عدالت میں جج سمیت سب سجدے میں گر گئے
اشاعت کی تاریخ: 30th, September 2025 GMT
خانیوال:۔ پاکستان کے شہر دیپالپور میں واقع انتظامی سول عدالت میں ایک روح پرور منظر اس وقت دیکھنے میں آیا جب عدالتی کارروائی کے آغاز سے قبل سورہ بنی اسرائیل کی آیت نمبر 109 کی تلاوت کی گئی، جس کے نتیجے میں عدالت میں موجود تمام افراد سجدے میں گر گئے۔
تفصیلات کے مطابق ندیم اصغر ندیم، جو کہ دیپالپور کے انتظامی سول جج ہیں، نے عدالتی کارروائی سے قبل قرآن مجید کی مذکورہ آیت کی تلاوت فرمائی۔ یہ آیت اللہ رب العزت کے حضور سجدہ کرنے کی دعوت دیتی ہے، اور اس کے سننے یا پڑھنے والے پر سجدہ واجب ہو جاتا ہے۔
تلاوت کے فوری بعد، عدالت میں موجود جج، اسٹینوگرافر، ریڈر، اہلمد، قاصد، وکلا، منشی حضرات اور سائلین سب کے سب احتراماً سجدے میں جھک گئے، جس سے عدالت کا ماحول روحانیت اور خشوع سے بھر گیا۔
یاد رہے کہ نیشنل جوڈیشل پالیسی کمیٹی پاکستان کے جاری کردہ اصولوں کے مطابق عدالتی کارروائی کے آغاز سے قبل قرآن مجید کی تلاوت کو لازم قرار دیا گیا ہے، تاکہ عدالتی ماحول میں برکت اور انصاف کی روح قائم رہے۔
ندیم اصغر ندیم جج صاحب نہ صرف اپنی انتظامی صلاحیتوں کے لیے جانے جاتے ہیں بلکہ وہ دیپالپور کے دس ہزار سے زائد مقدمات کی کامیاب ڈسپوزل کے باعث عدالتی نظام میں ایک مثالی مقام رکھتے ہیں۔ ان کی قیادت میں دیپالپور کی عدالتیں نہ صرف قانون کی عملداری بلکہ روحانی اقدار کی پاسداری کا بھی مظہر بن چکی ہیں۔
.
ذریعہ
ذریعہ: Al Qamar Online
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار