اسکرین ٹائم کے بچوں کی صحت پر حیران کن مثبت اثرات سامنے آگئے، نئی تحقیق
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
بچوں کے اسکرین ٹائم سے متعلق دنیا بھر میں پایا جانے والا عمومی خدشہ ایک نئی سائنسی تحقیق کے بعد کم تشویشناک تصور کیا جانے لگا ہے۔
برسوں سے والدین، ماہرین اور تعلیمی حلقے یہ سمجھتے رہے ہیں کہ موبائل، ٹیبلیٹ یا کمپیوٹر پر وقت گزارنا بچوں کی صحت اور طرزِ زندگی کو نقصان پہنچاتا ہے، مگر آسٹریلیا میں کی گئی ایک وسیع تحقیق نے اب اس خیال کو چیلنج کر دیا ہے۔
اس جامع مطالعے نے نہ صرف اسکرین ٹائم کے بارے میں غلط فہمیاں دور کرنے میں مدد دی ہے بلکہ یہ بھی واضح کیا ہے کہ کچھ ڈیجیٹل سرگرمیاں بچوں کی جسمانی اور غذائی صحت کو بہتر بنانے میں معنی خیز کردار ادا کر رہی ہیں۔
یونیورسٹی آف ساؤتھ آسٹریلیا کے محققین نے 18 سال سے کم عمر ایک لاکھ 33 ہزار سے زائد بچوں اور نوجوانوں کا ڈیٹا جمع کرکے اس بات کا جائزہ لیا کہ مختلف ڈیجیٹل ٹولز بچوں کی روزمرہ صحت، سرگرمیوں، خوراک اور طرزِ زندگی پر کیا اثرات چھوڑتے ہیں۔
اس تحقیق میں ان بچوں کا ڈیٹا بھی شامل تھا جو ہیلتھ ایپس، فٹنس ٹریکرز، آن لائن ایکسرسائز پروگرامز اور دیگر ڈیجیٹل پلیٹ فارمز باقاعدگی سے استعمال کرتے ہیں۔
نتائج نے ماہرین کو حیران بھی کیا اور والدین کے لیے ایک نئے زاویے سے سوچنے کا موقع بھی فراہم کیا۔ تحقیق کے مطابق وہ بچے جنہوں نے صحت سے متعلق ڈیجیٹل ایپس اور فٹنس ٹولز استعمال کیے، روزانہ اوسطاً 10 سے 20 منٹ زیادہ جسمانی سرگرمی کرنے کے عادی پائے گئے۔ یعنی اسکرین کے استعمال نے ان کے جسمانی متحرک ہونے میں کمی لانے کے بجائے ایک مثبت رجحان پیدا کیا۔
کئی کیسز میں یہ بھی دیکھا گیا کہ بچوں کے بیٹھے رہنے کے مجموعی دورانیے میں روزانہ 20 سے 25 منٹ کی کمی واقع ہوئی، جو ان کی مجموعی صحت کے لیے ایک خوش آئند علامت ہے۔
تحقیق میں یہ اہم نکتہ بھی سامنے آیا کہ ڈیجیٹل ٹولز استعمال کرنے والے بچوں کی غذائی عادات میں نمایاں بہتری دیکھی گئی۔ ان بچوں نے پھلوں، سبزیوں اور کم چکنائی والی غذاؤں کا استعمال بڑھایا، جو عمومی طور پر صحت مند خوراک کے طور پر جانا جاتا ہے۔
اگرچہ وزن میں بڑی تبدیلیاں دیکھنے میں نہیں آئیں، لیکن جسم میں چربی کی مقدار اور بی ایم آئی میں وقت کے ساتھ بہتر رجحان سامنے آیا۔ اس سے ظاہر ہوتا ہے کہ ڈیجیٹل ٹولز صحت مند طرزِ زندگی کی تحریک دینے میں مددگار ثابت ہو رہے ہیں۔
تحقیق میں نیند سے متعلق بھی مشاہدات جمع کیے گئے، تاہم یہاں کوئی خاص تبدیلی سامنے نہیں آئی۔ یعنی اسکرین ٹائم میں اضافے یا ڈیجیٹل ٹولز کے استعمال کا بچوں کی نیند پر کوئی نمایاں مثبت یا منفی اثر ظاہر نہیں ہوا۔ اس پہلو پر مزید تحقیق کی ضرورت پر بھی زور دیا گیا ہے۔
یہ نتائج اس بات کی طرف اشارہ کرتے ہیں کہ اسکرین ٹائم کے بارے میں یکسر منفی سوچ اپنانے کے بجائے ڈیجیٹل ٹیکنالوجی کے مثبت استعمال کو فروغ دینا زیادہ مؤثر ثابت ہو سکتا ہے۔
دنیا بھر میں بڑھتی ہوئی ٹیکنالوجی کے دور میں ضروری ہے کہ بچوں کو ایسی سرگرمیوں کی طرف راغب کیا جائے جو صحت مند اور فائدہ مند ہوں، نہ کہ محض اسکرین کے استعمال کو نقصان دہ قرار دے کر نظر انداز کر دیا جائے۔
.ذریعہ: Jasarat News
کلیدی لفظ: اسکرین ٹائم بچوں کی
پڑھیں:
یوکرین نے ٹرمپ منصوبے کیلیے مثبت اشارہ دے دیا
data-id="863a0a8" data-element_type="widget" data-widget_type="theme-post-content.default">
کیف (انٹرنیشنل ڈیسک ) یوکرینی صدر وولوودیمیر زیلنسکی نے امریکی صدر ڈونلڈ ٹرمپ کے مجوزہ امن فریم ورک کو آگے بڑھانے پر رضامندی کا اظہار کر دیا ۔ زیلنسکی نے کہا کہ وہ اس منصوبے کے متنازع پہلوؤں پر ٹرمپ اور یورپی اتحادیوں کے ساتھ براہ راست بات چیت کرنے کو تیار ہیں تاکہ یوکرین کی خودمختاری اور سلامتی کو یقینی بنایا جا سکے۔ یہ اعلان ایسے وقت سامنے آیا جب روس نے امریکی منصوبے کی حمایت کا سہارا لیتے ہوئے یوکرین کو خبردار کیا ہے کہ معاہدے کی ناکامی کی صورت میں ماسکو مزید علاقائی پیش قدمی کا حق رکھتا ہے۔روسی صدر ولادیمیر پیوٹن نے حال ہی میں کہا کہ یہ تجویز آخری امن معاہدے کی بنیاد بن سکتی ہے البتہ کچھ ترامیم کی ضرورت ہے جو یوکرین کی نظر میں روس کے مفادات کو مزید مضبوط کرنے کا مترادف ہے۔زیلنسکی نے یورپی رہنماؤں سے مطالبہ کیا ہے کہ وہ یوکرین میں یورپی افواج کی تعیناتی کا واضح خاکہ تیار کریں، جو جنگ بندی کے بعد روس کی ممکنہ جارحیت کو روک سکے۔یہ بیان یورپی یونین کی حالیہ میٹنگ میں دیا گیا جہاں برطانیہ کے وزیر اعظم کیئر سٹارمر نے بھی یوکرین میں یورپی ممالک کی افواج کی حمایت کا اعلان کیا۔ یوکرینی قیادت کا خیال ہے کہ امریکی منصوبہ جو ابتدائی طور پر 28 نکات پر مشتمل تھا، اب جنیوا اور ابو ظبی میں ہونے والی بات چیت سے 19 نکات تک محدود ہو گیا ہے، تاہم علاقے چھوڑنے ، فوجی حدود اور ناٹو میں شمولیت جیسے حساس مسائل ابھی حل طلب ہیں۔ٹرمپ نے ٹرتھ سوشل میڈیا پر لکھا کہ بہت بڑی پیش رفت ہوئی ہے صرف چند اختلافات باقی ہیں میں زیلنسکی اور پوتن سے ملاقات کا منتظر ہوں لیکن صرف جب معاہدہ حتمی مراحل میں ہو۔ امریکی صدر نے مزید کہا کہ میں نے 9 ماہ میں 8 جنگیں رکوائیں اور مزید ایک اور جنگ رْکنے کے قریب ہے۔
اسلام آباد ہائیکورٹ کے 4ججز نے 27 ویںترمیم سپریم کورٹ میں چیلنج کردی