پنجاب :57 ہزار سستی رہائش گاہوں کی تعمیر کا منصوبہ محکمہ ہاؤسنگ کے زیر انتظام مکمل
اشاعت کی تاریخ: 7th, October 2025 GMT
سٹی42: پنجاب حکومت نے کم آمدنی والے اور مستحق افراد کے لیے 57 ہزار معیاری اور سستی رہائش گاہوں کی تعمیر کا بڑا منصوبہ تیار کر لیا ہے، جو محکمہ ہاؤسنگ کے زیر انتظام مکمل کیا جائے گا۔
محکمہ ہاؤسنگ کے مطابق پہلے مرحلے میں 20 ہزار رہائش گاہوں کی تعمیر کے لیے صوبے بھر میں 24 اضلاع کی 41 سائٹس کا انتخاب مکمل کر لیا گیا ہے، جبکہ ان سرکاری زمینوں کو پنجاب ہاؤسنگ اینڈ ٹاؤن پلاننگ ایجنسی کے نام منتقل کرنے کی منظوری بھی دے دی گئی ہے۔
صنم جاوید کو گرفتار کرلیا گیا
منصوبے کی اہم تفصیلات کے مطابق رہائش گاہیں آسان اقساط پر مستحق افراد کو دی جائیں گی۔ 16 اضلاع میں 250 مربع فٹ پر محیط 22 سائٹس تعمیر ہوں گی، 5 اضلاع میں 530 مربع فٹ کی 3 منزلہ 11 سائٹس بنائی جائیں گی،3 اضلاع میں 550 مربع فٹ پر محیط 4 منزلہ 8 سائٹس تعمیر ہوں گی اور منصوبہ 5 سال میں مکمل کیا جائے گا۔
محکمہ ہاؤسنگ کے ترجمان کے مطابق ان رہائش گاہوں میں جدید ضروریات کو مدنظر رکھتے ہوئے شمسی توانائی نظام اور بارش کے پانی کو ذخیرہ کرنے کا نظام بھی شامل ہوگا، تاکہ ماحول دوست اور پائیدار رہائشی سہولیات فراہم کی جا سکیں۔رہائش گاہوں کی تعمیر بین الاقوامی معیار کے مطابق کی جائے گی اور اس منصوبے کو ورلڈ بینک اور نجی شعبے کے اشتراک سے مکمل کیا جائے گا۔ ترجمان کے مطابق یہ افورڈیبل ہاؤسنگ منصوبہ ایک بہترین حکمت عملی کے تحت آگے بڑھایا جائے گا تاکہ عام شہری کو باوقار رہائش میسر آ سکے۔
سولر پاور کے بجلی نرخ میں 2 روپے فی یونٹ کمی
.ذریعہ: City 42
کلیدی لفظ: سٹی42 رہائش گاہوں کی تعمیر محکمہ ہاؤسنگ کے کے مطابق جائے گا
پڑھیں:
محکمہ خزانہ پنجاب نے 3محکموں کوبجٹ جاری کر دیا
قیصر کھوکھر:محکمہ خزانہ پنجاب نے 3محکموں کوبجٹ جاری کر دیا.
محکمہ خزانہ نےتنخواہوں،آپریشنل اخراجات کیلئےبجٹ جاری کر دیا،محکمہ لائیو سٹاک کو 4ارب 70لاکھ روپےجاری کر کئے گئے،محکمہ سپیشلائزڈہیلتھ کیئرکو11ارب 50کروڑروپےجاری کر دیا،محکمہ ہیلتھ اینڈآبادی کو1 ارب 40کروڑروپےجاری کر دیا۔
محکمہ خزانہ پنجاب نے بجٹ آن لائن جاری کر دیا۔
حکومت سے ماضی میں جیسے علیحدہ ہوئے وہ ہمیں یاد ہے بھولے نہیں، قمر زمان کائرہ