معروف چائلڈ اسٹار فلیٹ میں آگ لگنے سے بھائی سمیت ہلاک
اشاعت کی تاریخ: 30th, September 2025 GMT
بھارتی ریاست راجستھان کے شہر کوٹا میں ایک المناک حادثے میں معروف چائلڈ اداکار دس سالہ ویر شرما اور ان کے پندرہ سالہ بھائی شوریا شرما کی موت نے فنی حلقوں میں غمگین کردیا ہے۔ دونوں بھائی اپنے فلیٹ میں آگ لگنے کے نتیجے میں دم گھٹنے سے ہلاک ہوگئے۔
یہ دل دہلا دینے والا واقعہ انتن پورہ علاقے کی ڈیپ شری بلڈنگ کی چوتھی منزل پر پیش آیا، جہاں دونوں بھائی اپنے کمرے میں آرام کر رہے تھے۔ ابتدائی اطلاعات کے مطابق ڈرائنگ روم میں شارٹ سرکٹ کے باعث آگ بھڑک اٹھی، جو اگرچہ زیادہ نہیں پھیل سکی، لیکن اس سے پیدا ہونے والے دھوئیں نے پورے فلیٹ کو اپنی لپیٹ میں لے لیا۔
ویر شرما نے مقبول ٹی وی شو میں کم عمر لکشمن کے کردار سے شہرت حاصل کی تھی اور وہ ایک آنے والی فلم میں سیف علی خان کے بچپن کے کردار کےلیے منتخب ہوئے تھے۔ ان کی اچانک موت نے نہ صرف ان کے خاندان بلکہ پورے فنی حلقوں کو سوگ میں ڈال دیا ہے۔
حادثے کے بعد ویر شرما کے والد نے میڈیا سے بات کرتے ہوئے بتایا کہ اس وقت وہ قریب ہی کسی کام سے گئے ہوئے تھے جب کسی نے انہیں اطلاع دی کہ ان کے فلیٹ سے دھواں نکل رہا ہے۔ وہ فوری طور پر دوڑتے ہوئے گھر پہنچے اور دروازہ توڑ کر اندر داخل ہوئے تو پورا فلیٹ دھوئیں سے بھرا ہوا تھا۔
انہوں نے اپنے جذبات پر قابو پاتے ہوئے بتایا کہ وہ فوری طور پر بچوں کو اسپتال لے گئے، لیکن بدقسمتی سے دونوں بھائیوں کا دم گھٹنے سے انتقال ہو چکا تھا۔ ان کے الفاظ میں ایک باپ کی پوری بے بسی اور دکھ صاف محسوس کیا جا سکتا تھا جب انہوں نے کہا کہ انہیں لگا تھا کہ وہ اپنے بچوں کو بچا لیں گے، مگر قسمت کو کچھ اور ہی منظور تھا۔
اس سانحہ نے ایک بار پھر رہائشی عمارتوں میں حفاظتی انتظامات کی کمی کو اجاگر کر دیا ہے۔ ویر شرما جیسے ہونہار آرٹسٹ کی اچانک موت نے نہ صرف ان کے خاندان بلکہ پوری فنی دنیا کو گہرے دکھ میں ڈال دیا ہے۔
Post Views: 1.ذریعہ: Daily Mumtaz
کلیدی لفظ: ویر شرما
پڑھیں:
نائجیریا میں اسکول پر مسلح افراد کا حملہ، 25 طالبات اغوا، وائس پرنسپل ہلاک
نائجیریا کی ریاست کیبّی میں سرکاری گرلز اسکول پر نامعلوم مسلح افراد نے حملہ کر کے وائس پرنسپل کو قتل اور 25 طالبات کو اغوا کر لیا۔
پولیس کے مطابق واقعہ صبح تقریبا 4 بجے پیش آیا جب حملہ آور بھاری اسلحے سے لیس ہو کر اسکول میں داخل ہوئے۔ حملہ آوروں نے پہلے سیکیورٹی اہلکاروں کے ساتھ فائرنگ کا تبادلہ کیا، پھر دیوار پھلانگ کر ہاسٹل میں داخل ہوئے اور طالبات کو زبردستی لے گئے۔
یہ بھی پڑھیے: امریکا نے صدر ٹرمپ کے ناقد نوبیل انعام یافتہ نائجیرین ادیب کا ویزا منسوخ کردیا
اس دوران وائس پرنسپل حسن یعقوب مکُکو مزاحمت کرتے ہوئے گولی لگنے سے جاں بحق ہوگئے جبکہ ایک اور ملازم زخمی ہوا۔ حکام کے مطابق اضافی پولیس یونٹس، فوج اور مقامی رضاکار فورسز کو اردگرد کے علاقوں اور جنگلات میں سرچ اینڈ ریسکیو آپریشن کے لیے تعینات کر دیا گیا ہے۔
نائجیریا کے شمال مغربی علاقوں میں بڑے پیمانے پر اغوا اور تاوان کے واقعات میں مسلسل اضافہ دیکھنے میں آ رہا ہے۔ اس سے قبل 2014 میں شمال مشرقی شہر چیبوک سے بوکو حرام نے 270 سے زائد طالبات کو اغوا کیا تھا، جن میں سے کئی آج تک واپس نہیں لوٹ سکیں۔
یہ بھی پڑھیے: خضدار میں سڑک تعمیر کرنے والے مزدوروں پر مسلح افراد کا حملہ، 13 مزدور اغوا
ماہرین کا کہنا ہے کہ حکومتی یقین دہانیوں کے باوجود سیکیورٹی صورتحال بدستور تشویشناک ہے اور اسکولز، گاؤں اور شاہراہیں مسلح گینگز کے نشانے پر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکول حملہ اغوا نائجیریا
27ویں ترمیم کے ذریعے آرٹیکل 6 کے کلاز 2 میں تبدیلی کا فیصلہ