بھارتی اداکار خاتون یوٹیوبر کو جنسی زیادتی کا نشانہ بنانے پر گرفتار
اشاعت کی تاریخ: 6th, October 2025 GMT
خاتون یوٹیوبر نے بھارتی بھوج پوری فلم اندسٹری کے اداکار پر جنسی زیادتی کا نشانہ بنانے کا الزام عائد کیا ہے۔
بھارتی میڈیا کے مطابق غازی آباد پولیس نے خاتون یوٹیوبر کی شکایت پر بھوج پوری اداکار اور آئی پی ایل کمنٹیٹر مانی معراج کو پٹنہ (بہار) سے گرفتار کر لیا۔
خاتون یوٹیوبر نے مانی معراج پر جبری مذہبی تبدیلی، جنسی زیادتی، زبردستی اسقاط حمل اور فراڈ جیسے سنگین الزامات عائد کیے تھے۔
پولیس کا کہنا ہے کہ خاتون نے ملزم پر تین سال کے دوران لاکھوں روپے کا مالی دھوکہ دینے کا بھی الزام عائد کیا ہے۔
تحقیقات میں انکشاف ہوا کہ مانی معراج کی پہلے گوشت کی دکان تھی لیکن بعد میں سوشل میڈیا پر کامیڈی ویڈیوز کے ذریعے شہرت حاصل کی اور لاکھوں فالوورز بنا لیے۔
اس کامیابی کے بعد مانی نے بھوجپوری فلموں میں کام کیا اور حال ہی میں ان کی ایک فلم ریلیز ہوئی تھی۔ وہ ٹی وی پر بھوجپوری زبان میں آئی پی ایل کمنٹری بھی کر چکے ہیں۔
.ذریعہ: Express News
پڑھیں:
بھارتی اداکار ویویک اوبرائے پر پاکستانی سوشل میڈیا صارفین کیوں برس رہے ہیں؟
بالی ووڈ اداکار وِویک اوبرائے نے حال ہی میں سوشل میڈیا پر ایک ویڈیو شیئر کی ہے جس میں وہ عاطف اسلم کے مقبول گانے ’تیرے لیے‘ پر جھومتے ہوئے نظر آتے ہیں۔
ویڈیو کے منظرِعام پر آتے ہی اداکار کو اس وقت تنقید کا سامنا کرنا پڑا جب انہوں نے شریا گھوشال سمیت گانے کی تیاری سے وابستہ دیگر تمام فنکاروں کا ذکر کیا، مگر اصل گلوکار عاطف اسلم کا نام لینا بھول گئے۔ یہ بات سوشل میڈیا صارفین کے لیے حیرت اور ناگواری کا باعث بنی۔
View this post on Instagram
A post shared by Vivek Oberoi (@vivekoberoi)
صارفین نے ردِعمل دیتے ہوئے کہا کہ اوبرائے نے سب کو کریڈٹ دیا، سوائے اُس لیجنڈ کے جس نے گانا اپنی آواز سے مقبول بنایا۔ کئی لوگوں کا کہنا تھا کہ اداکار کو چاہیے تھا کہ وہ عاطف اسلم کو بھی کریڈٹ دیتے۔
یہ بھی پڑھیں: والد کے انتقال کے اگلے ہی دن پرفارمنس، تنقید کرنے والوں کو عاطف اسلم نے کیا جواب دیا؟
پاکستانی صارفین کی بڑی تعداد نے یہ مؤقف اپنایا کہ گانے کی کامیابی کا سب سے بڑا سبب عاطف اسلم کی آواز تھی، اس لیے اُن کا نام نظرانداز کرنا مناسب نہیں۔ بعض صارفین نے اس صورتحال پر طنزیہ تبصرے کیے، جبکہ کچھ نے اسے دانستہ طور پر نظرانداز کرنے کے مترادف قرار دیا۔
واضح رہے کہ یہ گانا ریلیز کے فوراً بعد بہت مقبول ہوا تھا، اگرچہ جس فلم کا حصہ تھا وہ باکس آفس پر بہتر کارکردگی نہ دکھا سکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ عاطف اسلم وویک اوبرائے ویڈیو وائرل
امریکی ناظم الامور کی ملاقات: آئی ٹی‘ دھاتوں میں سرمایہ کاری بڑھائیں‘ اسحاق ڈار