ڈینگی کا وبائی صورت اختیار کرنا پیپلزپارٹی کی نااہلی کا ثبوت ہے ، تحریک انصاف
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)پاکستان تحریک انصاف کے رُکن سندھ اسمبلی ریحان راجپوت نے کہا ہے کہ حیدرآباد سمیت سندھ بھر میں ڈینگی کے مریضوں کی تعداد میں تیزی سے اضافہ پیپلزپارٹی کی صوبائی حکومت اور مقامی انتظامیہ کے دعوؤں کا پول کھولنے کیلئے کافی ہے۔ انہوں نے کہاکہ پیپلزپارٹی صحت اور انفراسٹرکچر سب سے بہتر ہونے کے دعویٰ کرتی ہے لیکن عملی طورپر حالت یہ ہے کہ مچھر مار اسپرے تک حیدرآباد میں نہیں کیا جارہا ہے جس کے باعث شہریوں میں ڈینگی وبائی شکل اختیار کرتی جارہی ہے۔ ہر گھر سے لوگ ڈینگی کے مرض میں مبتلا ہیں، سرکاری، نجی اسپتال مریضوں سے بھر چکے ہیں۔ ضلعی حکومت خاموشی تماشائی بنی ہوئی ہے، انہوں نے کہاکہ ڈینگی مچھر کی افزائش کو اگر فوری طورپر نہ روکا گیا اور اس کے حوالے سے عوام میں آگاہی مہم اور اس کی روک تھام کیلئے عملی اقدام نہیں کئے گئے تو پھر یہ بیماری انتہائی خطرناک صورتحال اختیار کرجائیگی جس کے بعد اس کا مقابلہ کرنا ناممکن ہوجائیگا۔ انہوں نے کہاکہ اب بھی 12سے زائد افراد ڈینگی کی وجہ سے موت کے منہ میں چلے گئے ہیں جبکہ ہزاروں کی تعداد میں ڈینگی سے متاثرہ افراد گھروں اور اسپتالوں میں علاج کروارہے ہیں۔
ذریعہ: Jasarat News
پڑھیں:
عمران خان کے خلاف غداری کے مقدمے کا امکان رد نہیں کیا جا سکتا، مشیر وزیراعظم رانا ثنااللہ
وزیراعظم پاکستان کے مشیر برائے سیاسی امور سینیٹر رانا ثنااللہ نے کہا ہے کہ عمران خان کے خلاف غداری کے مقدمے کا امکان رد نہیں کیا جا سکتا۔
نجی ٹی وی کو انٹرویو دیتے ہوئے انہوں نے کہاکہ عمران خان سے بات چیت کا دروازہ کبھی کھلا ہی نہیں تھا، ان کے خلاف بڑے فیصلے حالیہ ٹوئٹ اور بہنوں کے بیانات کے بعد ہوئے۔
انہوں نے کہاکہ ڈی جی آئی ایس پی آر نے دوٹوک پیغام دیا، اس میں پھٹنے والی کوئی بات نہیں، ڈی جی نے واضح پیغام دیا، مذاق سمجھیں گے تو نقصان اٹھائیں گے۔
رانا ثنااللہ نے کہاکہ پی ٹی آئی کے کچھ لوگ بھارتی میڈیا کی زبان بول رہے ہیں، ڈی جی آئی ایس پی آر کی پریس کانفرنس کو سیاسی بیان نہ سمجھا جائے۔
ایک سوال کے جواب میں انہوں نے کہاکہ چیئرمین پی پی پی بلاول بھٹو اور شرجیل میمن آئی ایس پی آر کی پریس کانفرنس پر ردعمل دے چکے، پیپلز پارٹی کا مؤقف ضرور آنا چاہیے۔
انہوں نے کہاکہ پی ٹی آئی کچھ لوگ نفرت، اداروں اور ان کی قیادت کے خلاف سیاست کررہے ہیں، فوج اور سربراہ کے خلاف حد عبور کریں گے تو برداشت نہیں کیا جائےگا۔
رانا ثنااللہ نے کہاکہ جعفر ایکسپریس واقعے کے بعد بھارتی، افغان اور پی ٹی آئی میڈیا نے ریاست پاکستان کے خلاف مل کر پروپیگنڈا کیا، تب سے ان لوگوں کو مانیٹر کیا جارہا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل ڈی جی آئی ایس پی آر رانا ثنااللہ عمران خان غداری مقدمہ مشیر وزیراعظم وی نیوز
سال 2025 کی آخری ملک گیر انسدادِ پولیو مہم کا افتتاح