وائس چانسلر کا انتخاب؛ این ای ڈی کے لیے تین نام شارٹ لسٹ
اشاعت کی تاریخ: 21st, April 2025 GMT
کراچی:
سندھ کی سرکاری جامعات میں وائس چانسلر کی تقرری کے لیے قائم تلاش کمیٹی (search committee) نے این ای ڈی یونیورسٹی آف انجینئرنگ اینڈ ٹیکنالوجی ٹیکنالوجی کے سربراہ کے لیے تین ناموں کا انتخاب کرلیا ہے۔
وائس چانسلرز کے لیے تین شخصیات کا انتخاب جمعے کو منعقدہ انٹرویوز کے بعد کیا گیا ہے جس میں 7 امیدوار شریک ہوئے تھے جبکہ انٹرویوز کے لیے اسکروٹنی کے بعد 9 امیدواروں کو بلایا گیا تھا۔
‘‘ایکسپریس‘‘ کو محکمہ یونیورسٹیز اینڈ بورڈز کے ذرائع نے بتایا کہ جن تین امیدواروں کا نام بطور وائس چانسلر شارٹ لسٹ کیا گیا ہے ان میں این ٹی ڈی کے موجودہ پرو وائس چانسلر ڈاکٹر طفیل احمد، ڈاکٹر غوث بخش ناریجو اور ڈاکٹر ذوالفقار علی میمن شامل ہیں۔
واضح رہے کہ این ای ڈی یونیورسٹی کے لیے مجموعی طور پر 17 امیدواروں نے درخواست دی تھی۔
ذرائع کے مطابق جن تین ناموں کو شارٹ لسٹ کیا گیا ہے ان کے نام سیکیورٹی اداروں کو کلیئرنس کے لیے بھیجے جا رہے ہیں اور کلیئرنس موصول ہونے کے بعد محکمہ یونیورسٹیز اینڈ بورڈز سمری جامعات کی کنٹرولنگ اتھارٹی وزیر اعلیٰ سندھ کو ارسال کرے گا۔ وزیر اعلیٰ تین میں سے کسی ایک نام کا بطور وائس چانسلر انتخاب کریں گے۔
واضح رہے کہ تلاش کمیٹی کے مستقل اراکین میں بربنائے عہدہ چیئرمین سندھ ایچ ای سی، سیکریٹری، سیکریٹری کالج ایجوکیشن، سیکریٹری یونیورسٹیز اینڈ بورڈز جبکہ کوآپٹڈ رکن کے طور پر ڈاکٹر سروش لودھی اور ڈاکٹر قدیر راجپوت شامل تھے۔
.ذریعہ: Express News
کلیدی لفظ: وائس چانسلر کے لیے
پڑھیں:
واٹس ایپ میں وائس میل جیسے مسڈ کالز میسجز سمیت متعدد نئے فیچرز متعارف
واٹس ایپ کی جانب سے صارفین کے لیے متعدد نئے فیچرز متعارف کرانے کا اعلان کیا گیا ہے۔
میٹا کی زیرملکیت میسجنگ پلیٹ فارم کی جانب سے ایک بلاگ پوسٹ میں ان فیچرز کا اعلان کیا گیا۔
ان میں سے ایک نیا مسڈ کال میسجز فیچر ہے جو کہ روایتی وائس میل کا متبادل ثابت ہوگا۔
اس فیچر کا مقصد دوستوں اور پیاروں سے رابطوں کو آسان بنانا ہے۔
اس فیچر کے تحت صارفین اس وقت ایک نوٹ ریکارڈ کرسکیں گے جب ان کا دوست یا کانٹیکٹ کالز کو موصول کرنے کے لیے دستیاب نہیں ہوگا۔
کال کی نوعیت کے مطابق آپ وائس یا ویڈیو نوٹ ریکارڈ کرکے سینڈ کرسکیں گے۔
کمپنی کے مطابق یہ فیچر وائس میلز کو ماضی کا قصہ بنا دے گا۔
صارفین اب کسی وائس چیٹ کے دوران نئے ری ایکشنز کے ذریعے ری ایکٹ بھی کرسکیں گے اور اس سے چیٹ متاثر نہیں ہوگی۔
واٹس ایپ کی جانب سے وائس کال میں اسپیکر کے حوالے سے بھی اپ ڈیٹ کی گئی ہے۔
اس کے علاوہ کمپنی کی جانب سے میٹا اے آئی سے تصاویر تیار کرانے کے عمل کو بھی بہتر بنانے کا اعلان کیا گیا ہے۔
اب میٹا اے آئی نئے امیج جنریشن ماڈل کی خصوصیات سے لیس ہوگا۔
کمپنی نے دعویٰ کیا ہے کہ اب تصاویر کی تیاری کا عمل بہت زیادہ بہتر محسوس ہوگا۔
میٹا اے آئی میں تصاویر کو انیمیٹ یا متحرک کرنے کی صلاحیت کا اضافہ بھی کیا جا رہا ہے۔
صارفین کسی بھی تصویر کو ایک مختصر ویڈیو میں تبدیل کرسکیں گے جس کا انحصار ان کی تحریری ہدایات اور میسجز پر ہوگا۔
واٹس ایپ ڈیسک ٹاپ ایپ میں ایک نئی میڈیا ٹیب کا اضافہ کیا جا رہا ہے تاکہ ڈاکومنٹس، لنکس اور چیٹس میں موجود میڈیا فائلز کو آسانی سے ڈھونڈنا جاسکے۔
واٹس ایپ میں لنک پریویو کو بھی بہتر بنایا گیا ہے۔
آخری اپ ڈیٹ اسٹیٹس میں نئے اسٹیکرز کا اضافہ ہے۔
صارفین اب میوزک لیرکس، انٹرا ایکٹیو اسٹیکرز اور سوالات اسٹیٹس میں ایڈ کرسکیں گے جن پر ان کے کانٹیکٹس ردعمل ظاہر کرسکیں گے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر