چیف مارشل ظہیر احمد بابر سدھو نے پاک افواج کی جانب سے نائیک سیف علی جنجوعہ شہیدؒ، ہلالِ کشمیر، کی 77ویں برسی کے موقع پر خراجِ عقیدت پیش کیا۔
پاک فوج کے ترجمان کے مطابق نائیک سیف علی جنجوعہ شہیدؒ نے 1948 کی جنگ کے دوران پیر کلیوا رج کے دفاع میں غیر معمولی جرات اور عزمِ صمیم کا مظاہرہ کرتے ہوئے مادرِ وطن کی خاطر اپنی جان کا نذرانہ پیش کیا۔ ان کی بہادری اور قربانی قوم کے لیے ہمیشہ مشعلِ راہ رہے گی۔
پاک افواج کے سربراہان نے اس موقع پر کہا کہ نائیک سیف علی جنجوعہ شہیدؒ سمیت تمام شہداء کی عظیم قربانیاں وطنِ عزیز کی سلامتی اور آزادی کی ضمانت ہیں۔ ان کا جذبۂ حب الوطنی اور فرض شناسی آنے والی نسلوں کے لیے مثال ہے۔
ترجمان کے مطابق قوم اپنے ان بہادر بیٹوں کی قربانیوں کو کبھی فراموش نہیں کرے گی جنہوں نے وطن کی حفاظت کے لیے جانیں نچھاور کیں۔ ان کی قربانیاں ہمیشہ پاکستانی قوم کے دلوں میں فخر، احترام اور عقیدت کے ساتھ زندہ رہیں گی۔
آج نائیک سیف علی جنجوعہ شہید کا یومِ شہادت پوری عقیدت اور احترام سے منایا جا رہا ہے۔نائیک سیف علی جنجوعہ شہید (ہلال کشمیر)کے77ویں یومِ شہادت پر مساجد میں قرآن خوانی اور دعاؤں کا اہتمام کیا گیا۔
دن کا آغاز مساجد میں قرآن خوانی اور دعاؤں کے ساتھ ہوا۔ علماء کرام نے شہید کے درجات کی بلندی کے لیے خصوصی دعائیں کیں۔
علماء کرام نے اپنے خطابات میں کہا کہ شہداء کا لہو ہم پر قرض ہے اور زندہ قومیں اپنے محسنوں کے احسانات کو فراموش نہیں کرتیں۔انہوں نے کہا کہ شہید ہمیشہ زندہ ہوتے ہیں اور نائیک سیف علی جنجوعہ شہید، دھرتی کا بہادر بیٹا تھا جو ہمیشہ ہر دل میں زندہ رہے گا۔
آزادکشمیر رجمنٹ کے بہادر سپوت نائیک سیف علی جنجوعہ شہید (ہلالِ کشمیر) کا 77 واں یوم شہادت
پاک فوج کے بہادر سپوت نائیک سیف علی جنجوعہ نے 1948کی پاک - بھارت جنگ کے دوران بہادری سے پیر کلیوہ پوسٹ کا دفاع کیا
آزاد جموں و کشمیر کے بہادرسپوت نائیک سیف علی جنجوعہ 23 اپریل 1922 کو… pic.
ذریعہ
ذریعہ: Express News
کلیدی لفظ: نائیک سیف علی جنجوعہ شہید کے لیے
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی