کراچی: شہریوں سے چھینے گئے موبائل فونز واپس دینے کی تقریب
اشاعت کی تاریخ: 4th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی: شہر میں شہریوں سے چھینے گئے موبائل فونز کی واپسی کی تقریب ڈی آئی جی ساؤتھ کے دفتر میں منعقد ہوئی۔
تقریب میں خطاب کرتے ہوئے ڈی آئی جی ساؤتھ اسد رضا نے کہا کہ موبائل فونز کی چوری اور اسنیچنگ شہریوں کے لیے ایک بڑا چیلنج ہے۔
اسد رضا نے کہا کہ وہ پچھلے تین دہائیوں سے سی پی ایل سی کے ساتھ کام کر رہے ہیں اور اس دوران سی پی ایل سی نے مختلف جرائم کی تفتیش میں بھرپور تعاون فراہم کیا ہے۔
انہوں نے واضح کیا کہ یہ ادارہ عوام اور پولیس کے درمیان ایک پل کا کردار ادا کرتا ہے، اور موبائل فونز کی ریکوری کے لیے جدید ٹیکنالوجی استعمال کی جا رہی ہے۔
ڈی آئی جی ساؤتھ نے مزید کہا کہ پہلے گاڑیوں کی چوری ایک عام مسئلہ تھا، مگر ٹریکرز کی مدد سے اس میں نمایاں کمی دیکھنے میں آئی ہے، اور موبائل فونز میں بھی اسی طرح کی جدید ٹیکنالوجی کو بروئے کار لانا ضروری ہے تاکہ جرائم کی شرح کم کی جا سکے۔
انہوں نے شہریوں پر زور دیا کہ وہ موبائل فونز کی حفاظت میں اپنا کردار ادا کریں اور چوری کی صورت میں فوری طور پر متعلقہ حکام کو اطلاع دیں تاکہ موبائل فونز جلد واپس کیے جا سکیں۔
اس تقریب کے ذریعے شہر میں سیکیورٹی کے اقدامات اور ٹیکنالوجی کے استعمال کے فروغ کی اہمیت پر بھی زور دیا گیا۔
ذریعہ
ذریعہ: Jasarat News
کلیدی لفظ: موبائل فونز کی
پڑھیں:
اغوا برائے تاوان کیس: پولیس نے منیب بٹ کو بے گناہ قرار دیا، ضمانت واپس لینے کی درخواست
اغوا برائے تاوان کیس میں پولیس نے منیب بٹ کو بے گناہ قرار دیا ہے اور ان کے وکیل نے عدالت سے ضمانت واپس لینے کی درخواست کی ہے۔
کراچی کی انسدادِ دہشت گردی کی منتظم عدالت میں اداکار منیب بٹ کے خلاف اغوا برائے تاوان کے مقدمے کی سماعت ہوئی، جہاں ان کے وکیل نے ضمانت واپس لینے کی درخواست دائر کر دی۔
سماعت کے دوران وکیلِ صفائی نے مؤقف اختیار کیا کہ پولیس نے اپنے چالان میں منیب بٹ کو بے گناہ قرار دیا ہے، لہٰذا ضمانت کی درخواست واپس لینے کی اجازت دی جائے۔
پولیس کے مطابق مقدمے میں ملزمان پر الزام ہے کہ انہوں نے مدعی محمد متعال کو اغوا کر کے 24 لاکھ 94 ہزار روپے مالیت کی کرپٹو کرنسی اور دیگر سامان لوٹ لیا۔
پولیس کا کہنا ہے کہ منیب بٹ پر ملزمان کو مری میں رہائش دلوانے کا الزام تھا، تاہم تفتیش مکمل ہونے کے بعد انہیں چالان میں بے گناہ قرار دیا گیا۔
پولیس کے مطابق مقدمے میں ایک پولیس اہلکار غالب تاحال مفرور ہے، جبکہ دیگر ملزمان میں شاہد ستار، محمد سلیم، علیم اور وزیر محمد شامل ہیں۔
تحقیقات کے مطابق ملزمان نے 23 اپریل کو شاہراہِ فیصل سے محمد متعال کو اغوا کیا اور کرپٹو کرنسی سمیت دیگر قیمتی سامان چھیننے کے بعد انہیں کورنگی انڈسٹریل ایریا میں چھوڑ دیا تھا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم