موٹر وہیکل آرڈنینس میں ترامیم کے ثمرات آنا شروع
اشاعت کی تاریخ: 15th, December 2025 GMT
علی ساہی :موٹر وہیکل آرڈنینس میں ترامیم کے ثمرات سامنے آنا شروع ہوگئے۔
لاہور سمیت پنجاب بھر میں چالانز اورحادثات میں کمی جبکہ ڈرائیونگ لائسنسنگ میں بڑے پیمانے پر اضافہ ہوگیا ۔
ٹریفک پولیس نے27نومبر سے ابتک 10لاکھ سے زائد چالانز کئے،گزشتہ ایک ہفتے میں چالانز کی روزانہ تعداد60ہزار سے کم ہوکر35ہزار پر آگئی ہے جبکہ حادثات میں 40 فیصد کمی ہوئی اور29 شہروں میں ایک بھی جان لیوا حادثہ رپورٹ نہیں ہوا۔
لاہور سمیت پنجاب بھر میں 20لاکھ لائسنس کا جراء کیا جاچکا ہے،27 نومبر سے ابتک جرمانوں اور لائسنسنگ فیس کی مد میں 4ارب سے زائد کی وصولیاں کی گئی ہیں۔
ڈی آئی جی ٹریفک وقاص نذیرکاکہناہے کہ لاہور سمیت پنجاب بھر میں چالانزاورحادثات میں کمی اور لائسنسنگ میں بڑے پیمانے پر اضافہ ہوا ہے،لاہور سمیت پنجاب بھر میں 20لاکھ لائسنس کا جراء کیا جاچکا ہے،پوائنٹ سسٹم متوقع طور پر اسی مہینے سے شروع کردیا جائےگا۔
ڈی آئی جی ٹریفک وقاص نذیر کے مطابق20 پوائنٹس پورے ہونے پر لائسنس 6 ماہ کے لئے معطل کردیا جائےگا،ون وے کی خلاف وزیوں پر کمی،ہیلمٹ کے استعمال میں اضافہ،کم عمر بچوں کی ڈرائیونگ اور غیر محفوظ گاڑیوں کے استعمال میں واضح کمی ہوئی ہے۔
ٹک ٹاکر رجب بٹ کو عدالت سے ریلیف مل گیا
ڈی آئی جی ٹریفک وقاص نذیر کاکہناہے کہ 27 نومبر سے ابتک جرمانوں اور لائسنسنگ فیس کی مد میں 4ارب سے زائد کی وصولیاں کی گئی ہیں،سولہ سال سے 18سال کےبچوں کے لائسنسنگ کی سمری منظوری کے لئے کابینہ میں ہے،کابینہ سے منظوری کے بعد 16سال کے بچوں کو موٹر سائیکل کے لائسنس کا اجراء شروع کردیا جائےگا۔
ذریعہ
ذریعہ: City 42
کلیدی لفظ: لاہور سمیت پنجاب بھر میں
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ