واٹس ایپ کا نیا فیچر، اب دستاویزات اسکین کرنا ہوا اور بھی آسان
اشاعت کی تاریخ: 29th, June 2025 GMT
اسلام آباد(ویب ڈیسک ) واٹس ایپ نے صارفین کی سہولت کے لیے ایک نیا اور مفید فیچر متعارف کروا دیا ہے، جس کی مدد سے اب اینڈرائیڈ صارفین ایپ کے اندر رہتے ہوئے ہی کسی بھی دستاویز کو اسکین کر کے فوراً شیئر کر سکیں گے۔
یہ فیچر پہلے آئی فون صارفین کے لیے دستیاب تھا، لیکن اب واٹس ایپ اسے اینڈرائیڈ کے لیے بھی لا رہا ہے۔
WABetaInfo کے مطابق یہ فیچر واٹس ایپ کے بیٹا ورژن میں متعارف کروایا گیا ہے اور فی الحال محدود صارفین کو دستیاب ہے۔
نئے فیچر کا نام ” اسکین ڈاکومنٹ” ہوگا، جو دستاویزات شیئر کرنے والے مینیو میں شامل کیا جائے گا۔ اس آپشن کو منتخب کرنے پر صارف کا کیمرہ فعال ہو جائے گا، جس سے وہ براہِ راست کاغذی دستاویزات کو اسکین کر سکیں گے۔
اسکین کرنے کے بعد صارفین کو پریویو دکھایا جائے گا، جہاں وہ ایڈجسٹمنٹ بھی کر سکیں گے۔ ایپ خودکار طریقے سے مارجن تجویز کرے گی، تاہم صارفین اپنی مرضی سے تبدیلیاں بھی کر سکتے ہیں۔
واٹس ایپ کے مطابق یہ فیچر اعلیٰ معیار کی اسکیننگ فراہم کرے گا، تاکہ اسکین کی گئی دستاویزات بآسانی پڑھی جا سکیں۔ اسکین مکمل ہونے کے بعد اسے کسی بھی انفرادی یا گروپ چیٹ میں فوری بھیجا جا سکے گا۔
مزیدپڑھیں:شیفالی جریوالا کی آخری پوسٹ ، سدھارتھ شکلا کو یاد کرتے کیا لکھا؟
ذریعہ: Daily Ausaf
پڑھیں:
پنجاب؛ سوشل سکیورٹی اسپتالوں میں شام کی شفٹ میں علاج کی سہولیات کا آغاز
لاہور:پنجاب بھر میں سوشل سکیورٹی اسپتالوں میں یکم جولائی سے شام کی شفٹ شروع کرنے کا فیصلہ کیا گیا ہے، جس کا مقصد محنت کش طبقے کو مزید سہولت فراہم کرنا ہے۔
صوبائی حکومت کے اس اقدام کے تحت لاہور میں واقع نواز شریف سوشل سکیورٹی اسپتال سمیت دیگر اہم شہروں کے اسپتال شام کے اوقات میں بھی مکمل طور پر فعال رہیں گے۔
ابتدائی مرحلے میں لاہور، فیصل آباد، اسلام آباد، ملتان، شاہدرہ اور گجرانوالہ کے سوشل سکیورٹی اسپتالوں میں شام کی او پی ڈی کا آغاز کیا جا رہا ہے۔ شام کی شفٹ میں مریضوں کو میڈیسن، سرجری، گائنی، ریڈیالوجی، ڈینٹل اور فزیو تھراپی جیسی بنیادی اور اہم طبی سہولیات میسر ہوں گی۔ او پی ڈی میں سینئر کنسلٹنٹ اور ماہر ڈاکٹرز مریضوں کا معائنہ کریں گے۔
اس اقدام سے محنت کشوں اور ان کے اہل خانہ کو بڑی سہولت میسر آئے گی، جو اب دن کے وقت کام سے چھٹی لیے بغیر شام میں بھی اپنا چیک اپ کروا سکیں گے۔ اس سے نہ صرف ان کے روزگار کا نقصان نہیں ہو گا بلکہ علاج کی سہولت بھی باآسانی دستیاب ہو گی۔
اداروں اور آجرین کے لیے بھی یہ فیصلہ خوش آئند ہے، کیونکہ انہیں عملے کی غیر حاضری جیسے مسائل کا سامنا نہیں کرنا پڑے گا اور ملازمین اپنی طبی ضروریات شام کے وقت پوری کر سکیں گے، جس سے اداروں کی کارکردگی بھی متاثر نہیں ہو گی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی