کراچی میں مطلع جزوی ابر آلود، اتوار کو ہلکی بارش کا امکان
اشاعت کی تاریخ: 29th, June 2025 GMT
شہر میں 58 ملی میٹر سے زائد بارش کا سبب بننے والا سسٹم کمزور پڑ گیا۔ اسلام ٹائمز۔ شہر قائد میں گزشتہ دو روز کی بارشوں کے بعد اتوار کو مطلع جزوی ابرآلود ہے، جبکہ ہلکی بارش کا امکان ہے۔ محکمہ موسمیات کے مطابق شہر میں 58 ملی میٹر سے زائد بارش کا سبب بننے والا سسٹم کمزور پڑ گیا، اتوار کو شہر میں ہلکی بارش اور کل بوندا باندی کا امکان رہے گا۔ سسٹم کے اثرات کے نتیجے میں اگلے چند روز تک مطلع جزوی اور مکمل ابرآلود رہ سکتا ہے۔ آئندہ 24 گھنٹوں کے دوران ہوا میں نمی کا تناسب 65 سے 85 فیصد رہنے کا امکان، جس کے سبب درجہ حرارت 6 سے 8 ڈگری سینٹی گریڈ زیادہ محسوس کیا جا رہا ہے۔ شہر کا اتوار کو زیادہ سے زیادہ درجہ حرارت 32 ڈگری سینٹی گریڈ رہنے کا امکان ہے، جبکہ گزشتہ روز زیادہ سے زیادہ درجہ حرارت 30 ڈگری سینٹی گریڈ ریکارڈ ہوا تھا۔
.ذریعہ: Islam Times
کلیدی لفظ: کا امکان اتوار کو بارش کا
پڑھیں:
کراچی کے مختلف علاقوں میں ہلکی اور تیز بارش، موسم خوشگوار ہوگیا
data-id="863a0a8" data-element_type="widget" data-widget_type="theme-post-content.default">
شہر قائد ایک بار پھر بادلوں کی آغوش میں ہے اور مختلف علاقوں میں وقفے وقفے سے ہونے والی بارش نے موسم کو خوشگوار بنا دیا ہے۔
ہفتے کی صبح سویرے ہلکی بوندا باندی کا آغاز ہوا، جو کچھ دیر بعد تیز بارش میں تبدیل ہوگیا اور شہریوں نے موسم کے اس خوشگوار رنگ سے لطف اٹھایا۔
بارش کا یہ سلسلہ آئی آئی چندریگر روڈ، اولڈ سٹی ایریا، ملیر، شاہراہ فیصل، صفورہ گوٹھ، قیوم آباد، گلشن اقبال، سرجانی ٹاؤن اور نارتھ کراچی سمیت مختلف علاقوں میں ریکارڈ کیا گیا۔ ان علاقوں میں بادلوں کی گھن گرج اور بارش نے گرمی کا زور توڑ دیا۔
جمعرات کی شب ہونے والی بارش نے موسم کو خنک کر دیا تھا، جس کا اثر جمعہ بھر محسوس کیا گیا اور ہفتے کو بھی یہی خوشگوار فضا چھائی رہی۔
محکمہ موسمیات کے مطابق کراچی میں آج بھی مطلع ابر آلود رہے گا اور مغربی سسٹم کے باعث 29 جون تک شہر میں بارش کا سلسلہ وقفے وقفے سے جاری رہنے کی پیشگوئی ہے۔ ماہرین کے مطابق دن کے اوقات میں گرج چمک کے ساتھ بارش کا امکان ہے۔
شہر کا موجودہ درجہ حرارت 28 ڈگری سینٹی گریڈ ریکارڈ کیا گیا ہے، تاہم ہوا میں نمی کی بلند شرح کے باعث گرمی کی شدت 35 ڈگری تک محسوس کی جا رہی ہے۔ دن کے دوران زیادہ سے زیادہ درجہ حرارت 31 ڈگری سینٹی گریڈ تک جا سکتا ہے، جبکہ شمال مشرقی سمت سے ہوائیں 10 کلومیٹر فی گھنٹہ کی رفتار سے چل رہی ہیں اور ہوا میں نمی کا تناسب 90 فیصد ہے۔
بارش سے جہاں شہریوں کے چہروں پر خوشی کی لہر دوڑ گئی ہے، وہیں نشیبی علاقوں میں پانی جمع ہونے کے خدشات بھی موجود ہیں۔ شہریوں کو احتیاط برتنے کی ہدایت کی گئی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی