بہاولنگر: تیز رفتار کار کی ٹکر سے راہگیر جاں بحق
اشاعت کی تاریخ: 15th, December 2025 GMT
بہاولنگر(نیوز ڈیسک) چشتیاں روڈ پر تیز رفتار کار کی ٹکر سے راستے سے گزرتا ہوا شخص جان کی بازی ہار گیا۔
پولیس کے مطابق حادثے کے باعث راہگیر شخص موقع پر جان کی بازی ہار گیا جس کی لاش کو ہسپتال منتقل کر دیا گیا ہے، جاں بحق شخص کی شناخت محمد خالد کے نام سے ہوئی ہے جس کی عمر 38 سال ہے۔
پولیس نے مزید بتایا کہ حادثے کے بعد کار ڈرائیور کار سمیت موقع سے فرار ہو گیا، پولیس نے دستیاب شواہد کی روشنی میں ملزم کی تلاش شروع کر دی ہے۔
.
ذریعہ
ذریعہ: Daily Mumtaz
پڑھیں:
سٹی کورٹ: ڈاکٹر آکاش قتل کیس میں تفتیش مکمل کر کے رپورٹ پیش کرنے کا حکم
کراچی کی سٹی کورٹ میں ڈاکٹر آکاش قتل کیس کی سماعت کے دوران عدالت نے پولیس کو مقدمے کی تفتیش مکمل کر کے رپورٹ پیش کرنے کا حکم جاری کر دیا۔
پولیس کے مطابق ایس آئی یو ویسٹ نے ڈاکٹر آکاش کے قتل میں ملوث ملزمان کے خلاف مزید کارروائی کرتے ہوئے تین افراد، سریش عرف ساگر، انیل اور رام چند کے قتل کا مقدمہ اسلم پہنور اور اس کے ساتھیوں کے خلاف درج کر لیا ہے۔ پولیس کا کہنا ہے کہ اسلم پہنور ایک ڈکیت گروہ کا سرغنہ ہے۔
پولیس کے مطابق ملزمان نے پولیس پارٹی پر فائرنگ کی، جس کے نتیجے میں زیر حراست تین ملزمان اور ایک ہیڈ کانسٹیبل زخمی ہو گئے۔ بعد ازاں زیر حراست تینوں ملزمان اپنے ہی ساتھیوں کی فائرنگ سے ہلاک ہو گئے، جبکہ زخمی ہیڈ کانسٹیبل کو اسپتال منتقل کر دیا گیا جہاں اس کا علاج جاری ہے۔
واضح رہے کہ ڈاکٹر آکاش کو بینک سے رقم لے کر جاتے ہوئے قتل کیا گیا تھا۔ پولیس نے اس کیس میں تین ملزمان کو گرفتار کیا تھا، جو دوران حراست ہلاک ہو گئے۔
بھارت سے جنگ اور افغانستان میں کارروائی خارج ازامکان نہیں، وزیردفاع