انٹیلی جنس بیورو کا ’پی ایم ڈی سی‘ میں منظم کرپشن کا انکشاف
اشاعت کی تاریخ: 15th, May 2025 GMT
انٹیلی جنس بیورو (آئی بی) کی ایک رپورٹ میں انکشاف کیا گیا ہے کہ پاکستان میڈیکل اینڈ ڈینٹل کونسل (پی ایم ڈی سی) میں منظم کرپشن کا نظام رائج رہا ہے۔
نجی اخبار کو دستیاب ایک دستاویز میں بہاولپور میڈیکل کالج (بی ایم سی) کے جعلی قیام اور منظوری کو خاص طور پر نمایاں کیا گیا ہے۔
تاہم، پی ایم ڈی سی کی موجودہ انتظامیہ نے ان الزامات سے خود کو الگ کرتے ہوئے کہا ہے کہ یہ بے ضابطگیاں ماضی میں ہوئیں اور اب نئے احتسابی نظام اور شفاف طریقہ کار متعارف کروا دیے گئے ہیں۔
رپورٹ میں کہا گیا ہے کہ یہ معلوم ہوا ہے کہ پی ایم ڈی سی میں کرپشن کا ایک منظم نظام موجود ہے، جو بنیادی طور پر بے جا اختیارات اور شفافیت کی کمی کی وجہ سے ہے، یہ تاثر پایا جاتا ہے کہ نجی میڈیکل اور ڈینٹل کالجز کی منظوری، ان سے منسلک تعلیمی ہسپتالوں کی توثیق اور انسپیکشن کے لیے بھاری رشوت دینا ایک معمول بن چکا ہے۔
رپورٹ میں مزید الزام عائد کیا گیا ہے کہ اطلاعات ہیں کہ نجی میڈیکل کالجز طلبہ کی اضافی نشستیں حاصل کرنے کے لیے تقریباً ایک کروڑ روپے فی نشست رشوت دیتے ہیں،کرپشن کا ایک اور ذریعہ میڈیکل جرنلز کی منظوری کا عمل ہے۔
دستاویز میں دعویٰ کیا گیا ہے کہ ایک انکوائری کے دوران یہ بات سامنے آئی کہ بہاولپور میڈیکل کالج (بی ایم سی) کی منظوری اور اس کے بعد منسوخی کے عمل میں اب تحلیل شدہ پاکستان میڈیکل کمیشن ( پی ایم سی) کی نااہلی اور غیر مؤثر کارکردگی نمایاں رہی۔
رپورٹ میں کہا گیا بی ایم سی کی منظوری اور پھر اس کی اچانک منسوخی پی ایم سی کے ریگولیٹری نظام میں سنگین خامیوں کو اجاگر کرتی ہے، بی ایم سی کی لازمی انسپیکشن اور مکمل دستاویزات کے بغیر ابتدائی منظوری مبینہ طور پر رشوت ستانی کا نتیجہ تھی۔
انٹیلیجنس بیورو کے مطابق عام طور پر میڈیکل کالجز کی جانچ کے لیے 8 رکنی انسپکشن ٹیم تشکیل دی جاتی ہے، لیکن بی ایم سی کے کیس میں صرف 2 رکنی ٹیم بنائی گئی، جس نے کالج کا دورہ کیا ہی نہیں بلکہ پہلے سے تیار شدہ انسپکشن رپورٹ پر دستخط کر دیے جس کے نتیجے میں بی ایم سی کو منظوری مل گئی، حالانکہ وہ مطلوبہ معیار پر پورا نہیں اترتا تھا۔
رپورٹ میں مزید کہا گیا ہے کہ یہ امر قابل ذکر ہے کہ بہاولپور میڈیکل کالج (بی ایم سی) کے قیام میں ابتدائی طور پر متعدد سرمایہ کار شامل تھے، تاہم منظوری اور آپریشن میں تاخیر کے باعث ان کے درمیان اختلافات پیدا ہوئے، جس کے نتیجے میں کچھ سرمایہ کار منصوبے سے علیحدہ ہو گئے۔
اطلاعات کے مطابق، انہی میں سے ایک نے بی ایم سی کی منظوری کے خلاف شکایت درج کروائی، جس کے بعد پی ایم سی نے کالج کی منظوری معطل یا واپس لے لی۔
رپورٹ میں الزام عائد کیا گیا ہے کہ اس تمام معاملے میں تحلیل شدہ پی ایم سی کی مجموعی انتظامیہ اس سنگین بدانتظامی کی ذمہ دار تھی۔
واضح رہے کہ بہاولپور میڈیکل کالج اب غیر فعال ہو چکا ہے، کیونکہ گزشتہ سال وفاقی حکومت نے اس کا اندراج منسوخ کر دیا تھا اور اس کے طلبہ کو دیگر میڈیکل کالجز میں منتقل کر دیا گیا تھا۔
Post Views: 3.
ذریعہ
ذریعہ: Daily Mumtaz
کلیدی لفظ: کیا گیا ہے کہ پی ایم ڈی سی رپورٹ میں کی منظوری پی ایم سی ایم سی کی بی ایم سی کرپشن کا
پڑھیں:
محسن نقوی کا نیشنل پولیس اکیڈمی اسلام آباد کا دورہ، ایم سی ایم سی کورس پر نظرثانی کی اصولی منظوری
(اویس کیانی)نیشنل پولیس اکیڈمی کے اپ گریڈیشن پراجیکٹ پر کام تیزی سے جاری ہے، ایلیٹ ٹریننگ سکول میں ریپلنگ ٹاور پر 80 فیصد، جاگنگ ٹریک اور آبسٹیکلز پر 70 فیصد کام مکمل کر لیا گیا۔
وفاقی وزیر داخلہ محسن نقوی نے نیشنل پولیس اکیڈمی اسلام آباد کا دورہ کیا۔
اس موقع پر وزیر داخلہ محسن نقوی کی زیر صدارت اپ گریڈیشن پراجیکٹ سے متعلق جائزہ اجلاس ہوا، جس میں نیشنل پولیس اکیڈمی کی اپ گریڈیشن کے سلسلے میں جاری منصوبوں پر پیش رفت کا جائزہ لیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
نیشنل پولیس اکیڈمی کے اپ گریڈیشن پراجیکٹ پر کام تیز
ایلیٹ ٹریننگ سکول میں ریپلنگ ٹاور پر 80 فیصد،جاگنگ ٹریک اور آبسٹیکلز پر 70 فیصد کام مکمل
وفاقی وزیر داخلہ محسن نقوی کا نیشنل پولیس اکیڈمی کا دورہ، اپ گریڈیشن پراجیکٹ پر پیش رفت کا جائزہ لیا pic.twitter.com/PSzCboerya
اجلاس میں ایلیٹ سکول کی فائرنگ رینج اور باونڈری وال کو 2 ماہ میں مکمل کرنے کا ٹاسک دیا گیا۔
دوران اجلاس نیشنل پولیس اکیڈمی کو مرحلہ وار سولر انرجی پر منتقل کرنے کا فیصلہ کیا گیا، ایم سی ایم سی کورس پر نظرثانی کی اصولی منظوری دی گئی، تمام کلاس رومز کو جدید آئی ٹی سہولیات سے لیس کرنے کی ہدایت بھی کی گئی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ڈی جی ایف آئی اے، چیئرمین سی ڈی اے، آئی جی اسلام آباد پولیس، ڈپٹی کمانڈنٹ نیشنل پولیس اکیڈمی، ڈپٹی کمشنر اسلام آباد اور دیگر اعلیٰ افسران بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ