پاکستان کی آدھی سے زیادہ بیوروکریسی پرتگال میں جائیدادیں خرید چکی ہے.خواجہ آصف
اشاعت کی تاریخ: 6th, August 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔06 اگست ۔2025 )وزیر دفاع خواجہ محمد آصف نے ملک کی بیورو کریسی کے بارے میں بڑا انکشاف کرتے ہوئے کہا ہے کہ پاکستان کی آدھی سے زیادہ بیوروکریسی پرتگال میں جائیدادیں خرید چکی ہے”ایکس“ پر ایک پوسٹ میں وزیر دفاع نے کہا کہ آدھی سے زیادہ یہ بیوروکریسی شہریت لینے کی تیاری کر رہی ہے، یہ نامی گرامی بیوروکریٹس ہیں، مگر مچھ اربوں روپے کھا کے آرام سے ریٹائرمنٹ کی زندگی گزار رہے ہیں.
(جاری ہے)
اپنی پوسٹ میں خواجہ محمد آصف نے الزام عائد کیا کہ بزدار کا قریب ترین بیورو کریٹ بیٹیوں کی شادی پر 4 ارب روپے صرف سلامی وصول کر چکا وہ بیوروکریٹ آرام سے ریٹائرمنٹ کی زندگی گزار رہا ہے انہوں نے کہا کہ سیاست دان تو بیوروکریسی کا بچا کھچا کھاتے اور چولیں مارتے ہیں. وفاقی وزیر نے کہا کہ سیاست دانوں کے پاس پلاٹ ہے نہ غیر ملکی شہریت، انہیں الیکشن لڑنا ہوتا ہے، پاک سر زمین کو یہ بیوروکریسی پلید کر رہی ہے یاد رہے کہ جون 2025 میں وفاقی کابینہ کے اہم رکن (وزیر دفاع) خواجہ آصف نے ملک میں رائج ”ہائبرڈ نظام“ کے لیے تعریفی کلمات کہے تھے ور اپنی پوسٹ میں آرمی چیف جنرل عاصم منیر کی امریکی صدر ڈونلڈ ٹرمپ سے دوپہر کے کھانے پر ہونے والی ملاقات کو ”ہائبرڈ ماڈل آف گورننس“ کی کامیابی قرار دیا تھا. دوسری جانب ایک اور رپورٹ میں بتایا گیا ہے کہ اعلی عدلیہ ‘سول وملٹری بیوروکریسی اور روایتی سیاسی خاندانوں کے ملک سے باہر جائیدادیں بنانے کا سلسلہ طویل عرصے سے چل رہا ہے ملک کی حکمران اشرافیہ کے بچے بیرون ممالک تعلیم حاصل کرنے جاتے ہیں جس کے بعد انہی ممالک میں کمپنیاں قائم کرکے کاروبار اور جائیدادیں بنائی جاتی ہیں‘یہ طریقہ کار کرپشن سے حاصل کالے دھن کو سفید کرنے میں بھی انتہائی موثر ہے اعلی سرکاری حکام جو کک بیکس حاصل کرتے ہیں وہ پاکستان آنے کی بجائے بیرون ممالک قائم کاغذی کاروباری کمپنیوں کے اکاﺅنٹس میں منتقل ہوجاتے ہیں اور ”بھاری سرمایہ کاری“کی بنیاد پر بیرون ممالک مقیم اولادیں آسانی سے شہریت حاصل کرکے والدین کی شہریت کے لیے بھی درخواستیں جمع کروادیتے ہیں اور ریٹائرمنٹ کے بعد یہ لوگ بریف کیس اٹھا کر ملک سے چلے جاتے ہیں. رپورٹ میں بتایا گیا ہے کہ اعلی افسران کے علاوہ پچھلی دودہائیوں میں گریڈ16/17تک کے افسران بچوں کے تعلیم حاصل کرنے کے لیے بیرون ممالک بجھوانے کا رجحان بڑھا ہے خاص طور پر پولیس‘پاور سپلائی کمپنیوں‘سرکاری ترقیاتی اداروںایل ڈی اے ‘سی ڈی اے‘کے ڈی اے‘زمینوںسے متعلقہ محکموں سمیت ایسے تمام ادارے جن میں براہ راست پبلک ڈیلنگ ہوتی ہے ان میں ماہانہ اربوں روپے رشوت اور کرپشن کی مد میں جاتے ہیں رپورٹ میں انکشاف کیا گیا ہے کہ لیسکو کے لائن سپرٹینڈنٹ جیسے عہدے کے کئی اہلکاروں کے بچے سپین ‘اٹلی جیسے ممالک میں ”تعلیم “حاصل کررہے ہیں جبکہ پاکستان کے اندر بھی ان کی جائیدادیں موجود ہیں.
ذریعہ: UrduPoint
کلیدی لفظ: تلاش کیجئے بیرون ممالک
پڑھیں:
پاکستان کی خارجہ پالیسی ایک نئے مرحلے میں داخل ہوچکی، خواجہ آصف
اسلام آباد:وزیر دفاع خواجہ آصف نے کہا ہے کہ پاکستان کی خارجہ پالیسی ایک نئے مرحلے میں داخل ہو چکی ہے، پاکستان کے امریکا چین سعودی عرب اور دبئی کے ساتھ تعلقات میں بہتری آ رہی ہے۔
انسٹی ٹیوٹ آف ریجنل اسٹڈیز اسلام آباد کے زیرِ اہتمام سیمینار سے خطاب میں انہوں ںے کہا کہ پاکستان اب عالمی سطح پر ایک قابلِ اعتماد شراکت دار کے طور پر ابھر رہا ہے، سعودی عرب کے ساتھ پاکستان کے تعلقات نئے دور میں داخل ہو گئے ہیں۔
انہوں ںے کہا کہ سعودی عرب کی جانب سے شعبوں میں سرمایہ کاری میں اضافہ ہو رہا ہے، قطر اور متحدہ عرب امارات کے ساتھ پاکستان کے تعلقات مثالی قرار دیے جا رہے ہیں، یہ شراکت داری باہمی اعتماد اور سمجھ بوجھ پر مبنی ہے، چین پاکستان کا ہر موسم کا دوست ہے پاکستان اور چین سی پیک فیز تھری پر کام بڑھانے کے لیے پرعزم ہیں۔
انہوں ںے کہا کہ پاکستان کی وسط ایشیائی ممالک آذربائیجان اور ترکمانستان تک رسائی میں نمایاں بہتری آئی ہے، پاکستان ترکی اور ایران کے ساتھ تعلقات کو مزید مضبوط بنا رہا ہے، پاکستان اسلاموفوبیا کے خلاف ایک مؤثر آواز بن کر ابھرا ہے، پاکستان اصلاحات پر مکمل توجہ دے رہا ہے، پاکستان کی سفارت کاری اعتماد اور استحکام کی عکاسی کر رہی ہے۔
انہوں نے مزید کہا کہ پاکستان کے تعلقات امریکا سے بہتر ہوئے ہیں، ہمارے سفارت کار جو کام کر رہے ہیں وہ قابل تعریف ہے، خارجہ پالیسی ہماری ترجیح ہے، دنیا کے ساتھ تعلقات بہتر بنانے ہیں۔
سابق وفاقی وزیر خرم دستگیر نے تقریب سے خطاب میں کہا کہ نریندر مودی نے پاکستان پر اٹیک کرنے کا پلان بنایا اس کے بعد ہم نے فتح حاصل کی، آج ہمیں ڈپلومیسی میں بہتری محسوس کر رہے ہیں، مجھے خوشی ہے کہ بہت سے سفارت کاروں نے انفرادی طور پر اچھا کام کیا۔
انہوں ںے کہا کہ ایس سی او کانفرنس کے ذریعے علاقائی سطح پر رابطہ کاری میں اضافہ ہوا ہے، پاکستان میں لیڈر شپ تبدیل ہو چکی ہے، اب پاکستان کو وزیر اعظم شہباز شریف اور فیلڈ مارشل عاصم منیر لیڈ کر رہے ہیں، بہت سے پارٹنر آرہے ہیں اور پاکستان سے تعاون کی بات کر رہے ہیں۔
ان کا کہنا تھا کہ لیڈر شپ کا جذبہ تبدیل ہو چکا ہے، چین کی ٹیکنالوجی کے بارے میں دنیا حیران ہے، دنیا اب تبدیل ہو چکی ہے، پاکستان معرکہ حق کے بعد دنیا کا ماحول تبدیل کر دیا، ہمارے سفارت کار جیو پولیٹیکز کو تبدیل کرنے میں کامیاب ہوئے۔
اینٹی اسموگ گنز کے استعمال سے لاہور میں پانی کی قلت کا خطرہ