محکمہ ایکسائز پنجاب نے کن گاڑیوں کی رجسٹریشن فیس میں 95 فیصد کمی کردی؟
اشاعت کی تاریخ: 20th, June 2025 GMT
نئی گاڑی لینے کے بعد سب سے اہم مسئلہ رجسٹریشن یا نمبر پلیٹ کے حصول کا درپیش ہوتا ہے، لوگ اپنی پسند کے نمبروں کے لیے لاکھوں روپے ادا کر کے اسے حاصل کرتے ہیں، پھر ہر گاڑی کی ویلیو کے حساب اس کی رجسٹریشن فیس ادا کی جاتی ہے۔
محکمہ ایکسائز نے الیکڑک گاڑیوں کی رجسٹریشن کروانے کی ایک اسکیم متعارف کروائی ہے، جس کا مقصد عوام میں ماحول دوست گاڑیوں کے زیادہ سے زیادہ استعمال کو فروغ دینا ہے۔
وی نیوز سے بات کرتے ہوئے ایڈیشنل ڈی جی ایکسائز احمد سعید نے بتایا کہ ماحول دوست گاڑیوں کو خصوصی شناخت دی جارہی ہے، انہوں نے بتایا کہ اگر ایک الیکڑک گاڑی کی قیمت ایک کروڑ روپے ہے تو اس کی رجسٹریشن پانچ ہزار میں ہو جائے گی۔
یہ بھی پڑھیں:
’اسی طرح ڈیڑھ کروڑ روپے مالیت کی گاڑی ہے تو اس کی رجسٹریشن فیس 7 سے 8 ہزار روپے تک ہوگئی، اس نوعیت کی رجسٹریشن کا مقصد ہے کہ لوگ الیکڑک گاڑیوں کا استعمال زیادہ سے زیادہ کریں۔‘
ایڈیشنل ڈی جی ایکسائز احمد سعید نے بتایا کہ ای وہیکلز کے لیے عام نمبر پلیٹ سے ہٹ کر نئی نمبر پلیٹ جاری کی جارہی ہیں، الیکٹرک وہیکلز کی نمبرپلیٹ اوپر سے وائٹ اور نچلا حصہ گرین کلر کا ہوگا، آئندہ تمام الیکٹرک وہیکلز مالکان وائٹ اور گرین نئی پلیٹس لگانے کے پابند ہوں گے۔
ایڈیشنل ڈی جی احمد سعید کے مطابق پنجاب بھر میں اب تک 16ہزار الیکٹرک گاڑیاں، موٹرسائیکلیں اور رکشے رجسٹرڈ کیے جاچکے ہیں، پنجاب میں ساڑھے 14ہزار الیکٹرک موٹرسائیکل جبکہ 1461 کاریں، 31 بسیں اور 36 الیکٹرک رکشے رجسٹرڈ کیے جاچکے ہیں۔
مزید پڑھیں:
ایکسائز حکام کے مطابق حکومت کی جانب سے الیکٹرک گاڑیوں کی رجسٹریشن، ٹوکن ٹیکس پر 95 فیصد رعایت دی گئی ہے، جو اگلے مالی سال میں بھی برقرار رہے گی، الیکڑک گاڑیوں کی رجسٹریشن اور ٹوکن ٹیکس میں چھوٹ صرف فائلر حضرات ہی حاصل کرسکیں گے، نان فائلر پر اس اسیکم کے تحت بھی ٹیکس عائد کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد سعید الیکڑک گاڑیوں ایڈیشنل ڈی جی ایکسائز پنجاب ٹوکن ٹیکس رجسٹریشن فائلر ماحول دوست محکمہ ایکسائز نان فائلر نمبر پلیٹ.ذریعہ: WE News
کلیدی لفظ: ایڈیشنل ڈی جی ایکسائز ٹوکن ٹیکس فائلر ماحول دوست محکمہ ایکسائز نان فائلر نمبر پلیٹ گاڑیوں کی رجسٹریشن ایڈیشنل ڈی جی نمبر پلیٹ
پڑھیں:
پنجاب میں احتجاج، جلسوں اور دھرنوں پر پابندی برقرار
data-id="863a0a8" data-element_type="widget" data-widget_type="theme-post-content.default">
لاہور: پنجاب میں جلسے ،جلوس، دھرنوں پر پابندی برقرار ہے،اس حوالے سے حکومت پنجاب نے صوبہ بھر میں دفعہ 144 کے نفاذ میں 7 روز کی توسیع کر دی۔
محکمہ داخلہ پنجاب کے جاری کردہ نوٹیفیکیشن کے مطابق پنجاب میں ہر قسم کے احتجاج، جلسے، جلوس، ریلیوں، دھرنوں، اجتماع اور ایسی تمام سرگرمیوں پر موجود پابندی میں ہفتہ 22 نومبر تک دفعہ 144 کے تحت توسیع کی گئی ہے۔
ترجمان محکمہ داخلہ پنجاب نے بتایا کہ دفعہ 144 کے تحت چار یا زائد افراد کے عوامی مقامات پر جمع ہونے پر مکمل پابندی ہوگی۔ اسی طرح پنجاب بھر میں ہر قسم کے اسلحہ کی نمائش پر مکمل پابندی عائد کی گئی ہے۔
پنجاب بھر میں دفعہ 144 کے تحت لاو ¿ڈ اسپیکر کے استعمال پر بھی مکمل پابندی ہے جبکہ اشتعال انگیز، نفرت آمیز یا فرقہ وارانہ مواد کی اشاعت و تقسیم پر مکمل پابندی ہے۔
ترجمان محکمہ داخلہ پنجاب نے بتایا کہ دفعہ 144 کے نفاذ میں توسیع کا فیصلہ امن و امان کے قیام، انسانی جانوں اور املاک کے تحفظ کےلیےکیا گیا۔
حکومت پنجاب نے دہشت گردی اور امن عامہ کے خدشات کے پیش نظر احکامات جاری کیے۔ ترجمان محکمہ داخلہ پنجاب نے واضح کیا کہ دفعہ 144 کے تحت پابندی کا اطلاق شادی کی تقریبات، جنازہ اور تدفین پر نہیں ہوگا۔
اسی طرح سرکاری فرائض کی انجام دہی پر موجود افسران و اہلکار اور عدالتیں پابندی سے مثتنا ہیں۔
ترجمان نے واضح کیا کہ لاو ¿ڈ ا سپیکر صرف اذان اور جمعہ کے خطبہ کےلیے استعمال کیے جا سکتے ہیں۔
انہوں نے بتایا کہ سکیورٹی خطرات کے پیش نظر عوامی جلوس و دھرنا دہشت گردوں کےلیے سافٹ ٹارگٹ ہو سکتا ہے اور شرپسند عناصر عوامی احتجاج کا فائدہ اٹھا کر اپنے مذموم عزائم کی تکمیل کےلیے ریاست مخالف سرگرمیاں کر سکتے ہیں۔
محکمہ داخلہ پنجاب نے ہفتہ 22 نومبر تک دفعہ 144 کے نفاذ میں توسیع کا نوٹیفکیشن جاری کر دیا ہے اور عوامی آگاہی کیلئے نوٹیفیکیشن کی بڑے پیمانے پر تشہیر کی ہدایت کی گئی ہے۔
پی ٹی آئی یا کالعدم ٹی ٹی پی کو پشتون عوام کا چہرہ نہیں سمجھتا: ایمل ولی