آیت اللہ خامنہ ای کی شان میں گستاخی امت مسلمہ کیلئے ناقابل برداشت ہے، علامہ مقصود ڈومکی
اشاعت کی تاریخ: 2nd, July 2025 GMT
جیکب آباد میں مجلس عزاء سے خطاب کرتے ہوئے علامہ مقصود ڈومکی نے کہا کہ امت مسلمہ کو ناصبی فکر سے بچنے کیلئے ذکر اہل بیت (ع) اور ذکرِ امام حسین علیہ السلام کے اجتماعات میں بھرپور شرکت کرنی چاہئے۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ رہبر معظم آیت اللہ سید علی خامنہ ای نائب امام اور پورے عالمِ اسلام کے رہبر و رہنماء ہیں۔ ان کی شان میں گستاخی امت مسلمہ کے لئے ناقابل برداشت ہے۔ ان خیالات کا اظہار انہوں نے سول ہسپتال روڈ جیکب آباد پر منعقدہ سالانہ مجلسِ عزاء سے خطاب کرتے ہوئے کیا۔ ایم ڈبلیو ایم رہنماء علامہ مقصود علی ڈومکی نے کہا کہ آل محمد صلی اللہ علیہ وآلہ وسلم سے محبت ایمان کی علامت ہے، جبکہ آل محمد (ص) سے بغض اور دشمنی نفاق کی نشانی ہے۔ نواسۂ رسول امام حسین علیہ السلام سے عداوت رکھنے والے آج بھی وقتاً فوقتاً اپنے باطنی ناپاک خیالات کا اظہار کرتے رہتے ہیں۔ انہوں نے کہا کہ امت مسلمہ کو ناصبی فکر سے بچنے کے لئے ذکر اہل بیت (ع) اور ذکرِ امام حسین علیہ السلام کے اجتماعات میں بھرپور شرکت کرنی چاہئے کیونکہ امام حسین (ع) کشتیٔ نجات اور شمع ہدایت ہیں، اور ان کی مجالس اور جلوس امت کی ہدایت و اصلاح کا ذریعہ ہیں۔
علامہ مقصود علی ڈومکی نے پنجاب کے مختلف اضلاع میں مجالس عزاء کے خلاف درج ہونے والے مقدمات کی شدید مذمت کرتے ہوئے کہا پنجاب حکومت کی ذکر امام حسین علیہ السلام سے دشمنی اور بغض کا رویہ پوری قوم دیکھ رہی ہے، اور اس پر شدید عوامی ردعمل آئے گا۔ ذکر امام حسین (ع) کو جرم قرار دینے والے اپنے کردار اور افکار پر شرم کریں۔ انہوں نے کہا کہ ذکر امام حسین (ع) افضل ترین عبادت ہے اور اس عبادت پر ایف آئی آر درج کرنا نہایت افسوسناک اور شرمناک عمل ہے۔ اس موقع پر انہوں نے رہبر معظم آیت اللہ سید علی خامنہ ای کی شان میں کی جانے والی امریکی و اسرائیلی ہرزہ سرائی کی سخت الفاظ میں مذمت کرتے ہوئے کہا کہ رہبر معظم آیت اللہ خامنہ ای نائبِ امام اور پورے عالم اسلام کے رہبر و رہنماء ہیں۔ ان کی شان میں گستاخی امت مسلمہ کے لئے ناقابل برداشت ہے، اور ہم مراجع کرام و مجتہدین عظام کی قیادت میں اس کی پرزور مذمت کرتے ہیں۔
ذریعہ: Islam Times
کلیدی لفظ: امام حسین علیہ السلام علامہ مقصود کی شان میں کرتے ہوئے نے کہا کہ آیت اللہ ڈومکی نے خامنہ ای انہوں نے
پڑھیں:
کراچی، فلسطین فاؤنڈیشن کے تحت صمود فلوٹیلا پر اسرائیلی حملے کیخلاف احتجاجی مظاہرہ، ویڈیو
اسلام ٹائمز: احتجاجی مظاہرے سے اسد اللہ بھٹو، ڈاکٹر معراج الہدیٰ، میجر (ر) قمر عباس، ارشد نقوی، علامہ عقیل انجم قادری، علامہ قاضی احمد نورانی، پیر ازہر ہمدانی، محمد حسین محنتی، علامہ صادق جعفری، علامہ مبشر حسن، فیصل بلوچ، یونس بونیری، ارم بٹ، حمزہ نقوی، پاسٹر ایمانوئیل، حسیب جمالی، جمشید حسین اور ڈاکٹر صابر ابو مریم و دیگر نے خطاب کیا۔ متعلقہ فائیلیںرپورٹ: سید ظفر جعفری
فلسطین فاؤنڈیشن پاکستان کے زیر اہتمام کراچی پریس کلب کے سامنے صمود فلوٹیلا پر اسرائیلی حملے اور جارحیت کے خلاف احتجاجی مظاہرہ کیا گیا، جس میں سینکڑوں مرد و خواتین نے شرکت کی۔مظاہرین نے ہاتھوں میں پلے کارڈز اور بینرز اٹھا رکھے تھے، جن پر صمود فلوٹیلا کی حمایت میں نعرے درج تھے۔ احتجاجی مظاہرے سے مختلف سیاسی و مذہبی جماعتوں کے قائدین سمیت سول سوسائٹی اور انسانی حقوق کے نمائندوں بشمول ملی یکجہتی کونسل سندھ کے صدر اسد اللہ بھٹو، جماعت اسلامی کے مرکزی رہنما ڈاکٹر معراج الہدیٰ صدیقی، سابق رکن سندھ اسمبلی میجر (ر) قمر عباس، پاکستان پیپلز پارٹی کے رہنما ارشد نقوی، جمعت علماء پاکستان کے مرکزی رہنما علامہ عقیل انجم قادری، علامہ قاضی احمد نورانی، پاکستان مسلم لیگ نواز کے رہنما پیر ازہر علی شاہ ہمدانی، سابق رکن قومی اسمبلی محمد حسین محنتی، مجلس وحدت مسلمین کراچی کے صدر علامہ صادق جعفری، علامہ مبشر حسن، مرکزی مسلم لیگ کے رہنما فیصل بلوچ، عوامی نیشنل پارٹی کے رہنما یونس بونیری، پاکستان تحریک انصاف کی رہنما ارم بٹ، پاکستان نظریاتی پارٹی کے حمزہ نقوی، مسیحی رہنما پاسٹر ایمانوئیل، وکلاء رہنما حسیب جمالی، ہیومن رائٹس کونسل آف پاکستان کے جمشید حسین اور فلسطین فاؤنڈیشن پاکستان کے سیکرٹری جنرل ڈاکٹر صابر ابو مریم نے خطاب کیا۔
مقررین نے کہا کہ ٹرمپ پلان کو مسترد کرتے ہیں اور فلسطین کا مستقل فلسطینیوں کو طے کرنا چاہئیے، امریکا کو یہ حق حاصل نہیں ہے کہ امن کے نام پر فلسطین پر اسرائیلی قبضہ کو مسلط کرے، فلسطین ہمیشہ فلسطینوں کا تھا اور ہے، اسرائیل ایک غاصب اور ناجائز ریاست ہے۔ رہنماؤں نے صمود فلوٹیلا پر اسرائیلی جارحیت کی شدید مذمت کی اور کہا کہ دنیا بھر کی حکومتوں اور خاص طور پر اسلامی و عرب حکومتوں کو چاہئیے کہ غزہ کے دفاع کیلئے مشترکہ حکمت عملی کا تعین کریں اور غزہ کا محاصرہ توڑنے کیلئے عملی اقدمات کریں۔ مقررین نے امریکی صدر ٹرمپ کے امن پلان کو فلسطین دشمن پلان قرار دیتے ہوئے وزیراعظم شہباز شریف کی جانب سے پلان کی حمایت پر کڑی تنقید کرتے ہوئے وزیراعظم سے مطالبہ کیا کہ وہ اپنے بیان کو واپس لیں۔ مقررین نے حکومتِ پاکستان سے مطالبہ کیا کہ فلسطین کاز کی حمایت میں بابائے قوم قائداعظم محمد علی جناحؒ اور علامہ اقبالؒ کے مؤقف کی تجدید کی جائے۔ اس موقع پر شرکاء نے امریکا مردہ باد، اسرائیل نامنظور اور فلسطین کی آزادی کے نعرے لگائے۔ مظاہرے میں عبدالوحید یونس، یاور عباس، ابراہیم چترالی، اعجاز فضل، مفتی محمد سعید، فروا حسن، نسرین حسین، جبین عالم، فرید میمن، قاضی زاہد حسین سمیت دیگر شخصیات بھی موجود تھے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ