امریکی مصنوعی ذہانت کی کمپنی انتھروپک نے نیا چیف ٹیکنالوجی آفیسر مقرر کردیا
اشاعت کی تاریخ: 3rd, October 2025 GMT
امریکا کی مصنوعی ذہانت کی کمپنی انتھروپک نے اپنی قیادت میں بڑی تبدیلی کا اعلان کرتے ہوئے راہول پٹیل کو نیا چیف ٹیکنالوجی آفیسر (سی ٹی او) تعینات کر دیا ہے، وہ کمپنی کے شریک بانی سیم میک کینڈلش کی جگہ یہ عہدہ سنبھال رہے ہیں، جو اب چیف آرکیٹیکٹ کی حیثیت سے پری ٹریننگ اور بڑے پیمانے پر ماڈل ٹریننگ پر توجہ دیں گے۔
یہ بھی پڑھیں: انتھراپک کا اپنے جدید ماڈل کلاڈ سونیٹ 4.
کمپنی کے ٹیکنیکل اسٹرکچر میں بھی ردوبدل کیا گیا ہے جس کے تحت پروڈکٹ انجینئرنگ کو انفراسٹرکچر اور انفرنس ٹیموں کے ساتھ شامل کیا جارہا ہے۔ نئے سی ٹی او کی حیثیت سے راہول پٹیل انفراسٹرکچر، انفرنس اور دیگر انجینئرنگ یونٹس کی نگرانی کریں گے۔
یہ اقدام اس وقت سامنے آیا ہے جب کمپنی کو میٹا اور اوپن اے آئی جیسے بڑے حریفوں کے انفراسٹرکچر مقابلے کا سامنا ہے۔ میٹا نے حال ہی میں اعلان کیا ہے کہ وہ 2028 تک امریکا میں 600 بلین ڈالر تک کے انفراسٹرکچر پر خرچ کرے گا۔
یہ بھی پڑھیں: چینی اسٹارٹ اپ ڈیپ سیک کا نیا آرٹیفیشل انٹیلیجنس ماڈل V3.1 متعارف
دوسری جانب اوپن اے آئی نے اوریکل کے ساتھ بڑے منصوبوں پر اشتراک کیا ہے جن میں اسٹارگیٹ بھی شامل ہے۔ انتھروپک کی اپنی اخراجات کی تفصیلات واضح نہیں لیکن کمپنی کو طاقت، رفتار اور استعمال میں توازن قائم رکھنے کے چیلنجز درپیش ہیں۔
کلود پراڈکٹس کی بڑھتی مانگ کے باعث کمپنی کو جولائی میں ریٹ لِمٹس متعارف کرانا پڑیں۔ اب ہیوی یوزرز کے لیے کلاڈ کوڈ پر 240 سے 480 گھنٹے اور اوپس 4 پر 24 سے 40 گھنٹے فی ہفتہ کی حد مقرر کی گئی ہے۔
یہ بھی پڑھیں: سورا 2 ریلیز: اوپن اے آئی کا یوٹیوب اور ٹک ٹاک کو پیچھے چھوڑنے کا عزم
راہول پٹیل 20 سالہ تجربے کے حامل ہیں اور انہوں نے اسٹرائپ، اوریکل، ایمازون اور مائیکروسافٹ جیسی عالمی کمپنیوں میں قائدانہ کردار ادا کیا ہے۔ صدر ڈینیئلا اموڈئی نے ان کی انٹرپرائز انفراسٹرکچر میں کارکردگی کو سراہا، جبکہ پٹیل نے کہا کہ وہ انتھروپک میں شامل ہو کر خوش ہیں اور یہ دور مصنوعی ذہانت کی ترقی کا نہایت اہم مرحلہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انتھروپک ٹیکنیکل اسٹرکچر چیف ٹیکنالوجی آفیسر رہول پٹیل مصنوعی ذہانتذریعہ: WE News
کلیدی لفظ: انتھروپک مصنوعی ذہانت مصنوعی ذہانت
پڑھیں:
امریکی فوج نے بحرالکاہل میں 3 افراد کو ہلاک کردیا
امریکی سدرن کمانڈ کے ایک سرکاری بیان کے مطابق آپریشن جس کی اجازت امریکی وزیر دفاع نے دی، میں اہلکاروں نے منشیات کی اسمگلنگ کرنے والی کشتی کو نشانہ بنایا۔ اسلام ٹائمز۔ امریکا کی فوج نے مشرقی بحرالکاہل میں آپریشن نے دوران ایک کشتی میں سوار 3 افراد کو منشیات اسمگلنگ کے الزام میں ہلاک کردیا ہے۔ امریکی سدرن کمانڈ کے ایک سرکاری بیان کے مطابق آپریشن جس کی اجازت امریکی وزیر دفاع نے دی، میں اہلکاروں نے منشیات کی اسمگلنگ کرنے والی کشتی کو نشانہ بنایا۔ ملٹری کمانڈ نے سوشل میڈیا پلیٹ فارم ایکس پر ایک پوسٹ میں واقعے کی تفصیل دیتے ہوئے کہا کہ امریکی انٹیلی جنس نے تصدیق کی ہے کہ یہ کشتی منشیات کی غیر قانونی اسمگلنگ میں ملوث تھی اور منشیات لے جا رہی تھی۔ حملے میں تینوں ہلاک ہونے والوں کو مرد اسمگلر کے طور پر بیان کیا گیا ہے۔ یہ سمندری حملہ ٹرمپ انتظامیہ کی انسداد منشیات مہم کے تحت امریکا کی جانب سے کیے گئے فوجی اقدامات کے سلسلے میں تازہ ترین اضافے کی نمائندگی کرتا ہے۔
پالیسی کی بنیاد انتظامیہ کے اوائل میں رکھی گئی تھی جب صدر ڈونلڈ ٹرمپ نے طاقتور کارٹیلوں کو غیر ملکی دہشت گرد تنظیموں کے طور پر نامزد کرنے والے ایک ایگزیکٹو آرڈر پر دستخط کیے تھے اور ان کے خلاف فوجی اور انٹیلی جنس کارروائیوں کے لیے وسیع تر اختیارات فراہم کیے تھے۔ واضح رہے کہ منشیات کی اسمگلنگ کے مشتبہ سمندری جہازوں یا کشتیوں کے خلاف کارروائی ستمبر میں بحیرہ کیریبین سے شروع ہوئی تھی اور اکتوبر کے آخر تک اسے مشرقی بحرالکاہل تک بڑھا دیا گیا تھا۔ سرکاری اعداد و شمار ان کارروائیوں کی ایک اہم رفتار کی نشاندہی کرتے ہیں، مہم کے آغاز کے بعد سے کم از کم 21 الگ الگ حملے کیے گئے جس کے نتیجے میں کل 82 ہلاکتیں ہوچکی ہیں۔ یہ تازہ ترین واقعہ اس بات کی نشاندہی کرتا ہے کہ فوجی طاقت کے مسلسل استعمال کو واشنگٹن نے منشیات دہشت گردی کے خلاف جنگ کے طور پر بیان کیا ہے۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ