علی امین کے حوالے سے پی ٹی آئی میں بحث ہو رہی تھی، لڑائی2،4مہینے پہلے سے شروع ہوئی ، کائرہ
اشاعت کی تاریخ: 8th, October 2025 GMT
پاکستان پیپلز پارٹی کے رہنما قمر زمان کائرہ نے کہا ہےکہ علی امین کےحوالے سے پی ٹی آئی میں بحث ہورہی تھی، علی امین کی لڑائی2،4مہینے پہلے سے شروع ہوگئی تھی۔
نجی ٹی وی سے گفتگوکرتے ہوئے قمر زمان کائرہ نے کہاکہ سب کی رائے ہے بانی پی ٹی آئی کےفیصلوں کی سمجھ نہیں آتی، علی امین کےخلاف سازشیں ہورہی تھیں تو بانی پی ٹی آئی ساتھ کھڑےتھے، علیمہ خان سے اختلاف ہوا تو علی امین فارغ ہوگئے۔
انہوں نے کہا کہ سوشل میڈیا کی لڑائی لڑتے لڑتے وزیراعلیٰ بنادیا کیا ان کاتجربہ ہے؟ کیا سہیل آفریدی چیزوں کو بہتر طریقے سے ہینڈل کرسکیں گے؟ ابھی علی امین کا استعفیٰ نہیں آیا، جماعتیں کےپی میں حکومت بنانے پر مشاورت تو کریں گی۔
قمر زمان کائرہ نے کہا کہ ہر دور میں افغانستان کےساتھ بات چیت کی گئی، کیاکسی طالبان کے نمائندے نے مذاکرات کے ذریعے ہتھیار پھینکنے کی کوشش کی؟ افغانستان،فتنہ الخوارج ایک تھے،یہ ملکر لڑے اور فتح حاصل کر کے حکومت حاصل کی۔
بیرسٹر عقیل نے گفتگو کرتے ہوئے کہا کہ ہم نے افغانستان کو کہا اپنی سر زمین ہمارے خلاف استعمال نہ ہونے دیں، بات چیت کر کے دیکھ لی،آپریشن نہ کریں تو کیا کریں؟ بانی پی ٹی آئی نے جیل سے کہا وفاق سے کسی قسم کا تعاون نہ کریں۔
انہوں نے کہا کہ کیا بانی پی ٹی آئی پاکستان کاحصہ ہوتے ہوئے ملک کے ساتھ نہیں چلیں گے، اڈیالہ سے جو بیان جاری ہوا،یہ ملک کے خلاف ہے، کےپی میں پی ٹی آئی کی حکومت بنے گی یا نہیں،یہ کہنا قبل ازوقت ہے، سہیل آفریدی پر بہت سے مقدمات ہیں،این سی سی آئی کابھی مقدمہ ہے۔
ذریعہ
ذریعہ: Daily Mumtaz
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار