بابر اعظم اور محمد رضوان کو گیم میں بہتری لانے کی ٹپس دی ہیں، ڈائریکٹر ہائی پرفارمنس سینٹر عاقب جاوید
اشاعت کی تاریخ: 4th, July 2025 GMT
لاہور(ڈیلی پاکستان آن لائن)ڈائریکٹر ہائی پرفارمنس سینٹر اور سابق ٹیسٹ فاسٹ باؤلر عاقب جاوید نے کہا ہے کہ سابق کپتان بابر اعظم اور محمد رضوان کو پیغام دیا ہےکہ اُن سے کہاں بہتری درکار ہے، دونوں سینئر کھلاڑی ہیں، انہیں بتا دیا گیا ہے کہ اگر کوئی کمی ہے تو اُسے کیسے بہتر بنایا جا سکتا ہے۔
ڈائریکٹر پی سی بی ہائی پرفارمنس سینٹر عاقب جاوید نے لاہور میں میڈیا سے گفتگو کرتے ہوئے کہا ہے کہ قومی کھلاڑیوں کے لیے 3 اسکلز ڈیولپمنٹ کیمپس کا انعقاد کیا گیا، 6 روزہ کیمپ میں کھلاڑیوں کی تمام غلطیوں پر قابو پایا نہیں جاسکتا تاہم کوچز نے اس دوران کچھ چیزوں کو بہتر بنانےکی کوشش کی ہے۔انہوں نےکہا کہ پاکستان کے پاس ٹیسٹ چیمپئن شپ 27-2025 کے نئے سائیکل میں ٹاپ پوزیشن پر آنے کے چانسز موجود ہیں، جنوبی افریقہ کے رواں برس شیڈول دورہ پاکستان میں چیلنچ درپیش ہوگا تاہم ہمارا مقصد صرف یہ ہے کہ کیسے فتح حاصل کی جائے، ہوم کنڈیشنز کا بھرپور فائدہ اٹھانے کی کوشش کریں گے۔
شہبازشریف کی صدرطیب ایردوان سے ملاقات، اہم علاقائی پیش رفت پر تبادلہ خیال کیا
عاقب جاوید نے مزید کہا کہ قومی ٹیم کی تینوں فارمیٹس میں کنڈیشن اچھی نہیں، اس لیے ہم کسی بھی سیریز کو لائٹ نہیں لے سکتے، جو کھلاڑی فٹ نہیں ہیں انہیں بتا دیا ہےکہ کہاں غلطیاں ہوئیں ہیں، نسیم شاہ پہلے ان فٹ ہوئے تھے لیکن اب وہ باقاعدگی سے بولنگ کروا رہے ہیں، وسیم جونیئر نے بھی انجری سے نجات حاصل کرتے ہوئے بولنگ شروع کر دی ہے۔ایک سوال کے جواب میں ڈائریکٹر ہائی پرفارمنس سینٹر نےکہا کہ پاکستان کی جولائی اگست میں 2 ٹی 20 سیریز بنگہ دیش اور ویسٹ کیخلاف شیڈول ہیں، دونوں سیریز میں مختلف آپشنز کا استعمال کریں گے، فاسٹ باؤلر حارث رؤف بھی دونوں سیریز کے دوران ایکشن میں دکھائی دیں گے۔عاقب جاوید نے ایشیا کپ 2025 کے حوالے سے کہا کہ رواں برس شیڈول ایونٹ کا انعقاد دبئی میں ہونے کا امکان ہے، ایشیا کپ میں کوئی ٹیم فیورٹ نہیں، تمام ایشیائی ٹیموں کو ہی کنڈیشنز کا علم ہوتا ہے، دبئی کی کنڈیشن کے مطابق تیاری کرنے کی کوشش کریں گے۔
سافٹ ویئر اپ ڈیٹ ، ٹک ٹاکر کاشف ضمیر نے ہتھیاروں کی نمائش پر عوام سے معافی مانگ لی
مزید :.
ذریعہ
ذریعہ: Daily Pakistan
کلیدی لفظ: ہائی پرفارمنس سینٹر عاقب جاوید نے کہا کہ
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ