امریکا کی ایران پر نئی پابندیاں، جوہری مذاکرات کے دوران سخت اقدام
اشاعت کی تاریخ: 13th, May 2025 GMT
واشنگٹن: امریکا نے ایران کے ساتھ جاری جوہری مذاکرات کے دوران تین ایرانی شہریوں اور ایک ادارے پر نئی پابندیاں عائد کر دی ہیں۔ ان پابندیوں کا مقصد ایران کے جوہری پروگرام پر دباؤ بڑھانا ہے۔
غیر ملکی خبر رساں ایجنسی کے مطابق، امریکی حکومت نے جن افراد اور ادارے پر پابندیاں لگائی ہیں، ان کے تعلقات ایران کی "آرگنائزیشن آف ڈیفینسو انوویشن اینڈ ریسرچ" (SPND) سے ہیں، جو ایران کے متنازعہ تحقیقی و دفاعی منصوبوں میں سرگرم ہے۔
پابندیوں کے تحت ان افراد اور ادارے کے امریکا میں موجود تمام مالی اثاثے منجمد کر دیے گئے ہیں، اور ان سے کسی قسم کا تجارتی لین دین بھی ممنوع قرار دے دیا گیا ہے۔
امریکی وزیر خارجہ مارکو روبیو نے بیان میں کہا کہ ایران مسلسل جوہری ہتھیاروں اور ان کے نظامِ ترسیل سے متعلق منصوبوں پر کام کر رہا ہے، جو عالمی امن کے لیے خطرہ ہے۔
یہ نئی پابندیاں ایسے وقت میں سامنے آئی ہیں جب ایران اور امریکا کے درمیان مذاکرات کا چوتھا دور گزشتہ روز مکمل ہوا، جس کا مقصد ایک نیا معاہدہ طے کرنا ہے تاکہ ایران کو جوہری ہتھیاروں کی تیاری سے باز رکھا جا سکے۔
ایران کا مؤقف ہمیشہ یہی رہا ہے کہ اس کا جوہری پروگرام پرامن مقاصد کے لیے ہے اور وہ جوہری ہتھیار بنانے کا ارادہ نہیں رکھتا۔
ذریعہ: Express News
پڑھیں:
امریکی ریاست پنسلوانیا کے اسٹیل پلانٹ میں دھماکے، 2 ہلاک، 10 زخمی
پنسلوانیا (امریکا) میں یو ایس اسٹیل کے پلانٹ میں پیر کے روز متعدد دھماکوں کے نتیجے میں 2 کارکن ہلاک اور 10 زخمی ہوگئے۔ یہ واقعہ شہر پِٹسبرگ سے تقریباً 15 میل (25 کلومیٹر) دور کلیئرٹن کوک ورکس فیکٹری میں پیش آیا۔
امریکی ریاست پنسلوانیا کے گورنر جوش شیپیرو نے سوشل میڈیا پلیٹ فارم ایکس پر بتایا کہ زخمی ملازمین کو مقامی اسپتالوں منتقل کر دیا گیا ہے جبکہ پلانٹ میں سرچ اینڈ ریسکیو آپریشن جاری ہے۔
یہ بھی پڑھیے امریکا میں پولیس تربیتی مرکز میں دھماکا، 3 افراد جان سے گئے
الگ سے جاری کیے گئے بیانات میں یو ایس اسٹیل اور الیگینی کاؤنٹی پولیس نے تصدیق کی کہ 2 افراد کی لاشیں ملی ہیں، جن میں سے ایک کو تلاش کرنے کے لیے طویل ریسکیو آپریشن کرنا پڑا۔ ایک زخمی شخص جو لاپتہ سمجھا جا رہا تھا، کو زندہ نکال کر اسپتال منتقل کیا گیا، جبکہ دیگر 9 زخمیوں کو مختلف نوعیت کے زخموں کے علاج کے لیے قریبی اسپتال بھیجا گیا۔
یو ایس اسٹیل کے مطابق یہ واقعہ مقامی وقت کے مطابق صبح 11 بجے کے قریب پیش آیا اور ایمرجنسی ٹیمیں فوری طور پر موقع پر پہنچ گئیں۔ کمپنی کے سی ای او ڈیوڈ برٹ نے اپنے بیان میں کہا کہ ایسے وقت میں یو ایس اسٹیل کے ملازمین مل کر متاثرہ افراد کے لیے اپنی محبت، دعاؤں اور حمایت کا اظہار کرتے ہیں۔
یہ بھی پڑھیے امریکا دہشتگردی کی زد میں، نیو ایئر پر ٹرک حملہ اور ٹرمپ ہوٹل کے باہر دھماکا، 16 ہلاک
امریکی میڈیا نے رپورٹ کیا کہ کچھ افراد دھماکے کے ملبے تلے دب گئے تھے۔ سوشل میڈیا پر شیئر کی گئی غیر مصدقہ ویڈیوز میں فائر فائٹرز کو ایک تباہ شدہ صنعتی عمارت کے سامنے آگ بجھانے کی کوشش کرتے اور سفید دھوئیں کے بادل اٹھتے دکھایا گیا۔
واضح رہے کہ کلیئرٹن کوک ورکس امریکا کا سب سے بڑا کوک بنانے کا کارخانہ ہے، جہاں کوئلے کو پروسیس کر کے کوک تیار کی جاتی ہے، جو اسٹیل سازی میں اہم ایندھن ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پنسلوانیا یو ایس اسٹیل پلانٹ
روس سے تیل کی خریداری، ٹرمپ نے بھارت پر عائد ٹیرف مزید بڑھانے کا اعلان کردیا