حب ڈیم سے پراجیکٹ افتتاح، کراچی کوابتدائی طورپر40 ایم جی ڈی پانی فراہم ہوگا، وزیراعلیٰ
اشاعت کی تاریخ: 13th, August 2025 GMT
کراچی:
وزیراعلیٰ سندھ مرادی علی شاہ نے کہا ہے ہک حب ڈیم سے پانی کے پراجیکٹ کا افتتاح کردیا گیا ہے اور ابتدائی طور پر کراچی کو 40 ایم جی ڈی پانی فراہم ہوگا اور سال کے آخر تک پانی کی سپلائی 140 ایم جی ڈی ہوگی۔
وزیراعلیٰ سندھ مراد علی شاہ نے کراچی چیمبر آف کامرس میں جشن آزادی معرکہ حق کی تقریب سے خطاب کرتے ہوئے کہا کہ میں تمام محب وطن پاکستانیوں کو وطن عزیز کے 78 ویں جشن آزادی کے موقع پر دل کی گہرائیوں سے مبارک باد پیش کرتا ہوں۔
انہوں نے کہا کہ پاکستان بڑی جدوجہد اور قربانیوں کے بعدحاصل ہوا ہے، آج کا دن ان قربانیوں اور جدوجہد کو اپنے دلوں میں زندہ رکھنے کے عزم کا دن ہے، آج یہاں آپ کے درمیان موجود ہونا میرے لیے بڑے اعزاز کی بات ہے۔
ان کا کہنا تھا کہ یہ عمارت ہمارے تجارتی ورثے، عزم اور اس شہر کی معاشی دھڑکن کی علامت ہے، میں اس موقع پر کراچی چیمبر کو بھی مبارکباد پیش کرتا ہوں، جنہوں نے اس عظیم ورثے کی تزئین وآرائش انتہائی محنت اور مہارت سے انجام دی ہے، آج بھی یہ عمارت اپنی اصل شکل لیے ہوئے ہے اور یہ عمارت نہ صرف ایک کاروباری مرکز بلکہ شہر کا آرکیٹکچرل فخر بھی ہے۔
مراد علی شاہ نے کہا کہ ہم جشنِ آزادی کو معرکہ حق کے نام سے منا رہے ہیں، معرکہ حق ایک پیغام ہے کہ پاکستان کا قیام حق کی جدوجہد کا نتیجہ ہے، معرکہ حق ہمیں معاشی، سماجی اور سیاسی چیلنجز کے باوجودحق، انصاف اور رترقی کی راہ پر قائم رہنے کا درس دیتا ہے۔
انہوں نے کہا کہ تاجر برادری بالخصوص کراچی چیمبر معرکہ حق کا حقیقی نمونہ ہے، تمام تر مشکلات کے باوجود تاجر برادری ملکی معیشت کا پہیہ چلاتی ہے، یہ سب قومی خدمت کے جذبے میں آتا ہے، کےسی سی آئی ہمیشہ حکومت سندھ کے ساتھ تعمیری تعاون کرتی رہی ہے۔
ان کا کہنا تھا کہ ایک مضبوط معیشت ہی ایک مضبوط پاکستان کی ضمانت ہے، ہمیں صوبے کی خوش حالی کے لیے مل کر کام کرنا ہے، پاکستان کو مضبوط بنائیں گے، پاکستان ایک زرعی ملک ہے، زراعت کی ترقی کے ساتھ صنعتی ترقی کو بھی فروغ دینا ضروری ہے۔
وزیراعلیٰ سندھ نے کہا کہ آج ہم یہاں ایک خوش حال اور باوقار پاکستان کی تشکیل یقینی بنانے کا عہد کرتے ہیں، بھارت کو ہماری پاک افواج نے شکستِ فاش دے کر ان کو بتایا کہ ہم اپنے وطن کی حفاظت کرنا جانتے ہیں۔
اس موقع پر وزیراعلیٰ سندھ مراد علی شاہ نے کراچی چیمبر کے اطراف کی عمارتوں کو ٹھیک کرنے کا اعلان کیا اور کہا کہ کے ایم سی نے جوڑیا بازار کی تمام آس پاس کی سڑکیں ٹھیک کردی ہیں۔
کراچی میں پانی کے مسئلے پر بات کرتے ہوئے انہوں نے کہا کہ بلاول بھٹو نے آج حب نہر سے 100ایم جی ڈی پانی کے پراجیکٹ کا افتتاح کر دیا ہے، ابتدائی طور پر کراچی کو 40ایم جی ڈی پانی کی سپلائی ہوگی۔
انہوں نے کہا کہ اس سال کے آخر تک شہر کو 100ایم جی ڈی کے ساتھ 140ایم جی ڈی پانی کی سپلائی ہوگی، کے فور پراجیکٹ تاخیر کا شکار ہوا جسے پایہ تکمیل تک پہنچا رہے ہیں اور سمندر کے پانی کی بھی ٹریٹمنٹ کرکے صنعتی استعمال میں لایا جائے گا۔
.
ذریعہ
ذریعہ: Express News
کلیدی لفظ: انہوں نے کہا کہ ایم جی ڈی پانی کراچی چیمبر علی شاہ نے معرکہ حق پانی کی
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار