نئی دہلی: پاکستانی ہائی کمیشن میں یوم آزادی کی تقریب، پرچم کشائی کی گئی
اشاعت کی تاریخ: 14th, August 2025 GMT
بھارت کے دارالحکومت نئی دہلی میں پاکستان کے 78ویں یومِ آزادی کی مناسبت سے پاکستانی ہائی کمیشن میں ایک پروقار پرچم کشائی کی تقریب منعقد ہوئی۔
تقریب میں پاکستان کے ناظم الامور سعد احمد وڑائچ نے قومی پرچم بلند کیا، جبکہ ہائی کمیشن کے افسران، عملے اور ان کے اہل خانہ نے شرکت کی۔
The High Commission for Pakistan, New Delhi celebrated the 78th anniversary of Pakistan’s Independence, today.
— Pakistan High Commission India (@PakinIndia) August 14, 2025
اس موقع پر صدرِ مملکت آصف زرداری، وزیرِاعظم شہباز شریف، نائب وزیراعظم اور وزیرِ خارجہ کے خصوصی پیغامات بھی حاضرین کو پڑھ کر سنائے گئے۔
ناظم الامور سعد احمد وڑائچ نے تقریب سے خطاب میں کہاکہ قائداعظم محمد علی جناح کی مدبرانہ قیادت میں برصغیر کے مسلمانوں نے آزادی کے لیے تاریخ کا رخ موڑا۔ پاکستان مسلمانوں کے حقِ خودارادیت کی ایک طویل اور عظیم جدوجہد کی کامیاب تکمیل ہے۔
انہوں نے کہاکہ آزادی ایک عظیم نعمت اور خدا کا انمول تحفہ ہے، جس کا ہمہ وقت دفاع ناگزیر ہے۔
سعد احمد وڑائچ نے مزید کہاکہ یہ آزادی شہدا کے خون کی قربانی سے حاصل ہوئی ہے اور پاکستان آج اپنی خودمختاری اور سالمیت کے تحفظ کی مکمل صلاحیت رکھتا ہے۔
انہوں نے کہاکہ پاکستان ہر بیرونی خطرے یا جارحیت کا منہ توڑ جواب دینے کی اہلیت رکھتا ہے اور غلبے کی نیت سے مسلط کی گئی جنگ میں دشمن خود پسپا ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستانی ہائی کمیشن پرچم کشائی جشن آزادی نئی دہلی وی نیوزذریعہ: WE News
کلیدی لفظ: پاکستانی ہائی کمیشن نئی دہلی وی نیوز ہائی کمیشن
پڑھیں:
کراچی پریس کلب میں جشنِ آزادی، میئر کراچی مرتضی وہاب نے پرچم کشائی کی
—ویڈیو گریبکراچی پریس کلب میں جشنِ آزادی کے موقع پر پرچم کشائی کی گئی اور یومِ آزادی کا کیک کاٹا گیا، میئر کراچی مرتضی وہاب اور دیگر نے شرکت کی۔
کراچی پریس کلب میں جشنِ آزادی و معرکۂ حق کے سلسلے میں تقریب کا اہتمام کیا گیا۔
تقریب میں میئر کراچی اور پریس کلب کے عہدیداران، کاروباری افراد، اراکینِ پریس کلب کی فیملیز نے شرکت کی۔
کراچی پریس کلب کی جانب سے شرکاء میں قومی پرچم اور بیجز تقسیم کیے گئے۔
تقریب میں ملی نغموں کے مقابلے ہوئے جن میں پریس کلب کے ممبران کے بچوں نے بھرپور حصہ لیا، اس موقع پر پولیس بینڈ نے اپنے فن کا مظاہرہ کیا۔
میئر کراچی مرتضی وہاب نے اپنے خطاب میں کہا کہ میڈیا ناصرف عوامی مسائل کو اجاگر کرتا ہے بلکہ پالیسی سازی میں رہنمائی کا کردار بھی ادا کرتا ہے۔
انہوں نے کہا کہ سیوریج ٹریٹمنٹ پلانٹ ہارون آباد سے جلد 20 ایم جی ڈی سیوریج کو ٹریٹ کرنے کے بعد صنعتوں کو فراہمی شروع کر دی جائے گی، ڈی ایچ اے کے لیے 10 ایم جی ڈی پانی کی لائن الگ سے بچھائی جا رہی جبکہ سمندر کے ساتھ آبادیوں کے لیے سمندر میں 10 ایم جی ڈی ڈی سیلیینیشن پلانٹ لگانے کے منصوبے بھی زیرِغور ہیں۔
انہوں نے کہا کہ 30 ستمبر کو کریم آباد انڈرپاس، 15 نومبر کو کورنگی کازوے برج اور 31 دسمبر کو شاہراہ بھٹو کا کاٹھور تک، گٹر باغیچہ واٹر ٹریٹمنٹ پلانٹ کا افتتاح جلد کریں گے جہاں سے شہر کی صنعتوں کو پانی فراہم کیا جائے گا کیونکہ صنعتوں کا چلنا کراچی کے معاشی استحکام کے لیے ضروری ہے۔
سونے کی قیمتوں میں ایک بار پھر اضافہ، فی تولہ کتنے کا ہوگیا؟