چاند سےمتعلق محکمہ موسمیات کی نئی پیشگوئی،اہم خبرآگئی
اشاعت کی تاریخ: 22nd, March 2025 GMT
اسلام آباد(نیوز ڈیسک)مرکزی رویت ہلال کمیٹی نے عید الفطر کے چاند کی رویت کے حوالے سے 30 مارچ کو اجلاس طلب کر لیا ہے۔
تفصیلات کے مطابق ذرائع کا کہناہے کہ مرکزی رویت ہلال کمیٹی کا اجلاس اسلام آباد میں منعقد ہوگا جبکہ زونل کمیٹیوں کے اجلاس مقررہ مقامات پر ہوں گے۔
محکمہ موسمیات کے مطابق عید الفطر غالباً پیر 31 مارچ کو ہونے کا امکان ہے۔ شوال کا چاند 29 مارچ کو سہ پہر 3 بج کر 58 منٹ پر پیدا ہوگا اور غروب آفتاب کے بعد تقریباً 70 منٹ تک آسمان پر موجود رہے گا۔
مزید کہا گیا کہ 20 گھنٹے پرانا چاند عام آنکھ سے باآسانی دیکھا جا سکتا ہے اور 30 مارچ کو چاند کی عمر 27 گھنٹے ہو چکی ہوگی، جس سے اس کا نظر آنا مزید آسان ہوگا۔
یہ امر قابل ذکر ہے کہ بین الاقوامی فلکیاتی مرکز پہلے ہی تصدیق کر چکا ہے کہ 29 مارچ بروز ہفتہ عرب اور اسلامی ممالک میں شوال کا چاند دیکھنا ممکن نہیں ہوگا۔ اس کی وجہ یہ ہے کہ چاند سورج کے غروب ہونے سے پہلے ہی ڈوب جائے گا اور اس کی پیدائش غروب آفتاب کے بعد ہوگی۔
ان سائنسی حقائق کے پیش نظر، 29 مارچ کو کسی بھی طریقے سے چاند نظر آنا ناممکن ہوگا، چاہے وہ عام آنکھ، دوربین، یا جدید آلات کے ذریعے دیکھا جائے۔
ایسے ممالک جہاں چاند دیکھنے کی شرعی تصدیق ضروری ہوتی ہے، وہاں رمضان کے 30 مکمل ہونے کے بعد عید الفطر 31 مارچ بروز پیر کو منائی جائے گی۔ تاہم کچھ ممالک اپنے روایتی چاند دیکھنے کے طریقوں کے مطابق عید الفطر 30 مارچ بروز اتوار کو بھی منانے کا اعلان کر سکتے ہیں۔
مزیدپڑھیں:تربیلا ڈیم میں پانی کم،بجلی کے 12 یونٹ بند،لوڈشیڈنگ کا خدشہ
ذریعہ: Daily Ausaf
پڑھیں:
4، 5 نومبر کو ہلکی بارشوں اور پہاڑی علاقوں میں برف باری کی پیشگوئی، پی ڈی ایم اے نے الرٹ جاری کردیا
پنجاب ڈیزاسٹر مینجمنٹ اتھارٹی (PDMA پنجاب) نے صوبے کے بیشتر اضلاع میں 4 اور 5 نومبر کے دوران ہلکی بارشوں اور پہاڑی علاقوں میں برف باری کی پیشگوئی کے بعد موسمی الرٹ جاری کر دیا ہے۔
محکمہ موسمیات کے مطابق، لاہور، راولپنڈی، مری، گلیات، اٹک، تلہ گنگ، جہلم، سرگودھا، خوشاب، گجرانوالہ، سیالکوٹ اور نارووال سمیت پنجاب کے کئی اضلاع میں بارش کا امکان ہے۔
یہ بھی پڑھیے موسم سرما کی پہلی بارش، محکمہ موسمیات نے پیشگوئی کردی
ترجمان پی ڈی ایم اے کے مطابق، مری اور گلیات جیسے بالائی علاقوں میں برف باری بھی متوقع ہے، جس سے درجہ حرارت میں نمایاں کمی واقع ہوگی۔
سموگ میں کمی کی امیدڈی جی پی ڈی ایم اے عرفان علی کاٹھیا نے کہا کہ متوقع بارشوں سے سموگ میں کمی کے امکانات روشن ہیں۔ انہوں نے شہریوں کو ہدایت کی کہ سموگ سے بچاؤ کے لیے ماسک کا استعمال کریں، اور غیر ضروری طور پر گھر سے باہر نہ نکلیں۔
عوام اور کسانوں کے لیے ہدایاتشہری خراب موسم میں غیر ضروری سفر سے گریز کریں۔
کسان اپنی زرعی سرگرمیوں کو موسم کی صورتحال کے مطابق ترتیب دیں۔
یہ بھی پڑھیے موسم سرما میں فلو، کھانسی اور انفیکشنز سے کیسے بچا جا سکتا ہے؟
دورانِ سفر فوگ لائٹس کا استعمال لازمی کریں تاکہ حادثات سے بچا جا سکے۔
ہنگامی حالات میں شہری پی ڈی ایم اے ہیلپ لائن 1129 پر رابطہ کریں۔
ڈی جی عرفان علی کاٹھیا نے بتایا کہ پی ڈی ایم اے کنٹرول روم میں صورتحال کی 24 گھنٹے مانیٹرنگ جاری ہے اور تمام ضلعی انتظامیہ کو پیشگی تیاریوں کی ہدایت کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پی ڈی ایم اے موسم
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا