ملک میں سونے کے نرخ مقرر کرنے کا کوئی مارکیٹ میکانزم موجود نہیں: کمپٹیشن کمیشن کی اسسمنٹ اسٹڈی
اشاعت کی تاریخ: 26th, November 2025 GMT
—فائل فوٹو
کمپٹیشن کمیشن نے سونے کی مارکیٹ پر ’اسسمنٹ اسٹڈی‘ جاری کرتے ہوئے کہا ہے کہ گولڈ مارکیٹ کو دستاویزی شکل دینے کے لیے اتھارٹی تشکیل دی جائے۔
اسسمنٹ اسٹڈی میں کہا گیا ہے کہ پاکستان میں سونے کی مارکیٹ غیر دستاویزی اور غیر شفاف قیمتوں کا شکار ہے، پاکستان میں سالانہ 60 سے 90 ٹن تک سونے کی کھپت ہوتی ہے، ملک میں 90 فیصد سے زیادہ سونے کی تجارت غیر رسمی چینلز سے ہوتی ہے۔
کمپٹیشن کمیشن نے کہا کہ مالی سال 2024 میں 17 ملین ڈالر مالیت کا سونا درآمد کیا گیا۔ ریکوڈک گولڈ پروجیکٹ 37 سال میں تقریباً 74 ارب ڈالر مالیت کا سونا پیدا کرے گا، ریکوڈک منصوبہ سونے کی سپلائی چین کو بدلنے کی ممکنہ طاقت رکھتا ہے۔
اسسمنٹ اسٹڈی کے مطابق غیر دستاویزی مارکیٹ ہونے کی وجہ سے سونے کا زیادہ تر لین دین نقد ہوتا ہے، تاجروں کے گروہ سونے کی قیمتوں اور سپلائی پر اثرانداز ہوتے ہیں، ملک میں سونے کے نرخ مقرر کرنے کا کوئی مارکیٹ میکانزم موجود نہیں۔
ملک بھر کی صرافہ مارکیٹوں میں آج سونے کی فی تولہ قیمت میں بڑا اضافہ ہوا ہے۔
اسٹڈی میں کہا گیا کہ مختلف شہروں کی ایسوسی ایشن روزانہ کی بنیادوں پر سونے کی قیمتیں متعین کرتی ہیں، ملک میں سونے کی مارکیٹ کو ریگولیٹ کرنے کے لیےجامع ریگولیشن موجود نہیں، سونے کی ٹرانزیکشن پر پیچیدہ ٹیکس کا نظام اسمگلنگ اور انڈرانوائسنگ بڑھاتا ہے۔
کمپٹیشن کمیشن کی جانب سے کہا گیا کہ ملک میں سونے کی ریفائننگ تقریباً نہ ہونے کے برابر ہے، سونے کی ہال مارکنگ کی ناکافی سہولتوں کے باعث ملاوٹ کے مسائل ہوتے ہیں، اسی سبب سونے کے صارفین کے ساتھ دھوکا دہی کے مسائل بھی جنم لیتے ہیں۔
اسسمنٹ اسٹڈی کے مطابق سونے کی درآمدات، فروخت اور خالص ہونے سے متعلق قابلِ اعتماد ڈیٹا موجود نہیں، سونے کا ڈیٹا نہ ہونے سے مؤثر پالیسی سازی ممکن نہیں، گولڈ مارکیٹ کو منظم کرنے کے لیے کمپٹیشن کمیشن نے جامع اصلاحات تجویز پیش کی ہے۔
کمپٹیشن کمیشن کی اسسمنٹ اسٹڈی میں کہا گیا کہ پاکستان گولڈ اینڈ جیم اسٹون اتھارٹی تشکیل دی جائے، سونے کی لائسنسنگ، درآمدات اور اینٹی منی لانڈرنگ ریگولیشنز کے نفاذ کے لیے اتھارٹی بنائی جائے، سونے کے معیار کی جانچ اور درجہ بندی کو لازمی قرار دیا جائے۔
اسسمنٹ اسٹڈی میں کہا گیا کہ سونے کی خرید وفروخت کو ایف بی آر کے ٹریک اینڈ ٹریس سسٹم سے منسلک کیا جائے، ترکیہ کے ماڈل پر گولڈ بینک کا نظام قائم کیا جائے، ریکوڈک منصوبے کے کمرشل آغاز سے پہلے گولڈ مارکیٹ ریگولیشنز لانا ضروری ہیں۔
.ذریعہ: Jang News
کلیدی لفظ: کمپٹیشن کمیشن اسسمنٹ اسٹڈی ملک میں سونے موجود نہیں کہا گیا کہ سونے کے سونے کی
پڑھیں:
ضمنی انتخاب میں کوئی غیر معمولی شکایت موصول نہیں ہوئی ،چیف الیکشن کمشنر
ضمنی انتخابات میں ہمیشہ ٹرن آؤٹ کم رہتا ہے ، جس کی بہت سی وجوہات ہوتی ہیں
انتخاب سے نمبر گیم تبدیلی نہیں ہونی تھی جس کی وجہ سے عوام کی دلچسپی کم رہی، گفتگو
چیف الیکشن کمیشن سکندر سلطان راجا نے ضمنی انتخابات کے دوران سیکیورٹی کے موثر اقدامات پر صوبائی حکومتوں کا شکریہ ادا کرتے ہوئے کہا ہے کہ ضمنی انتخاب میں کوئی غیرمعمولی شکایت موصول نہیں ہوئی ہے ۔چیف الیکشن کمشنر سکندر سلطان راجا نے الیکشن کمیشن میں میڈیا کے نمائندوں سے گفتگو کرتے ہوئے کہا کہ ضمنی انتخاب بہت پرامن رہا، پنجاب اور خیبرپختونخوا کی حکومتوں کا شکرگزار ہوں۔انہوں نے کہا کہ ضمنی انتخابات میں ہمیشہ ٹرن آؤٹ کم رہتا ہے ، جس کی بہت سی وجوہات ہوتی ہیں، اس انتخاب سے نمبر گیم تبدیلی نہیں ہونی تھی جس کی وجہ سے عوام کی دلچسپی کم رہی۔انہوںنے کہاکہ ضابطہ اخلاق کی خلاف ورزی کرنے والوں کیخلاف کمیشن نے بلاتفریق ایکشن لیا، ڈی آر اوز نے کچھ رپورٹس بھیجی ہیں،کچھ شکایات کا کمیشن نے خود نوٹس لیا ہے تاہم ضمنی انتخاب میں کوئی غیر معمولی شکایت موصول نہیں ہوئی ہے ۔چیف الیکشن کمشنر نے کہا کہ طلال چوہدری کو (آج)پیرکو طلب کیا ہے اور آج ہی سماعت ہوگی، لوکل گورنمنٹ انتخابات میں ضابطہ اخلاق کی خلاف ورزی پر ایک وزیر اور امیدوار کو نااہل کیا تھا۔چیف الیکشن کمشنر نے کہا کہ ہر چیز کی ایک لیگل اسکیم ہے ، دنیا بھر میں انتخابات میں خلاف ورزیاں ہوتی ہیں،کمیشن وقتاً فوقتاً اپنی تجاویز حکومت کو بھیجتا رہتا ہے ، کمیشن کے پاس ٹربیونل کو ہدایات دینے کا کوئی اختیار نہیں ہے ۔
فلسطین اتھارٹی کا غزہ سے متعلق اقوام متحدہ کی قرارداد کا بھرپور خیرمقدم