تھانہ پاکستان بازارکی سرپرستی، بسم اللہ لاہوتی پان شاپ نے کرائم ریکارڈ توڑ دیا
اشاعت کی تاریخ: 5th, December 2025 GMT
بسم اللہ لاہوتی پان شاپ کی پانچ برانچ قائم، دھڑلے سے گٹکا ماوا کی فروخت جاری
مقامی پولیس ہر ہفتے ٹائم پر خرچہ پکڑ کے خاموش، فی دکان ہفتہ طے، مصدقہ ذرائع
(رپورٹ ایم جے کے) تھانہ پاکستان بازار’ بسم اللہ لاہوتی پان شاپ نے کرائم ریکارڈ توڑ دیا، بسم اللہ لاہوتی پان شاپ کی پانچ برانچ قائم جس میں دھڑلے سے گٹکا ماوا کی فروخت جاری، مقامی پولیس ہر ہفتے ٹائم پر خرچہ پکڑ کے خاموش، فی دکان ہفتہ طے۔ مصدقہ ذرائع کے مطابق ڈسٹرکٹ ویسٹ اورنگی ٹاؤن سیکٹر 14 میں بسم اللہ لاہوتی پان شاپ نے کرائم ریکارڈ توڑ دیا، تھانہ پاکستان بازار کی حدود میں بسم اللہ لاہوتی پان شاپ کی پانچ برانچ قائم جس میں دھڑلے سے گٹکا ماوا کی فروخت جاری جبکہ 14سی والی برانچ میں گٹکا ماوا فروخت کے ساتھ دوکان کی چھت کے اوپر جوائ، چھکہ اور مانگ، پتہ بھی چلایا جارہا ہے، جب کہ سیکٹر 15 تھورانی گوٹھ، سیکٹر 14 اکبر شہید چوک، سیکٹر 14سی، سیکٹر 14جی شاہ فیصل چوک، اور گلشن بہار ون ایچ پر قائم بسم اللہ لہوتی کی پانچ برانچوں میں دھڑلے سے گٹکا ماوا کا کاروبار عروج پر ہے، مقامی پولیس تھانہ پاکستان بازار ہر ہفتے ٹائم پر خرچہ پکڑ کے خاموش جبکہ فی دکان ہزاروں روپے تھانہ پاکستان کے بیٹر کو دیا جاتا ہے، واضح رہے رفیق عرف سونو، عمر فاروق عرف طلحہ دونوں بھائیوں نے بسم اللہ لاہوتی پان شاپ کی پانچ دکانوں کے انتظامی معاملات سنبھال ہوئے ہیں اور لاکھوں روپے ہفتہ میں مؤکل حاصل کی ہوئی ہے، رفیق عرف سونو گزشتہ روز اسپیشل برانچ کی آئی آر کلیٔر کروانے کے لیے معطل پولیس کانسٹیبل سیف الرحمن کو 20 ہزار دیے جبکہ سیف الرحمن کو ایس ایس پی ویسٹ نے پچھلے ماہ جرائم میں ملوث ہونے اور جرائم پیشہ افراد کی پشت پنائی کرنے پر معطل کردیا تھا اسکے باوجود تھانہ پاکستان بازار کا سارا سسٹم معطل پولیس کانسٹیبل سیف الرحمن ہی نے سنبھالا ہوا ہے، علاقہ مکین پاکستان بازار کا کہنا ہے کہ تھانہ پاکستان بازار کی حدود میں قائم بسم اللہ لاہوتی پان شاپ کے رفیق عرف سونو اور عمر فاروق عرف طلحہ کی اعلیٰ سطح پر تحقیقات کرائی جائیں اور ان جرائم پیشہ افراد کی پشت پناہی کرنے والے پولیس اہلکاروں کے خلاف قانون کے مطابق کاروائی عمل میں لائی جائیں۔
.
ذریعہ
ذریعہ: Juraat
کلیدی لفظ: تھانہ پاکستان بازار کی پانچ برانچ
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ