ریسکیو ٹیم موقع پر 15 منٹ میں پہنچ گئی تھی لیکن وقت کم اور پانی کا بہاؤ بہت تیز تھا: ڈی جی ریسکیو کے پی کے
اشاعت کی تاریخ: 29th, June 2025 GMT
سوات (ڈیلی پاکستان آن لائن )سوات میں پیش آنے والے افسوسناک واقعہ پر ڈی جی ریسکیو خیبر پختونخوا 1122 شاہ فہد نے سماء نیوز کے پروگرام میں گفتگو کرتے ہوئے کہاہے کہ ہماری ٹیمیں 15 منٹ میں موقع پر پہنچ گئیں تھیں لیکن پانی کا بہاؤ بہت تیز تھا اور وقت بہت کم، جس کی وجہ سے صرف 3 لوگوں کو بچایا جا سکا، ہم نے ہیلی کاپٹر طلب نہیں کیا ، اگر پی ڈی ایم اے نے کیو ہو تو مجھے اس کا علم نہیں ۔
تفصیلات کے مطابق شاہ فہد کا کہناتھا کہ میں خود بھی سوات میں آیاہوں، اور اس جگہ کا دورہ کیا، سسٹم میں کالز کا ریکارڈ دیکھا تو پتا چلا کہ پہلی کا 9 بج کر 49 منٹ پر آئی ہے جس کے بعد ایمبولینس 9 بج کر 56 منٹ پر پہنچی کیونکہ اطلاع ایسے آئی تھی کہ ہوٹل میں لوگ پھنسے ہوئے ہیں، کال آپریٹرز پر سمجھے کہ وہاں پر شائد کوئی میڈیکل ایمرجنسی ہے ، اس لیئے ایمبولنس بھیجی گئی ، وہاں پہنچے تو پتا چلا کہ واٹر ریسکیو ہے ، تو پھر واٹر ریسکیو کی گاڑی بھیجی گئی ، اس گاڑی کو پہنچنے میں پندرہ سے 20 منٹ لگے ، بارش بھی تھی اور واٹر ریسکیو بھاری گاڑی ہوتی ہے تو اسے پہنچنے میں وقت لگ جاتاہے ، جب وہ پہنچے اور آپریشن شروع کیا ، اس وقت پانی کا بہاو بہت تیز تھا۔ ہماری ربر بوٹس اس دریا میں استعمال نہیں ہو سکتی ، اس میں ریسکیو والوں کی زندگی خطرے میں پڑ جاتی ہے ، لوکل ٹیوبز جو بنائی جاتی ہیں ، ہم نے اسے استعمال کرتے ہوئے ریسکیو آپریشن شروع کیا، وقت کم تھا اور پانی کے ریلے کی رفتار بہت زیادہ تھی ، باقی لوگ پانی میں بہہ چکے تھے ، وہاں پر 4 لوگ موجود تھے ، ان میں سے 3 لوگوں کو بچایا گیا، وقت کم تھا، بدقسمتی سے کم وقت کی وجہ اور پانی کے بہاو کی تیزی کی وجہ سے مزید جانیں نہیں بچائے جا سکیں۔
صدر مملکت نے اسلام آبادہائیکورٹ ججز کی سنیارٹی سے متعلق فیصلہ جاری کر دیا
شاہ فہد کا کہناتھا کہ ہماری ٹیمیں وقت پر پہنچ گئیں تھی اور وہاں پر موجود تھیں، ہمارے پاس چھ سے آٹھ سٹیشن ہیں ، وہاں پر بوٹس ہوتی ہیں، کشتی کا مسئلہ نہیں تھا، وقت بہت کم تھا، سوات ڈسٹرکٹ میں ہمارے پاس 5 ڈائیورز ہیں ، وہ مختلف سٹیشنز پر تعینات ہیں جبکہ مقامی لوگ بھی موجود ہوتے ہیں جو امدادی کاموں میں حصہ لیتے ہیں، پانی کا بہاو بہت تیز تھا اور وقت بہت کم تھا، ،اگر ہیلی کاپٹر سے بھی ریسکیو کرنے کی کوشش کرتے تو اس میں وقت لگنا تھا۔ہماری طرف سے ہیلی کاپٹر کی درخواست نہیں کی گئی تھی ۔ فلیش فلڈ کا اندازہ کوئی بھی نہیں لگا سکتا ہے ، اس کی رفتار بہت زیادہ ہوتی ہے ، مقامی طور پر جتنی بھی کوششیں ہو سکتی تھیں وہ کی گئیں تھیں، پی ڈی ایم اے کی طرف سے ہو سکتا ہے کہ ہیلی کاپٹر کی درخواست کی گئی ہو لیکن مجھے اس کا پتا نہیں ہے ۔
ربیکا خان کے حق مہر نے بڑا تنازعہ کھڑا کردیا
مزید :.ذریعہ: Daily Pakistan
کلیدی لفظ: پانی کا بہاو بہت تیز تھا ہیلی کاپٹر وہاں پر کم تھا
پڑھیں:
جنگ مسلط کی گئی تو مودی کو بتا دیں گے، ہم جھکنے والے نہیں، بلاول بھٹو
بھٹ شاہ: چیئرمین پاکستان پیپلزپارٹی بلاول بھٹو زرداری نے ایک بار پھر بھارت کو سخت پیغام دیتے ہوئے کہا ہے کہ اگر جنگ مسلط کی گئی تو مودی حکومت کو بتا دیں گے کہ پاکستانی قوم جھکنے والی نہیں ہے۔
**شاہ عبد الطیف بھٹائیؒ کے عرس کی تقریب سے خطاب کرتے ہوئے بلاول نے کہا کہ بھارت نے پاکستان پر رات کے اندھیرے میں جنگ مسلط کی، لیکن پاکستان نے جس دلیری اور حکمت سے جواب دیا، وہ تاریخ کا حصہ بن چکا ہے۔
پاکستان نے جنگ شروع نہیں کی، لیکن ختم ضرور کی
انہوں نے کہا کہ پاکستانیوں کے لیے یہ فخر کی بات ہے کہ ہم نے کبھی جنگ کا آغاز نہیں کیا، لیکن جب بھی جنگ ہم پر تھوپی گئی، ہم نے اسے عزت اور جرات سے ختم کیا۔ بلاول نے الزام لگایا کہ عبرتناک شکست کے بعد بھارت نے ایک اور بزدلانہ قدم اٹھاتے ہوئے پاکستان کے پانی پر حملہ کیا ہے۔
سندھ طاس معاہدے کی معطلی، سندھو پر سب سے بڑا حملہ
چیئرمین پیپلزپارٹی نے کہا کہ بھارت کی طرف سے سندھ طاس معاہدے کو معطل کرنا سندھو دریا پر تاریخ کا سب سے سنگین حملہ ہے۔ ان کا کہنا تھا کہ یہ صرف پانی کا مسئلہ نہیں، بلکہ یہ ہماری تاریخ، ثقافت اور بقاء پر حملہ ہے۔
کوئی سوچ بھی نہیں سکتا تھا کہ مودی حکومت سندھو کا پانی روکنے یا ڈیم بنانے کی دھمکی دے گی، لیکن ہم خاموش نہیں بیٹھیں گے۔
عوام میں طاقت ہے، ہم اپنے دریا واپس لے سکتے ہیں
بلاول بھٹو نے کہا کہ پاکستانی عوام میں اتنی طاقت، ہمت اور اتحاد ہے کہ اگر بھارت باز نہ آیا تو ہم اپنے چھ کے چھ دریا واپس لے لیں گے۔ انہوں نے کہا کہ پاکستان نے عالمی سطح پر سفارتی مہم کے ذریعے دنیا کو بھارت کی آبی جارحیت سے آگاہ کیا ہے۔
پانی ہماری زندگی کی لکیر ہے، کوئی سمجھوتہ نہیں ہوگا
بلاول بھٹو نے واضح کیا کہ پانی 24 کروڑ پاکستانیوں کی لائف لائن ہے، اور اس پر کوئی سمجھوتہ نہیں کیا جائے گا۔ انہوں نے کہا کہ بھارت کی آبی جارحیت کے خلاف پاکستان دنیا بھر میں اپنی آواز بلند کرتا رہے گا۔
Post Views: 6
صدرمملکت سے یورپی یونین کے سفارتی مشن کی سبکدوش ڈاکٹر رینا کیونکا کی ملاقات، دوطرفہ تعلقات پر گفتگو