بانی پی ٹی آئی کیخلاف غداری کیس کا امکان رد نہیں کیا جا سکتا، رانا ثنا
اشاعت کی تاریخ: 8th, December 2025 GMT
اسلام آباد(نیوزڈیسک)مسلم لیگ ن کے سینئر رہنما اور وزیراعظم کے مشیر برائے سیاسی امور رانا ثنا اللّٰہ نے کہا ہے کہ ڈی جی آئی ایس پی آر نے پریس کانفرنس میں بڑا دو ٹوک پیغام دیا ہے۔
نجی ٹی وی سے گفتگو کرتے ہوئے رانا ثنا اللّٰہ نے کہا کہ بانی پی ٹی آئی کے خلاف غداری کے مقدمے کے امکان کو رد نہیں کیا جاسکتا۔
انہوں نے مزید کہا کہ پی ٹی آئی کو واضح پیغام دیا گیا اس کومذاق سمجھیں گے تو نقصان اٹھائیں گے۔ حکومت نے ڈی جی آئی ایس پی آر کے بیان کی تائید کی ہے۔
رانا ثنا اللّٰہ نے کہا کہ جعفر ایکسپریس پر حملے کرنے والے دہشت گردوں کے بیانیے کو بھارت، افغانستان اور پی ٹی آئی کے میڈیا نے ایک ساتھ اٹھایا۔
وزیراعظم کے مشیر نے کہا کہ بانی پی ٹی آئی کی اپنی بہن سے ملاقات کے بعد جو ٹوئٹ آیا اور جو الفاظ استعمال ہوئے اس کے بعد فیصلہ ہوگیا۔
انھوں نے کہا نے کہا کہ بانی پی ٹی آئی کے خلاف غداری کے مقدمے کے امکان کو رد نہیں کیا جاسکتا۔
رانا ثنا اللّٰہ نے کہا کہ جلسے میں جو باتیں کی گئیں ان کو پیغام مل جائے گا اور بڑی قوت سے ملے گا، یہ لوگ اس قسم کی حرکتیں کرکے اپنے انجام کو پہنچ رہے ہیں، ان کا انجام ایم کیو ایم اور بانی ایم کیو ایم سے مختلف نہیں ہوگا۔
انھوں نے کہا کہ عنقریب پاکستان تحریک انصاف اور اڈیالہ تحریک انصاف ہونے والا معاملہ نظر آ رہا ہے، پی ٹی آئی کی اکثریت اس پاگل پن کا حصہ نہیں بنے گی، آج ایم کیو ایم لندن اور بانی ایم کیوایم کدھر ہیں۔
رانا ثنا اللّٰہ نے کہا کہ بانی پی ٹی آئی کی بہن نے ملاقات سے پہلے جیل حکام کو یقین دہانی کرائی کہ کوئی بیان میڈیا کو جاری نہیں کریں گی، ملاقات میں بانی پی ٹی آئی نے اپنی بہن سے طبیعت کا بھی نہیں پوچھا۔
.ذریعہ: Daily Mumtaz
کلیدی لفظ: نے کہا کہ بانی پی ٹی ا ئی پی ٹی ا ئی کی رانا ثنا الل ہ نے کہا کہ
پڑھیں:
سیاست کرو ، ملک دشمنی نہ کرو سیاست کرو۔ غداری نہ کرو جو تم بار بار کررہے ہو
سٹی42: سیاست کرو ، ملک دشمنی نہ کرو سیاست کرو۔ غداری نہ کرو جو تم بار بار کررہے ہو۔ پی ٹی آئی کے بانی نے ہمیشہ بدتمیزی کی اور بدتمیزی کی ترویج کی۔ان کی سوشل میڈیا پراپیگنڈا مشینری باہر سے آپریٹ ہورہی ہے۔ پارٹی قیادت سے لے کر کارکن تک سب کا ایک ملک مخالف بیانیہ ہے۔
یہ باتیں پنجاب کی سینئیر وزیر اور مسلم لیگ نون کی رہنما مریم اورنگزیب نے آج لاہور میں نیوز کانفرنس کے دوران کہیں۔
ڈولفن سکواڈ کی کارروائی؛ 2مشکوک ملزمان گرفتار ، اسلحہ برآمد
پنجاب کی سینئروزیر مریم اورنگزیب نے آج لاہور میں نیوز کانفرنس کرتے ہوئے کہا کہآئین ہر جرم کی سزا کا تعین خود کرتا ہے۔ ملکی سلامتی اور استحکام کے مخالفت کرنے کی سزا آئین میں موجود ہے۔
آج معاملہ پاکستان کی قومی سلامتی کا ہے ۔
نو مئی کو انہوں نے تین سو سے زیادہ عسکری اور شہیدوں کی تنصیبات پر حملہ کیا تھا۔
سازشی عناصر غلیظ بیانیہ بنا کر نیشنل سیکیورٹی کے لیے تھریٹ ہیں ۔
افواج پاکستان کےخلاف بھارتی عناصر اور پی ٹی آئی ایک جیسی زبان استعمال کرتے ہیں۔
یہ ہماری اس فوج کے خلاف بکواس کرتے ہیں جس نے معرکہ حق میں بھارت کی کھوکھلی طاقت کو ناکوں چنے چبوائے ۔
انکو سمجھایا جائے تو گالی دیتے ہیں بدتمیزی کرتے ہیں۔
پیٹرولیم مصنوعات کی قیمتوں میں اضافے کا امکان
مریم اورنگزیب نے کہا کہ ذہنی مریض کے ساتھ مذاکرات نہیں ہوسکتے بلکہ ڈاکٹر کے ساتھ ہی بات ہوسکتی ہے ۔
مریم اورنگزیب نے واضح کیا کہ پاکستان کی مسلھ افواج کے خلاف ہرزہ سرائی اور فیک نیوز پر مبنی سازشی کہانیاں پھیلانا آزادی اظہار رائےکا معاملہ نہیں ہے۔ ملک دشمن قوتوں کےساتھ نیکسس بنا کر ملک کے خلاف دشمنی کریں گے تو یہ آزادی اظہار رائے نہیں ہے۔آج معاملہ قومی سلامتی کا ہے۔
پیپلز پارٹی کے رہنما حسن مرتضیٰ کے والد انتقال کر گئے
پنجاب کی سینئیر وزیر نے کہا،نیازی قاعدہ الف سے "انا" اور ب سے "بدتمیزی" پر مشتمل ہے
ہم بانی پی ٹی آئی کی بدتہذیبی اور انا پرستی کو 2014 سے دیکھ رہے ہیں۔ دھرنوں کے دوران سرکاری املاک اور اداروں میں توڑپھوڑ کی گئی۔ دھرنوں کے دوران یہ امپائر کی انگلی کھڑی ہونے کا انتظار کرتے رہے۔
مریم اورنگزیب نے یاد دلایا کہ نومئی کو عمران خان کے کارندوں نے تین سو سے زائد عسکری تنصیبات کو نشانہ بنایا تھا۔
ایوان وزیر اعلیٰ میں نیوز کانفرنس کے دوران سینئر صوبائی وزیر مریم اورنگزیب نے کہا، ڈی جی آئی ایس پی آر کی پریس کانفرنس ایک غیر معمولی پریس کانفرنس تھی۔ ڈی جی آئی ایس پی آر نے پریس کانفرنس سے جو ثبوت دکھائے وہ نینشل سیکیورٹی سے متعلقہ تھے ۔
سندھ ہائی کورٹ؛ موسم سرما کی تعطیلات کا نوٹیفکیشن جاری
جو بیانات افغان اور انڈین ٹرولرز کے ہیں وہی بیانات عمران خان کے ہیں
کسی اکاونٹ کو ڈس آون نہیں کیاجاتا ، پھر یہ کہتے ہیں کہ کچھ اکاؤنٹ تو ہمارے کنترول مین نہیں، لیکن یہ پاکستان پر کیچڑ اچھالنے والے پی ٹی آئی کے کسی اکاؤنٹ سے کبھی لاتعلقی کا اظہار بھی نہیں کرتے۔
انہوں نے کہا، پی ٹی آئی نہیں بلکہ بھارتی اور اسرائیلی فارن فنڈنگ بول رہی ہے ۔ قومی سلامتی پر حملہ آور ہونے والوں کسی قسم کی رہائت نہیں دی جاسکتی۔
ایسے عناصر کےساتھ ایسے ہی نمٹا جائے گا۔ بس بہت ہوگیا
وزیر اعظم کی گوادر اور گلگت بلتستان میں بجلی کے منصوبوں کی منظوری
مریم اورنگزیب نے کہا، یہ کہتے ہیں گورنر ہاؤس کو جلا دیں گے۔ کیوں تمہارے باپ کا گورنر ہاؤس ہے ؟
سینئیر منسٹر نے کہا، جن کا ملک ہے ان کو اس ملک کا دفاع کرنا آتا ہے اس ملک کے دفاع کےمعاملہ پر زیرو ٹالرنس ہے۔
گندی زبان کسی بھی ادارے کے خلاف استعمال کی گئی تو ان کے ساتھ قانون کے مطابق سلوک ہوگا ۔
فیلڈ مارشل کو متنازع بنانے کی کسی کو اجازت نہیں دی جائے گی۔
مریم اورنگ زیب نے یاد دلایا کہ مئی میں جب پاک فوج اور قوم معرکہِ حق لڑ رہی تھی تو یہ انڈین فوج کی زبان بول رہے تھے۔
مریم اورنگزیب نے مزید کہا، "نو مئی ایک ہی بار ہوسکتا ہے بار بار سوچنا بھی نہ۔
انہوں نے پی ٹی آئی کی قیادت کو مخاطب کر کے کہا، سیاست کرو ، ملک دشمنی نہ کرو سیاست کرو۔ غداری نہ کرو جو تم بار بار کررہے ہو۔ قومی سلامتی کے دشمن راہ راست پر نہ آئے توان کے ساتھ براہ راست نمٹا جائے گا۔
Waseem Azmet
کیا سردیاں رومانس کا موسم لے آتی ہے، اس دوران رومانٹک موڈ کے پیچھے کیا سائنس ہے؟