اسٹنفورڈ یونیورسٹی کے طلبہ کا غزہ کی حمایت میں بھوک ہڑتال
اشاعت کی تاریخ: 24th, May 2025 GMT
امریکہ کی اسٹنفورڈ یونیورسٹی کے متعدد طلبہ نے فلسطینی عوام کی حمایت میں آواز بلند کی ہے اور اس علاقے میں جاری انسانی بحران کی طرف توجہ دلانے کا مطالبہ کیا ہے۔ اسلام ٹائمز۔ امریکہ کی اسٹنفورڈ یونیورسٹی کے متعدد طلبہ نے فلسطینی عوام کی حمایت میں آواز بلند کی ہے اور اس علاقے میں جاری انسانی بحران کی طرف توجہ دلانے کا مطالبہ کیا ہے۔ فارس نیوز کے مطابق، کیلیفورنیا کی اسٹنفورڈ یونیورسٹی میں 20 سے زائد طلبہ گزشتہ گیارہ دنوں سے بھوک ہڑتال پر ہیں اور وہ یونیورسٹی انتظامیہ سے اپنے مطالبات پورے کرنے کا مطالبہ کر رہے ہیں۔ یہ طلبہ جو نوارِ غزہ میں جاری انسانی بحران پر احتجاج کر رہے ہیں، چاہتے ہیں کہ یونیورسٹی ان کمپنیوں سے تعلق ختم کرے جو غزہ میں اسرائیلی نسل کشی کی مالی حمایت کرتی ہیں۔ یہ بھوک ہڑتال جو اب تک جاری ہے، یونیورسٹی میں آزادی اظہارِ رائے کو برقرار رکھتے ہوئے، پالیسیوں میں تبدیلی کے لیے یونیورسٹی انتظامیہ پر دباؤ ڈالنے کی ایک پرامن کوشش ہے۔
شرکاء میں سے ایک طالبعلم نے، جس کا نام ظاہر نہیں کیا گیا، آج (جمعہ) خبر رساں ایجنسی اناطولیہ کو بتایا کہ ہم چاہتے ہیں کہ یونیورسٹی اپنے ان اصولوں پر قائم رہے جن پر ہمیشہ یقین رکھتی آئی ہے، اور تاریخ کے درست جانب کھڑی ہو۔ اس نے مزید کہا کہ ہم یہاں اس لیے ہیں کہ یونیورسٹی پر دباؤ ڈالیں کہ وہ فلسطین میں نسل کشی کے لیے مالی امداد کو ختم کرے، اور ان سرمایہ کاریوں کو بند کرے جو اسرائیل کو ہزاروں بچوں کے قتل، ان کو جان بوجھ کر بھوکا رکھنے، اور 14 ہزار بچوں کے محاصرے کو جاری رکھنے کی اجازت دیتی ہیں۔ ایک اور ہڑتالی طالبعلم نے تاکید کی کہ وہ امید رکھتا ہے کہ یونیورسٹی ان کمپنیوں سے اپنے روابط ختم کرے گی اور ساتھ ہی ان طلبہ کے خلاف قانونی کارروائی سے باز آ جائے گی جو گزشتہ سال احتجاجات کی وجہ سے نشانہ بنائے گئے تھے۔
اسٹنفرڈ یونیورسٹی کے طلبہ نے گزشتہ سال امریکہ بھر کی یونیورسٹیوں میں فلسطینیوں کی حمایت میں شروع ہونے والی بھوک ہڑتال میں شرکت کی تھی؛ غزہ وہ علاقہ ہے جو محاصرے کے باعث قحط کے دہانے پر ہے۔ اپریل 2024 میں فلسطین کی حمایت میں مظاہروں کا آغاز امریکہ کی کولمبیا یونیورسٹی سے ہوا تھا، جو بعد میں ملک کی 50 سے زائد یونیورسٹیوں تک پھیل گیا۔ گزشتہ سال امریکی پولیس نے ان مظاہروں کے دوران 3100 سے زائد افراد کو گرفتار کیا، جن میں زیادہ تر طلبہ اور اساتذہ شامل تھے۔ امریکہ کی حمایت سے اسرائیل نے 7 اکتوبر 2023 سے غزہ میں نسل کشی کا آغاز کیا ہے۔ اب تک اس جنگ میں 53 ہزار سے زائد فلسطینی شہید ہو چکے ہیں اور ہزاروں دیگر زخمی ہوئے ہیں۔ فلسطینی اداروں کی طرف سے جاری کردہ سرکاری اعداد و شمار کے مطابق، شہداء کی اکثریت خواتین اور بچے ہیں، جبکہ 11 ہزار سے زائد افراد تاحال لاپتہ ہیں۔
ذریعہ
ذریعہ: Islam Times
کلیدی لفظ: اسٹنفورڈ یونیورسٹی یونیورسٹی کے کہ یونیورسٹی یونیورسٹی ان کی حمایت میں بھوک ہڑتال امریکہ کی
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ