وفاقی وزیر داخلہ محسن نقوی کی سی ایم ایچ بنوں آمد، زخمی سیکیورٹی اہلکاروں کی عیادت
اشاعت کی تاریخ: 29th, June 2025 GMT
اسلام آباد:
وفاقی وزیر داخلہ محسن نقوی نے جمعرات کو سی ایم ایچ بنوں کا دورہ کیا جہاں انہوں نے شمالی وزیرستان میں فتنہ الہندوستان کے دہشتگردوں کے بزدلانہ حملے میں زخمی ہونے والے سیکیورٹی فورسز کے جوانوں کی عیادت کی۔
وزیر داخلہ نے زخمی جوانوں کے بلند حوصلے کو سراہتے ہوئے کہا کہ ’’آپ کا حوصلہ دیکھ کر دہشتگردی کے خلاف جنگ میں ہمارا عزم مزید مضبوط ہوا ہے۔‘‘ انہوں نے زخمیوں کی تفصیلی خیریت دریافت کی اور ان کی جلد صحتیابی کے لیے دعا کی۔
محسن نقوی نے زخمی جوانوں سے بات چیت کرتے ہوئے کہا، ’’آپ پاکستان کے بہادر سپوت ہیں اور آپ کا غیر معمولی جذبہ دیکھ کر ہمارا سر فخر سے بلند ہوگیا ہے۔‘‘ انہوں نے مزید کہا کہ ’’جس قوم کے پاس آپ جیسے بہادر بیٹے ہوں، اسے کوئی دشمن شکست نہیں دے سکتا۔‘‘
وزیر داخلہ نے یقین دلایا کہ پوری قوم وطن عزیز کے جری جوانوں کے ساتھ کھڑی ہے اور سب ان کی جلد صحتیابی کے لیے دعاگو ہیں۔ اس موقع پر آئی جی پولیس خیبرپختونخوا ذوالفقار حمید بھی وزیر داخلہ کے ہمراہ موجود تھے جنہوں نے زخمی اہلکاروں سے ملاقات کی اور ان کی خدمات کو سراہا۔
یاد رہے کہ شمالی وزیرستان میں حالیہ دہشتگرد حملے میں سیکیورٹی فورسز کے کئی اہلکار زخمی ہوئے تھے۔ وزیر داخلہ کا یہ دورہ زخمی جوانوں کی حوصلہ افزائی اور انہیں قومی حمایت کا یقین دلانے کے لیے اہم اقدام ہے۔
.
ذریعہ: Express News
کلیدی لفظ: وزیر داخلہ
پڑھیں:
کیا محسن نقوی وزیراعظم بننے کے خواہش مند ہیں؟ اسحاق ڈار نے بتا دیا
لاہور(نیوز ڈیسک) لاہور میں حضرت علی ہجویریؒ کے عرس کے موقع پر میڈیا سے گفتگو کرتے ہوئے نائب وزیراعظم اور وزیر خارجہ سینیٹر اسحاق ڈار نے واضح کیا کہ فیلڈ مارشل سید عاصم منیر کے صدر اور محسن نقوی کے وزیراعظم بننے کی خبروں میں کوئی حقیقت نہیں۔ ان کا کہنا تھا کہ ایسی افواہیں ملک میں غیر ضروری الجھن پیدا کرتی ہیں اور جب تک کوئی بات ثابت نہ ہو اسے پھیلانا مناسب نہیں۔
اسحاق ڈار نے کہا کہ حکومت معمول کے مطابق کام کر رہی ہے اور اپنی آئینی مدت مکمل کرے گی۔ معیشت میں بہتری آرہی ہے، سفارتی محاذ پر بھی پاکستان کو کامیابیاں مل رہی ہیں اور ملک ترقی کی سمت بڑھ رہا ہے۔ ان کے مطابق پاکستان کو دنیا میں ایک مضبوط اسلامی قلعہ کے طور پر ابھرنے تک یہ سفر جاری رہے گا اور اب اس سفر کی رفتار تیز کرنا ضروری ہے۔
انہوں نے معرکہ حق کو پاکستان کی سب سے بڑی کامیابی قرار دیتے ہوئے کہا کہ 22 اپریل کو شروع ہونے والے اس معاملے کی اصل لڑائی 6 مئی کی رات سے 10 مئی کی صبح تک جاری رہی، جس میں فضا، خشکی اور سمندر ہر محاذ پر پاکستان کو عزت اور فتح ملی۔
پی ٹی آئی قیادت کے خلاف مقدمات پر سوال کے جواب میں اسحاق ڈار نے کہا کہ ریاست اور اداروں کے خلاف ہتھیار اٹھانا بغاوت کے زمرے میں آتا ہے اور اس پر قانونی کارروائی ناگزیر ہے۔ ان کا کہنا تھا کہ یہ مقدمات موجودہ حکومت نے درج نہیں کیے اور نہ ہی کسی کو ایسا جواز فراہم کیا، عدالتیں جو فیصلہ کریں گی وہی حتمی ہوگا۔
Post Views: 3
عظمیٰ بخاری کا پی ٹی آئی احتجاج پر طنز، ‘ٹریفک کے ساتھ ویڈیو بنانے کے بجائے لاکھوں کارکن دکھاؤ’