اسلام آباد کی ضلعی عدالت نے علی امین گنڈا پور کے وارنٹ گرفتاری منسوخ کردیے
اشاعت کی تاریخ: 29th, September 2025 GMT
ڈسٹرکٹ اینڈ سیشن کورٹ اسلام آباد نے آڈیو لیکس کیس میں وزیر اعلیٰ خیبرپختونخوا
وزیر اعلیٰ خیبرپختونخوا علی امین گنڈا پور کیخلاف آڈیو لیک کیس کی سماعت ایڈیشنل ڈسٹرکٹ اینڈ سیشن جج نصر من اللہ بلوچ نے کی۔
سماعت کے دوران علی امین گنڈا پور کے وکیل راجہ ظہور الحسن نے مؤقف اختیار کیا کہ میڈیا نے صبح وارنٹ گرفتاری کے حوالے سے خبر چلائی، حالانکہ وہ ہڑتال کی وجہ سے عدالت میں پیش نہیں ہوسکے تھے۔
یہ بھی پڑھیں:
جج نصر من اللہ بلوچ نے ریمارکس دیے کہ اگر عدالت میں پیش نہیں ہوں گے تو میڈیا تو خبر چلائے گا، وکلا کی ہڑتال ہوسکتی ہے لیکن ملزم کو بہرحال پیش ہونا پڑتا ہے۔
وکیل صفائی نے عدالت کو بتایا کہ پشاور ہائی کورٹ نے 3 ہفتوں کے لیے ان کے مؤکل کی گرفتاری سے روکنے کا حکم جاری کر رکھا ہے۔
جج نے ہدایت دی کہ اس بارے میں باقاعدہ درخواست دائر کی جائے۔
مزید پڑھیں:
بعد ازاں علی امین گنڈا پور کے وکیل نے وارنٹ منسوخی کی درخواست دائر کی، جسے عدالت نے منظور کر لیا۔
عدالت نے علی امین گنڈا پور کے وارنٹ گرفتاری منسوخ کرتے ہوئے انہیں آئندہ سماعت پر پیش ہونے کی ہدایت کی۔
کیس کی سماعت 5 نومبر تک ملتوی کردی گئی۔ علی امین گنڈا پور کے خلاف مقدمہ تھانہ گولڑہ میں درج ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد تھانہ گولڑہ خیبرپختونخوا ضلعی عدالت علی امین گنڈاپور وارنٹ گرفتاری وزیر اعلی.
ذریعہ
ذریعہ: WE News
کلیدی لفظ: اسلام اباد خیبرپختونخوا ضلعی عدالت علی امین گنڈاپور وارنٹ گرفتاری وزیر اعلی علی امین گنڈا پور کے وارنٹ گرفتاری
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی