نیشنل اسٹیڈیم میں جشن آزادی پروگرام کیلئے اصل شناختی کارڈ ساتھ لائیں: سعید غنی
اشاعت کی تاریخ: 12th, August 2025 GMT
وزیرِ بلدیات سندھ سعید غنی—فائل فوٹو
وزیرِ بلدیات سندھ سعید غنی کا کہنا ہے کہ کل جشن آزادی کا اہم پروگرام نیشنل اسٹیڈیم کراچی میں ہو گا، جس کے لیے پارکنگ کا انتظام ایکسپو سینٹر اور چائنا گراؤنڈ میں کیا گیا ہے۔
کراچی میں میڈیا سے گفتگو کرتے ہوئے انہوں نے کہا کہ شہریوں کو پارکنگ سے اسٹیڈیم پہنچانے کے لیے شٹل سروس ہوگی، خواتین اور مرد حضرات کے لیے الگ الگ شٹل ہیں۔
سعید غنی نے بتایا کہ اسٹیڈیم کے گیٹ 12، 13 اور 14 مردوں کے داخلے کے لیے ہیں، 7 انکلوژر مرد حضرات کے لیے مختص ہیں، خواتین، فیملیز یا اسپیشل بچے گیٹ 3، 4 اور 6 سے داخل ہوں گے۔
وزیر بلدیات سندھ سعید غنی نے کہا ہے کہ جشنِ آزادی اور معرکہ حق کی تقریبات جوش و خروش سے منارہے ہیں۔
ان کا کہنا ہے کہ خواتین کے لیے اقبال قاسم انکلوژر مختص ہے، نسیم الغنی انکلوژر اسپیشل بچوں اور ان کی فیملیز کے لیے ہو گا، فیملیز کے لیے نذر محمد سمیت 5 انکلوژر ہیں، اسٹیڈیم میں داخلے کے لیے اصل شناختی کارڈ ساتھ لائیں۔
سعید غنی کا کہنا ہے کہ کھانے کی اشیاء، ماچس، لائٹر، اسلحہ اسٹیڈیم لانے پر پابندی ہے، پاکستانی جھنڈے کے سوا کوئی پرچم لانے کی اجازت نہیں، 2 لاکھ سے زائد افراد کی رجسٹریشن ہو چکی ہے۔
انہوں نے بتایا کہ جن افراد نے کل رجسٹریشن کرا لی تھی ان کو پاسز بھجوا رہے ہیں، گنجائش سے زیادہ افراد آئے تو گیٹ بند کرنے پڑیں گے، کل شہری جلدی آ جائیں، اسٹیڈیم بھر جائے گا تو گیٹ بند کر دیں گے۔
وزیرِ بلدیات سندھ سعید غنی کا یہ بھی کہنا ہے کہ کوشش کریں گے کہ شہر کے مختلف علاقوں میں بھی اسکرینیں لگائیں، تقریب میں سول سوسائٹی، فلن تھراپسٹ بلا رہے ہیں۔
.
ذریعہ
ذریعہ: Jang News
کلیدی لفظ: بلدیات سندھ سعید غنی کہنا ہے کہ کے لیے
پڑھیں:
باکو میں بین الاقوامی جوڈیشل ٹریننگ پروگرام، سپریم کورٹ کے جج نے متبادل نظامِ انصاف پر زور
سپریم کورٹ آف پاکستان نے آذربائیجان کے دارالحکومت باکو میں منعقدہ بین الاقوامی ایگزیکٹو جوڈیشل ٹریننگ پروگرام میں فعال شرکت کرتے ہوئے عالمی سطح پر عدالتی تعاون، پیشہ ورانہ مہارت اور جدید نظامِ انصاف کے فروغ کے عزم کا اعادہ کیا۔ اس موقع پر جسٹس میاں گل حسن اورنگزیب نے متبادل نظامِ حلِ تنازعات (ADR) کی اہمیت پر خصوصی لیکچر بھی دیا۔
سپریم کورٹ آف پاکستان نے عالمی سطح پر عدالتی مہارت اور بین الاقوامی عدالتی تعاون کے فروغ کی کوششوں میں مؤثر کردار ادا کرتے ہوئے آذربائیجان کے دارالحکومت باکو میں منعقدہ ایگزیکٹو جوڈیشل ٹریننگ پروگرام میں شرکت کی۔
سپریم کورٹ کی جانب سے جاری پریس ریلیز کے مطابق 4 روزہ تربیتی پروگرام 21 سے 24 جولائی 2026 تک منعقد ہوا، جس کا اہتمام پاکستان اور آذربائیجان کی وزارت ہائے انصاف کے اشتراک سے کیا گیا۔
اس پروگرام میں سپریم کورٹ آف پاکستان کی نمائندگی جسٹس میاں گل حسن اورنگزیب نے کی، جنہوں نے ممتاز ریسورس پرسن کی حیثیت سے شرکت کرتے ہوئے دنیا بھر سے آئے ہوئے ججز، قانونی ماہرین اور انصاف کے شعبے سے وابستہ شخصیات کے ساتھ عدالتی تجربات اور بہترین عملی طریقوں کا تبادلہ کیا۔
جسٹس میاں گل حسن اورنگزیب نے ‘ADR: A Global Perspective – A Guide for Judges’ کے موضوع پر خصوصی لیکچر دیتے ہوئے انصاف تک بروقت اور مؤثر رسائی میں متبادل نظامِ حلِ تنازعات (Alternative Dispute Resolution – ADR) کی اہمیت پر تفصیلی روشنی ڈالی۔
انہوں نے کہا کہ متبادل نظامِ حلِ تنازعات عدالتی کارکردگی کو بہتر بنانے، مقدمات کے بوجھ میں کمی لانے اور نظامِ انصاف پر عوامی اعتماد کے فروغ میں نہایت اہم کردار ادا کرتا ہے۔
انہوں نے پاکستان میں متبادل نظامِ حلِ تنازعات کے ارتقا پذیر قانونی فریم ورک اور اس حوالے سے عالمی تجربات کا بھی جائزہ پیش کیا اور اس بات پر زور دیا کہ ججز کو جدید تنازعاتی حل کے طریقوں سے آراستہ کرنا بروقت، مؤثر اور عوام دوست انصاف کی فراہمی کے لیے ناگزیر ہے۔
پریس ریلیز کے مطابق 4 روزہ پروگرام کے دوران عدالتی مہارت، عدالتی اخلاقیات، ادارہ جاتی دیانت داری، کیس مینجمنٹ، عدالتی طرزِ عمل، ابلاغی مہارت، عدالتی ریکارڈ کی الیکٹرانک آرکائیونگ، ڈیٹا کی درستگی اور عدالتی فیصلہ سازی کے جدید رجحانات سمیت مختلف موضوعات پر خصوصی سیشنز اور تبادلۂ خیال کیا گیا۔
سپریم کورٹ آف پاکستان نے اس موقع پر اس عزم کا اعادہ کیا کہ وہ عدالتی تعلیم، ادارہ جاتی شراکت داری، بین الاقوامی عدالتی تعاون اور بہترین عدالتی طریقہ کار کے تبادلے کے فروغ کے لیے اپنی کوششیں جاری رکھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باکو آذربائیجان بین الاقوامی ایگزیکٹو جوڈیشل ٹریننگ پروگرام سپریم کورٹ آف پاکستان متبادل نظامِ انصاف میاں گل حسن اورنگزیب
بھارت سے جنگ اور افغانستان میں کارروائی خارج ازامکان نہیں، وزیردفاع