متنازع بیان پر سابق کپتان راشد لطیف کیخلاف تحقیقات کا آغاز
اشاعت کی تاریخ: 19th, November 2025 GMT
نیشنل سائبر کرائم انوسٹی گیشن ایجنسی نے سوشل میڈیا پر پروگرام میں متنازع بیان دینے و کمنٹ کرنے پر پاکستان کرکٹ ٹیم کے سابق کپتان و کرکٹر راشد لطیف کے خلاف دو مخلتف شکایات پر تحقیقات کا آغاز کردیا۔
ذرائع کے مطابق راشد لطیف کے حوالے سے پاکستان کرکٹ بورڈ کے سینئر مینجر لیگل نے این سی سی آئی کو باقائدہ درخواست دی اور موقف اختیار کیا کہ ’انھوں نے سوشل میڈیا پر یوٹیوب چینل کے ایک پروگرام کے دوران کرکٹر محمد رضوان کے حوالے سے بیان دیا کہ اگر انھوں نے کسی ملک کا جھنڈا اٹھا لیا تو اس کو کپتانی سے ہٹا دو گے کیا‘۔
اسی طرح دوسری درخواست میں الزام ہے کہ انھوں نے سوشل میڈیا اکاؤنٹ پر مبینہ طور پر پی سی بی و چند منسلک افراد پر جوئے کی ایپس پرموٹ کرنے کامبینہ الزام عائد کیا کہ "جوئے کا لوگو لگانے اور چھپانے میں سزا اور جزا‘۔
این سی سی آئی اے حکام کے مطابق راشد لطیف کو دونون انکوائریز میں طلب کیاگیا جو پیش ہوئے اور اپنے ابتدائی بیان ریکارڈ کروائے جس پر نیشنل سائبر کرائم انوسٹی گیشن ایجنسی کی جانب سے راشد لطیف کو سوال نامہ بھی وصول کرایا جس کا جواب وہ آئندہ چند دنوں میں انکوائری افسران کو جمع کرائیں گے۔
ذرایع کے مطابق جوابات کی روشنی میں تحقیقات کو مزید آگے بڑھایا جائے گا۔
.ذریعہ: Express News
کلیدی لفظ: راشد لطیف
پڑھیں:
سابق کپتان سرفراز احمد کو پی سی بی میں اہم ذمہ داریاں مل گئیں
قومی کرکٹ ٹیم کے سابق کپتان سرفراز احمد کو پاکستان کرکٹ بورڈ (پی سی بی) کی جانب سے اہم ذمہ داریاں سونپ دی گئی ہیں۔
میڈیا رپورٹس کے مطابق سرفراز احمد اب پاکستان شاہینز اور پاکستان انڈر 19 ٹیموں سے متعلق تمام امور کی نگرانی کریں گے۔
مزید پڑھیں: پاکستان کرکٹ بورڈ نے سابق ٹیسٹ کرکٹر سرفراز نواز کی پینشن بحال کردی
ان کے کردار میں کوچز کی نگرانی، دوروں کا انتظام اور پاکستان میں ہونے والے تربیتی کیمپ اور سیریز کے دوران ٹیموں کے ساتھ رہنا شامل ہوگا۔ انہیں بیرونِ ملک ٹیموں کے ساتھ سفر کرنے کا اختیار بھی حاصل ہوگا۔
وکٹ کیپر بیٹر سرفراز احمد نے بین الاقوامی کیریئر میں 54 ٹیسٹ میچز کھیلے اور 3 ہزار 31 رنز بنائے، جن میں چار سینچریاں اور 21 نصف سینچریاں شامل ہیں۔
117 ون ڈے میچز میں انہوں نے 2 ہزار 315 رنز اسکور کیے، جس میں 2 سینچریاں اور 11 نصف سینچریاں شامل ہیں، جبکہ ٹی20 انٹرنیشنل میں انہوں نے 61 میچز میں 818 رنز بنائے، جن میں 3 نصف سینچریاں شامل ہیں۔
سرفراز احمد کی کپتانی کا ریکارڈ بھی شاندار ہے۔ انہوں نے 2017 چیمپیئنز ٹرافی میں پاکستان کو فتح دلائی اور فائنل میں بھارت کو 180 رنز سے ہرایا۔
مزید پڑھیں: سرفراز احمد کی ترقی، پاکستان کے مزید 5 کرکٹرز بھی سینٹرل کنٹریکٹ میں شامل
2019 کے ورلڈ کپ میں ان کی سربراہی میں ٹیم 9 میں سے 5 میج جیتی۔ جبکہ ٹی20 انٹرنیشنل میں ان کی جیت کی شرح 78.37 فیصد رہی، جہاں انہوں نے 37 میچز میں سے 29 جیتے۔
38 سالہ سرفراز احمد نے آخری بار پاکستان کی نمائندگی 2023 میں آسٹریلیا کے خلاف پرتھ میں کھیلے گئے ٹیسٹ میچ میں کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انڈر 19 اہم ذمہ داریاں پاکستان شاہینز پاکستان کرکٹ بورڈ پی سی بی سرفراز احمد وی نیوز
دہشت گردی کا خطرہ، کوئٹہ سمیت بلوچستان کے اکثر علاقوں میں انٹرنیٹ بند