آئی ٹی سیکٹر میں نوکری تھی، اشتہار کی ایک دن کی کمائی دیکھ کر اداکار بننے کا فیصلہ کرلیا، نمیر خان
اشاعت کی تاریخ: 5th, October 2025 GMT
اداکار نمیر خان نے بتایا کہ وہ پہلے آئی ٹی سیکٹر میں نوکری کرتے تھے، لیکن ایک دن کے اشتہار کی کمائی دیکھ کر اسی فیلڈ میں اپنا کیریئر بنانے کا فیصلہ کر لیا۔
نمیر خان نے حال ہی میں احمد علی بٹ کے پوڈکاسٹ میں شرکت کے دوران اپنی زندگی کے دلچسپ اور یادگار واقعات شیئر کیے۔
انہوں نے بتایا کہ لاہور کے علاقے ماڈل ٹاؤن میں وہ دوستوں کے ساتھ رات گئے تک کرکٹ کھیلتے تھے، ایک رات جب وہ تین دوستوں کے ساتھ کھیلنے کی تیاری کر رہے تھے تو تین موٹر سائیکلوں پر سوار چھ لڑکے وہاں آگئے۔
اداکار کے مطابق انہوں نے موبائل اور پرس مانگا، لیکن چونکہ ان کے پاس کچھ نہیں تھا، اس لیے چوروں نے ان کی اور دیگر لڑکوں کی خوب پٹائی کی اور چلے گئے۔
نمیر خان نے مزاحیہ انداز میں کہا کہ لاہور میں یہی ہوتا ہے، لیکن کراچی میں ایسا نہیں ہوتا، یہاں کے چور عزت سے چوری کرتے ہیں۔
اداکار نے بتایا کہ وہ پیشے کے لحاظ سے سافٹ ویئر انجینئر ہیں، وہ اداکاری سے قبل آئی ٹی کے شعبے سے منسلک تھے اور وہ اس وقت بھی کینیڈا سے ماسٹرز کر رہے ہیں۔
نمیر خان کے مطابق جب وہ نوکری کر رہے تھے تو انہیں ماڈلنگ کا خیال آیا اور انہوں نے ایک ایجنسی میں اپنا پورٹ فولیو جمع کرایا، کچھ عرصے بعد انہیں کوکا کولا کے ایک اشتہار کی آفر ملی، جس میں ان کے ساتھ سجل علی اور مومنہ مستحسن بھی شامل تھیں اور اس اشتہار کی شوٹنگ کے بعد ان کے خیالات بدل گئے۔
ان کا کہنا تھا کہ یہ انڈسٹری واقعی کمال کی ہے، انہوں نے اُس اشتہار سے ہونے والی کمائی کا موازنہ اپنی نوکری سے کیا تو وہ حیران رہ گئے اور دل میں خیال آیا کہ یہ تو سافٹ ویئر انجینئر کے ساتھ ناانصافی ہے، وہ اتنی محنت کرتے ہیں، لیکن اس طرح کی آمدنی نہیں ہوتی اور سب سے بڑھ کر یہ کہ اس کام میں انہیں مزہ بھی آیا، یہی وجہ ہے کہ اس تجربے کے بعد انہوں نے فیصلہ کیا کہ وہ اسی فیلڈ میں اپنا کیریئر بنائیں گے۔
.
ذریعہ
ذریعہ: Daily Mumtaz
کلیدی لفظ: اشتہار کی انہوں نے کے ساتھ
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم