پاکستان، چین اور افغانستان کے وزرائے خارجہ بیجنگ میں ملاقات کریں گے
اشاعت کی تاریخ: 18th, May 2025 GMT
بیجنگ (ڈیلی پاکستان آن لائن )نائب وزیراعظم اسحاق ڈار کل چین کے دورے پر بیجنگ جائیں گے جہاں چینی وزیر خارجہ اور اسحاق ڈار کے درمیان مذاکرات ہوں گے۔
نجی ٹی وی جیو نیوز کے مطابق افغانستان کے عبوری وزیر خارجہ امیر خان متقی 20 مئی کو چین پہنچیں گے، پاکستان، چین اور افغانستان کے وزرائے خارجہ بیجنگ میں ملاقات کریں گے۔
مذاکرات میں تینوں ممالک باہمی تجارت کے فروغ، سکیورٹی تعاون اور دیگر امور پر تبادلہ خیال کریں گے۔
ملاقات میں پاک بھارت تنازع کے بعد خطے کی صورتِ حال پر بھی تبادلہ خیال کیا جائے گا۔
میوزیم ہمیں تہذیب، اقدار اور جدوجہد کی جھلک دکھاتے ہیں: وزیر اعلیٰ کا عالمی دن پر پیغام
مزید :.ذریعہ: Daily Pakistan
پڑھیں:
اسحاق ڈار، چینی وزیراعظم ملاقات: سٹرٹیجک شراکت داری کی توثیق: خطے میں اقتصادی تعاون چاہتے ہیں، پیوٹن
ماسکو (اپنے سٹاف رپورٹر سے+ نوائے وقت رپورٹ) نائب وزیراعظم اسحاق ڈار نے ماسکو میں چین کے وزیراعظم لی کیانگ سے ملاقات کی۔ پاکستان اور چین نے سٹرٹیجک شراکت داری کی توثیق کی۔ ایس سی او فریم ورک کے تحت تعاون بڑھانے پر بھی اتفاق کیا۔ دو طرفہ تذویراتی شراکت داری کو فروغ دینے کے عزم کا اعادہ کیا اور شنگھائی سپرٹ کو علاقائی استحکام کیلئے اہم قرار دیا۔ نائب وزیراعظم و وزیر خارجہ اسحاق ڈار نے ماسکو میں ایس سی او سربراہ وفد کے ساتھ روسی صدر سے ملاقات کی۔ اس موقع پر ولادیمیر پیوٹن نے کہا کہ ہم خطے میں اقتصادی تعاون چاہتے ہیں۔ ترجمان دفتر خارجہ کے مطابق نائب وزیراعظم و وزیر خارجہ اسحاق ڈار کی شنگھائی تعاون تنظیم ایس سی او کے اجلاس کی سائیڈ لائن پر روسی صدر ولادیمیر پیوٹن سے ملاقات ہوئی جس میں دیگر ممالک کے سربراہان بھی موجود تھے۔ ملاقات میں روسی صدر نے علاقائی اقتصادی تنظیم کو مزید فروغ دینے اور ایس سی او پلیٹ فارم کے تحت تعلقات کو مزید مضبوط بنانے پر زور دیا۔ انہوں نے کہا کہ ایس سی او علاقائی رابطہ کاری، استحکام اور باہمی مفادات کیلئے اہمیت کی حامل ہے۔ قبل ازیں نائب وزیراعظم اور وزیر خارجہ سینیٹر محمد اسحاق ڈار نے ماسکو میں شنگھائی تعاون تنظیم (ایس سی او) کی کونسل آف ہیڈز آف گورنمنٹ کے اجلاس میں پاکستانی وفد کی قیادت کرتے ہوئے ایس سی او فریم ورک میں پاکستان کی ترجیحات کا ذکر کرتے ہوئے علاقائی شراکت داری کے اہم ستونوں کے طور پر تجارتی، اقتصادی، ثقافتی اور انسانی تعاون پر زور دیا۔ منگل کو دفتر خارجہ کے مطابق نائب وزیراعظم نے تجارت، بنیادی ڈھانچے کی ترقی، سرمایہ کاری اور ڈیجیٹل ترقی کے ذریعے زیادہ اقتصادی انضمام کی ضرورت پر زور دیا۔ انہوں نے علاقائی آفات کے مقابلے کی تیاری پر تعاون کو بڑھانے پر بھی زور دیا اور شنگھائی تعاون تنظیم کے شراکت داروں کے ساتھ مشترکہ فرضی مشقوں کے انعقاد کے لیے پاکستان کی تیاری کا اظہار کیا۔ نائب وزیراعظم نے ایس سی او کو جدید بنانے اور انگریزی کو ورکنگ لینگویج کے طور پر متعارف کروا کر اس کی رسائی کو بڑھانے پر زور دیا۔ انہوں نے مشترکہ اہداف کے ساتھ منسلک پروجیکٹ پر مبنی اقدامات میں مبصر اور شراکت دار ریاستوں کی گہری شمولیت کی تجویز بھی دی۔ انہوں نے شنگھائی تعاون تنظیم کے مالیاتی ادارے اور ٹولز کے قیام کے ساتھ ساتھ تعلیمی روابط کو وسعت دے کر انسانی سرمائے کی ترقی کی تجویز بھی دی۔ نائب وزیراعظم اور وزیر خارجہ نے ٹھوس اقتصادی رابطوں کے لیے پاکستان کے عزم کا اعادہ کرتے ہوئے غربت اور موسمیاتی ریزیلینس سمیت سماجی و اقتصادی چیلنجز سے نمٹنے پر زور دیا اور کہا کہ پائیدار ترقی امن اور استحکام پر منحصر ہے۔ نائب وزیراعظم اسحاق ڈار نے ایس سی او سربراہان حکومت کونسل اجلاس سے خطاب میں کہا ایس سی او علاقائی سطح پر موثر کردار ادا کرنے کی بہتر صلاحیت رکھتی ہے۔ پاکستان نے ایک ٹیکنالوجی پر مبنی فعال ڈیزاسٹر مینجمنٹ نظام تیار کیا ہے۔ تجارت اور معیشت کے فروغ کیلئے مالیاتی آلات کو فعال بنایا جائے۔
وفاق افغانستان سے سفارتی تعلقات کیلیے صوبے کے ساتھ مل کر پالیسی بنائے، امن جرگے کا مطالبہ