پاکستان اسٹاک ایکسچینج کا 100 انڈیکس مسلسل چوتھے روز منفی پر بند
اشاعت کی تاریخ: 10th, January 2025 GMT
کراچی (اسٹاف رپورٹر) پاکستان اسٹاک ایکسچینج کا 100 انڈیکس مسلسل چوتھے روز منفی پر بند ہوا ہے۔ جمعرات کے روز بازارِ حصص میں کاروبار کا آغاز 232 پوائنٹس کی مندی سے ہوا، جس کے نتیجے میں کے ایس ای 100 انڈیکس گھٹ کر 113915 پوائنٹس کی سطح پر آ گیا۔ بعد ازاں پی ایس ایکس میں 628 پوائنٹس کی مندی دیکھی گئی، جس نے انڈیکس کو 113519 پوائنٹس تک گرا دیا۔بازار میں 69 کروڑ شیئرز کے سودے 24 ارب روپے میں طے ہوئے۔مارکیٹ کپٹلائزیشن 159 ارب روپے کم ہوکر 14156 ارب روپے ہے۔ مارکیٹ کیپٹلائزیشن چار منفی دنوں میں 476 ارب روپے کم ہوئی ہے۔واضح رہے کہ گزشتہ روز بھی اسٹاک مارکیٹ میں شدید مندی دیکھی گئی تھی، جس کے نتیجے میں ہنڈرڈ انڈیکس 3 سطحیں کھو گیا تھا۔
.ذریعہ: Jasarat News
کلیدی لفظ: ارب روپے
پڑھیں:
پنجاب میں جھینگا فارمنگ کے فروغ، ماڈل فش مارکیٹ، ویلیو چین اسٹیٹس کے منصوبے
لاہور:پنجاب حکومت نے صوبے میں جھینگا فارمنگ کے فروغ کے لیے ایک جامع اور وسیع منصوبے کا آغاز کر دیا ہے، جس کے تحت جنوبی پنجاب کے مختلف علاقوں میں جھینگا فارمنگ، ویلیو چین اسٹیٹس، اور لاہور میں جدید ماڈل فش مارکیٹ کے قیام کے لیے مجموعی طور پر 50 ارب روپے سے زائد کی سرمایہ کاری کی جا رہی ہے۔
محکمہ فشریز کے مطابق مظفرگڑھ کے علاقے رکھ علی والا میں 3 ہزار ایکڑ رقبے پر جھینگا فارم قائم کیا جائے گا، جس پر ابتدائی طور پر 10 ارب روپے لاگت آئے گی، اس کے ساتھ ہی ہیڈ محمد والا، رکھ علی والا اور شاہ گڑھ میں تین جدید جھینگا ویلیو چین اسٹیٹس بھی بنائی جائیں گی جن پر تقریباً 40 ارب روپے خرچ ہوں گے۔
صوبائی حکومت کی جانب سے ان منصوبوں کے لیے آئندہ مالی سال کے بجٹ میں 3 ارب روپے مختص کر دیے گئے ہیں۔
ڈپٹی ڈائریکٹر فشریز طیب رضوان کے مطابق ان ویلیو چین اسٹیٹس میں ہیچری، فیڈ ملز اور جھینگا پروسیسنگ پلانٹس سمیت دیگر صنعتی سہولیات میسر ہوں گی، ان منصوبوں کے تحت جھینگا فارمنگ کو ایک مکمل اور مربوط صنعتی درجہ دیا جائے گا۔
انہوں نے کہا کہ اس سے نہ صرف روزگار کے مواقع پیدا ہوں گے بلکہ برآمدی صلاحیت میں بھی نمایاں اضافہ ہوگا۔
لاہور میں ماڈل فش مارکیٹ کے قیام کا منصوبہ بھی تیار کر لیا گیا ہے، جس پر 10 ارب روپے کی لاگت آئے گی، یہ منصوبہ آئندہ مالی سال سے شروع کیا جائے گا اور ابتدائی طور پر 84 کروڑ 86 لاکھ روپے جاری کیے جائیں گے۔
ماڈل فش مارکیٹ میں جدید کولڈ اسٹوریج، ویلیو ایڈیشن یونٹس اور مربوط سپلائی چین سمیت تمام سہولیات فراہم کی جائیں گی، جس سے مقامی سطح پر مچھلی اور جھینگے کی تجارت کو فروغ ملے گا اور چھوٹے فارمرز کو مارکیٹ تک رسائی ہوگی۔
پنجاب کی سینیئر وزیر مریم اورنگزیب نے تصدیق کی ہے کہ جھینگا فارمنگ کے فروغ کے لیے آئندہ مالی سال میں 8.3 ارب روپے خرچ کیے جائیں گے۔
انہوں نے کہا کہ یہ اقدامات کسانوں کو متبادل آمدنی فراہم کرنے، زراعت کو متنوع بنانے اور برآمدات بڑھانے کے لیے ناگزیر ہیں۔
واضح رہے کہ حکومت پنجاب نے 2024 میں پہلی بار جھینگا فارمنگ کا منصوبہ متعارف کروایا تھا، جس کے تحت ابتدائی طور پر ایک ہزار ایکڑ پر جھینگا فارمنگ کی گئی، اس مرحلے میں حکومت نے کسانوں کو مفت تربیت، تکنیکی معاونت اور سبسڈی فراہم کی تھی، جس کے مثبت نتائج سامنے آئے اور کسانوں کا رجحان اس جانب بڑھا۔
اب حکومت اس منصوبے کو وسعت دے کر اسے ایک پائیدار، منظم اور برآمدی صنعت میں تبدیل کرنے کے لیے سرگرم عمل ہے۔
محکمہ فشریز کے مطابق مستقبل میں نجی شعبے کو ان جھینگا اسٹیٹس کی سروسز لیز پر دی جائیں گی جبکہ جھینگا اور فش فارمنگ کے لیے اراضی بھی نجی شعبے کو لیز پر دی جائے گی تاکہ سرمایہ کاری کو فروغ دیا جا سکے اور اس شعبے کو تجارتی بنیادوں پر مستحکم کیا جا سکے۔
ایران پر حملہ انشا اللہ اسرائیل کے خاتمے کا باعث بنے گا، علی حیدر گیلانی