کراچی، سینیئر سول جج کو جان سے مارنے کی دھمکیاں دینے والے 3 ملزمان گرفتار
اشاعت کی تاریخ: 14th, March 2025 GMT
کراچی:
سولجر بازار میں سینیئر سول جج کے ساتھ ہاتھا پائی اور جان سے مارنے کی دھمکیاں دینے والے تین ملزمان گرفتار کر لیے گئے ہیں۔
یہ واقعہ چار روز قبل پیش آیا تھا، جس کے بعد سینیئر جج وحید علی کی مدعیت میں سولجر بازار تھانے میں مقدمہ درج کرایا گیا۔
پولیس ذرائع کے مطابق، گرفتار ہونے والے ملزمان کونین حسن، امان اور احمد ہیں، جبکہ چوتھے ملزم نوید دودھ والا کی گرفتاری کے لیے چھاپے مارے جا رہے ہیں۔
پولیس نے بتایا کہ ملزم امان ایک پولیس اہلکار ہے اور سی ٹی ڈی میں تعینات ہے۔ اس کے علاوہ، ملزم امان علاقے میں گٹکا اور ماوا کے کاروبار میں بھی ملوث ہے، جو گزشتہ کئی سالوں سے پولیس کی سرپرستی میں چل رہا تھا۔
متاثرہ جج نے ایف آئی آر کے متن میں بتایا کہ وہ اپنی بیٹی کو اسکول چھوڑنے جا رہے تھے کہ دو لڑکے ان کے پاس آئے۔ جب جج نے ان سے پوچھا کہ وہ کون ہیں اور کیا کرنے آئے ہیں، تو لڑکوں نے بدتمیزی کی اور گالم گلوچ کی۔
کچھ دیر بعد دو دیگر ساتھی بھی آ گئے، اور چاروں ملزمان نے جج سے ہاتھا پائی کی اور جان سے مارنے کی دھمکیاں دیں۔
سینیئر جج نے مزید بتایا کہ انہوں نے کونین اور نوید دودھ والے کو پہلے سے جانا تھا، جبکہ باقی دو ملزمان کو وہ شکل سے پہچان سکتے ہیں۔
پولیس کی جانب سے اس واقعے کی مزید تفتیش جاری ہے اور ملزمان کے خلاف کارروائی کی جا رہی ہے۔
.ذریعہ: Express News
پڑھیں:
چلاس، ایل ایچ وی کو ہراساں کرنے والا ملزم گرفتار
سوشل میڈیا پر ایل ایچ وی کو ہراساں کرنے کی خبر وائرل ہوئی تھی جس کے بعد آئی جی پولیس گلگت بلتستان کے حکم پر چلاس تھانے میں ایف آئی آر درج کی گئی تھی۔ اسلام ٹائمز۔ گلگت بلتستان کے ضلع دیامر میں ایل ایچ وی کو ہراساں کرنے والے ملزم کو گرفتار کر لیا گیا۔ سوشل میڈیا پر ایل ایچ وی کو ہراساں کرنے کی خبر وائرل ہوئی تھی جس کے بعد آئی جی پولیس گلگت بلتستان کے حکم پر چلاس تھانے میں ایف آئی آر درج کی گئی تھی۔ پولیس کے مطابق ایس ایچ او گوہر آباد ایس آئی شاہ میرزہ و عملہ پولیس گوہر آباد نے ڈرن MCH کی LHV کو ہراساں کرنے والے ملزم کو گرفتار کر کے حوالات منتقل کر دیا ہے۔ سپیشل ٹیم میں SDPO گوہر آباد انعام الرحمان، DSP فقیر محمد، ایس ایچ او گوہر آباد و عملہ نے واقعہ کے فوری بعد ہی ڈسٹرکٹ پولیس آفیسر عبد الحمید کے خصوصی احکامات پر عملدرآمد کرتے ہوئے ملزم کی گرفتاری کیلئے چھاپوں کا سلسلہ شروع کیا تھا تاہم ملزم کے دور افتادہ گاوں میں پناہ لینے اور چھپنے کے بعد ٹیمیں نالہ میں پیادہ روانہ کر دی گئی تھیں۔
جموں کشمیر جوائنٹ ایکشن کمیٹی کی مطالبات پر عملدرآمد کیلئے 8 جون کی ڈیڈ لائن