حکومتی رہنما مذاکرات ناکام بنانے کی ہرممکن کوشش کررہے ہیں، اسد قیصر
اشاعت کی تاریخ: 11th, January 2025 GMT
پشاور:پی ٹی آئی رہنما اور سابق اسپیکر قومی اسمبلی اسد قیصر نے خواجہ آصف اور مریم نواز کے حالیہ بیانات پر سخت ردعمل دیتے ہوئے کہا ہے کہ حکومتی رہنما مذاکرات کے عمل کو ناکام بنانے کی ہر ممکن کوشش کر رہے ہیں۔ انہوں نے دعویٰ کیا کہ حکومت کی جانب سے مذاکرات سے متعلق متضاد بیانات دیے جا رہے ہیں، جو ان کی نیت پر سوالیہ نشان ہیں۔
انہوں نے کہا کہ ہم مظلوم ہیں، ہمیں بنیادی حقوق سے محروم رکھا گیا ہے۔ ہمارے ساتھ ظلم روا رکھا گیا ہے۔انہوں نے الزام لگایا کہ 26 نومبر کو پی ٹی آئی کے کارکنوں کو اپنے بنیادی حقوق سے محروم کیا گیا اور نہتے شہریوں پر گولیاں چلائی گئیں۔
اسد قیصر نے 9 مئی کے واقعات پر حکومتی رویے کو تنقید کا نشانہ بناتے ہوئے کہا کہ اس معاملے میں پی ٹی آئی کے ساتھ غیرمنصفانہ سلوک کیا گیا ہے۔ سویلینز کو ملٹری کورٹس میں سزائیں دینا کسی صورت قبول نہیں۔ پی ٹی آئی کے کارکنوں کو ملٹری کورٹس کے ذریعے سزا دی گئی، جو آئین اور قانون کی خلاف ورزی ہے۔
انہوں نے بانی پی ٹی آئی پر لگائے گئے الزامات کو مسترد کرتے ہوئے کہا کہ حکومت نے ملاقات کرانے کا وعدہ کیا تھا، لیکن اب مختلف حیلے بہانے کیے جا رہے ہیں۔ ہم نہ کسی خوف میں مبتلا ہیں اور نہ ہی کسی سے ڈرتے ہیں۔ اگر ہم نے لچک دکھائی ہے تو وہ صرف پاکستان کے مفاد میں ہے۔
اپنے بیان میں انہوں نے کہا کہ پوری قوم بانی پی ٹی آئی کے ساتھ کھڑی ہے اور ان کی قیادت پر مکمل اعتماد رکھتی ہے۔ انہوں نے خواجہ آصف اور مریم نواز کے بیانات پر مایوسی کا اظہار کرتے ہوئے کہا کہ ایسے بیانات مذاکراتی عمل کو نقصان پہنچانے کی دانستہ کوشش ہیں۔
اسد قیصر نے حکومت پر زور دیا کہ آئین کی حکمرانی کو یقینی بنایا جائے اور تمام شہریوں کو ان کے بنیادی حقوق فراہم کیے جائیں۔ انہوں نے کہا کہ پی ٹی آئی پاکستان کی ترقی کے لیے ہر ممکن تعاون کرنے کو تیار ہے، بشرطیکہ حکومت اپنی ذمہ داریاں پوری کرے۔
.ذریعہ: Jasarat News
کلیدی لفظ: پی ٹی آئی کے ہوئے کہا انہوں نے کہ حکومت کہا کہ
پڑھیں:
کرناٹک حکومت جی ایس ٹی نقصان پر عدالت جائے گی، سدارامیا
میڈیا سے خطاب کرتے ہوئے کرناٹک کے وزیراعلٰی نے مودی حکومت کے اقدام پر تنقید کرتے ہوئے کہا کہ ایسا لگتا ہے کہ یہ آئندہ بہار انتخابات سے متاثر ہے۔ اسلام ٹائمز۔ بھارتی ریاست کرناٹک کے وزیراعلٰی سدارامیا نے کہا کہ جی ایس ٹی کو آسان بنانے سے ریاست کو 15,000 کروڑ روپے کا تخمینہ نقصان اٹھانا پڑے گا اور وہ مودی حکومت سے اس رقم کی وصولی کے لئے قانونی کارروائی کا سہارا لے گی۔ اپنی رہائش گاہ پر میڈیا سے خطاب کرتے ہوئے وزیراعلٰی سدارامیا نے مودی حکومت کے اقدام پر تنقید کرتے ہوئے کہا کہ ایسا لگتا ہے کہ یہ آئندہ بہار انتخابات سے متاثر ہے۔ انہوں نے کہا کہ ہم فنڈز کی وصولی کے لئے قانونی کارروائی کا سہارا لیں گے۔ انہوں نے مزید کہا کہ 2017ء میں طے کی گئی جی ایس ٹی کی شرح گزشتہ آٹھ سالوں میں حد سے زیادہ تھیں۔
انہوں نے سوال کیا "کیا اب حکومت عوام سے وصول کئے گئے اضافی جی ایس ٹی کو واپس کرے گی، جی ایس ٹی کی شرحوں کو ابھی کم کرنا اور ان انتخابی کٹوتیوں کے لئے خود کو مبارکباد دینا مناسب نہیں ہے"۔ مرکزی گرانٹس میں تاخیر کا ذکر کرتے ہوئے وزیراعلیٰ نے کہا کہ تخمینہ 17,000 کروڑ میں سے صرف 3,200 کروڑ ہی کرناٹک کو جاری کئے گئے ہیں۔ انہوں نے اس کا موازنہ اترپردیش سے کیا، جسے مرکزی فنڈز کا 18 فیصد ملتا ہے، جبکہ کرناٹک کو صرف 3.5 فیصد ملتا ہے۔ انہوں نے کہا کہ کرناٹک نے مرکز کو ٹیکسوں میں 4.5 لاکھ کروڑ روپےکا تعاون دیا ہے، پھر بھی ہمیں صرف 14 پیسے فی روپیہ ملتا ہے۔ انہوں نے کہا کہ اگر ضروری ہوا تو قانونی کارروائی کا سہارا لیں گے، جیسا کہ ہم نے پچھلی بار کیا تھا۔
ٹیکس ریٹرن جمع کروانے کی ڈیڈلائن میں توسیع نہیں ہورہی، ایف بی آر نے وضاحتی بیان جاری کردیا