خواتین کے ہنر کو فروغ دینا ناگزیر ہے‘ جعویدہ فہیم‘ نادیہ سیف
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-02-10
کراچی (اسٹاف رپورٹر) ٹاؤن میونسپل کارپوریشن ناظم آباد کی جانب سے ماہرالقادری فیملی پارک میں ویمنز ٹیلنٹ ایگزیبیشن 2025ء کا انعقاد کیا گیا۔جس کا عنوان: ’’اسپیشل نیڈز ایڈیٹ‘‘ رکھا گیا۔ تقریب میں مختلف شعبہ ہائے زندگی سے تعلق رکھنے والی خواتین نے شرکت کی اور اپنے فن، ہنر اور صلاحیتوں کا مظاہرہ کیا،اس موقع پر ناظمہ کراچی جعویدہ فہیم، ناظمہ ضلع نادیہ سیف، چیئرمین ناظم آباد ٹاؤن سید محمد مظفر، ڈپٹی کمشنر ضلع وسطی طٰہٰ سلیم، ڈائر یکٹر سینی ٹیشن ظہیر احمدودیگر معزز مہمان گرامی افسران اور خواتین نے بڑی تعداد میں شرکت کی۔ ناظمہ کراچی جعویدہ فہیم نے کہا کہ ناظم آباد ٹاؤن کی یہ کاوش قابلِ ستائش ہے، خواتین کو بااختیار بنانے کے لیے ایسے پروگرامز معاشرتی ترقی میں اہم کردار ادا کرتے ہیں۔ ناظمہ ضلع نادیہ سیف نے اپنے خیالات کا اظہار کرتے ہوئے کہا کہ خواتین کے ہنر کو فروغ دینا اور انہیں پلیٹ فارم مہیا کرنا وقت کی اہم ضرورت ہے۔ میں امید کرتی ہوں کہ آئندہ بھی ایسے مثبت اقدامات جاری رہیں گے۔چیئرمین ناظم آباد ٹاؤن سید محمد مظفر نے اپنے خطاب میں کہا کہ اس ایکزیبیشن کا مقصد خواتین کے ٹیلنٹ کو اجاگر کرنا ہے۔ ہماری خواتین میں بے پناہ صلاحیتیں موجود ہیں، لیکن اکثر خواتین کو انہیں اپنی قابلیت دنیا کے سامنے لانے کا موقع نہیں ملتا۔ ناظم آباد ٹاؤن نے اس پلیٹ فارم کے ذریعے انہیں یہ موقع فراہم کیا ہے کہ وہ اعتماد کے ساتھ اپنی صلاحیتوں کا مظاہرہ کریں۔ڈپٹی کمشنر ضلع وسطی طٰہٰ سلیم نے کہا کہ یہ ایکزیبیشن نہ صرف خواتین کے لیے بلکہ پورے معاشرے کے لیے حوصلہ افزائی کا باعث ہے۔ خواتین کا ٹیلنٹ ہمارے معاشرتی اور اقتصادی نظام کی مضبوطی میں اہم کردار ادا کرسکتا ہے۔ تقریب کے اختتام پر چیئرمین ناظم آباد ٹاؤن سید محمد مظفر اورڈپٹی کمشنر ضلع وسطی طحہ سلیم نے خواتین میں ایوارڈز اور شیلڈز تقسیم کی،خواتین اور اسپیشل بچوں نے اس اعزاز کو اپنی زندگی کا یادگار لمحہ قرار دیا۔ آخر میں تمام مہمانانِ گرامی نے شرکاکے کام کو سراہا اور اس عزم کا اظہار کیا کہ مستقبل میں بھی خواتین کے لیے ایسے مواقع فراہم کیے جاتے رہیں گے۔
ذریعہ
ذریعہ: Jasarat News
کلیدی لفظ: ناظم ا باد ٹاو ن خواتین کے کہا کہ کے لیے
پڑھیں:
طالبان نے خواتین و بچوں کی فلاحی تنظیم کا دفتر سیل کر دیا، 6 اہلکار لاپتا
افغانستان کے دارالحکومت کابل میں طالبان حکام نے خواتین اور بچوں کے حقوق کے لیے کام کرنے والی ویمن اینڈ چلڈرن لیگل ریسرچ فاؤنڈیشن کے دفتر پر چھاپہ مار کر تنظیم کے 6 ملازمین کو حراست میں لے لیا۔
میڈیا رپورٹس کے مطابق، کارروائی کے دوران طالبان اہلکاروں نے تنظیم کے کمپیوٹرز، دستاویزات اور دیگر دفتری سامان بھی قبضے میں لے لیا۔
یہ بھی پڑھیں: افغانستان: طالبان حکومت کا ایک اور متنازع فیصلہ، خواتین کو صحت کی تعلیم سے روکنے کا حکم
تاہم اب تک یہ معلوم نہیں ہو سکا کہ گرفتار کیے گئے ملازمین کو کہاں منتقل کیا گیا ہے اور ان کی موجودہ حالت کیا ہے۔
ذرائع کے مطابق گرفتار ہونے والوں میں 2 افراد تنظیم کی سربراہ زرقا یفتلی کے قریبی رشتہ دار ہیں، جو اس وقت افغانستان سے باہر مقیم ہیں۔
Sources in Kabul told Afghanistan International on Wednesday that Taliban agents raided the office of the Women and Children Legal Research Foundation (WCLRF) earlier this week and detained six staff members.https://t.co/ly2WtJb202 pic.twitter.com/fQ8qbUdHiN
— Afghanistan International English (@AFIntl_En) July 23, 2026
زرقا یفتلی خواتین کے حقوق کی معروف کارکن ہیں اور گزشتہ سال انہیں متحدہ عرب امارات کی جانب سے 2026 زاید ایوارڈ فار ہیومن فریٹرنٹی سے نوازا گیا تھا۔
ذرائع کے مطابق زیرِ حراست افراد کے اہلِ خانہ نے شدید تشویش کا اظہار کرتے ہوئے طالبان حکام سے مطالبہ کیا ہے کہ ان کے عزیزوں کی حراست کی جگہ، قانونی حیثیت اور صحت کے بارے میں فوری طور پر آگاہ کیا جائے۔
مزید پڑھیں: کرکٹ اسٹارز سے ملاقاتوں اور لباس کے معاملے پر طالبان رہنماؤں میں اختلافات بڑھ گئے
ویمن اینڈ چلڈرن لیگل ریسرچ فاؤنڈیشن تعلیم، خواتین اور بچوں کے حقوق کی وکالت، تحقیقی سرگرمیوں اور تحقیقاتی رپورٹس کی تیاری کے شعبوں میں کام کرتی رہی ہے۔
طالبان کے دوبارہ اقتدار میں آنے کے بعد افغانستان میں سول سوسائٹی کی متعدد تنظیموں، خصوصاً خواتین کے حقوق کے لیے کام کرنے والے اداروں، پر سخت پابندیاں عائد کی گئی ہیں۔
اس عرصے کے دوران کئی سماجی کارکنوں کو حراست میں لیا گیا، جبکہ متعدد تنظیمیں اپنی سرگرمیاں محدود کرنے یا مکمل طور پر بند کرنے پر مجبور ہو چکی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان سول سوسائٹی طالبان فلاحی تنظیم کابل کمپیوٹرز متحدہ عرب امارات ویمن اینڈ چلڈرن لیگل ریسرچ فاؤنڈیشن
بھارت سے جنگ اور افغانستان میں کارروائی خارج ازامکان نہیں، وزیردفاع